Matthieu 22:24 - Mbeti ti Nzapa - Tënë so amu fini

²⁴ atene: “Wafango-ye, Moïse atene ando, atene: ‘Tongana mbeni zo akui si lo yeke na amolenge pepe, alingbi ita ti lo amu wali ti wakuâ ni si lo du amolenge na ita ti lo so akui so.’

Matthieu 22:24 Iomraidhean Croise

Tongo nda ti aye 38:11

Tongaso Juda atene na Tamar, wali ti molenge ti lo, atene: “Koli ti mo akui awe. Ayeke nzoni mo kiri na ndo ti babâ ti mo, mo duti kâ ngbii Shela, molenge ti mbi ti koli akono aga koli si.” Andaa lo yeke tene na be ti lo, lo tene: “Ayeke nzoni Shela akui tongana ti a-ita ti lo pepe.” Tongaso Tamar ague, aduti na ndo ti babâ ti lo.

Tongo nda ti aye 38:8

Tongaso Juda atene na Onan: “Gue, mo na wali ti ita ti mo amu tere. Mo du molenge na lo titene iri ti ita ti mo angba na gigi.”

Matthieu 22:16

Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 22:25

Ando na ndo ti e, ambeni ita mbarambara ayeke daa. Kozo ita ni amu wali, lo du molenge pepe si lo kui; lo zia wali ti lo na ita ti lo ti use ni.

Matthieu 22:36

“Wafango-ye, ndia so ayeke kota ahon atanga ni kue ayeke so wa?”

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Marc 12:19

“Wafango-ye, Moïse asu ando ndia so na mbeti ndali ti e, lo tene: ‘Tongana mbeni zo akui si lo zia wali na peko ti lo so adu amolenge pepe, alingbi ita ti lo amu wali ti wakuâ ni si lo du amolenge na ita ti lo so akui so.’

Nzoni Tënë so Luc asu na mbeti 20:28

“Wafango-ye, Moïse asu ando ndia so na mbeti ndali ti e, lo tene: ‘Tongana mbeni zo akui si lo zia wali na peko ti lo, me zo ni adu amolenge pepe, alingbi ita ti lo amu wali ti wakuâ ni si lo du amolenge na ita ti lo so akui so.’

Nzoni Tënë so Luc asu na mbeti 20:33

Na lango ti zingongo ti akuâ, fade wali ni ayeke duti wali ti zo wa na popo ti ala so? So ala mbarambara kue amu lo ti ga wali ti ala so!”

Nzoni Tënë so Luc asu na mbeti 6:46

“Ngbanga ti nyen laa ala yeke iri mbi: ‘*Kota Gbia, Kota Gbia’, me ala sara ye alingbi na tënë so mbi tene so pepe?

Ruth 1:11

Me Noemi atene: “Amolenge ti mbi, ala kiri! Ala ye ti ga na peko ti mbi ngbanga ti nyen? Ngu ti mbi akpa titene mbi kiri mbi du amolenge-koli titene ala ga ande akoli ti ala?

Ruth 3:13

Mo lango na ndo so na bi so; kekereke na ndaperere, tongana lo ye ti mu mo ti bata mo, ayeke nzoni lo sara ni. Me tongana lo ye ti mu mo ti bata mo pepe, fade mbi mu mo, mbi bata mo. Tënë so mbi tene na mo so, mbi tene ni na le ti KOTA GBIA so ayeke na fini! Mo lango, ndo ahan si.”

Ruth 4:5

Booz akiri tënë, atene: “Na ndembe so mo yeke vo yaka so na maboko ti Noemi, alingbi mo mu nga Ruth, zo ti mara ti Moab so lani koli ti lo akui si lo ga wali ti mo. Mo mu lo si mo sara titene iri ti ita ti mo angba na ndö ti aye so lo zia.”