Matthieu 22:17 - Mbeti ti Nzapa - Tënë so amu fini

¹⁷ Tene na e, ti be ti mo: *Ndia amu lege na e ti futa lapo na kota gbia ti Rome, wala e futa ni pepe?”

Matthieu 22:17 Iomraidhean Croise

Esdras 4:13

Gbia, ayeke nzoni mo hinga, mo tene, tongana a leke gbata so si a leke gbagba ni awe, fade azo ni ayeke kiri ti futa lapo pepe, wala lapo na ndö ti akungba wala lapo ti lege pepe. Tongana ala ke ti futa ni, fade mosoro ti gbia ayeke kiri na peko.

Esdras 7:24

E ye nga ti fa na awabatango-nginza, e tene: fade awayango-sandaga, azo ti mara ti Lévi, azo ti hengo bia, asanziri na azo ti kua ti kota da ti Nzapa, na tanga ti azo ti kua kue, ndia amu lege pepe titene ala futa lapo, nginza na ndö ti akungba nga na lapo ti lege.

Néhémie 5:4

Ambeni nga atene: “Titene e wara nginza ti futa na lapo ti gbia, e yeke mu ayaka ti e nga na ayaka ti vinye ti e na boon na ambeni zo.

Néhémie 9:37

Sese ni ayeke du ale ti kobe gbani gbani gi ndali ti agbia so mo zia ala na li ti e. Mo zia agbia ni na li ti e ndali ti siokpari ti e. Ala yeke sara komandema na ndö ti e nga na ndö ti anyama ti e tongana ti so be ti ala aye. Ti e, e yeke na ya ti kota mawa!”

Jérémie 42:20

Ala tokua mbi na KOTA GBIA, Nzapa ti ala ti hunda lo ndali ti tënë ti ala. Ala tene na mbi: ‘Sambela KOTA GBIA, Nzapa ti e ndali ti e. Tënë so kue KOTA GBIA ayeke tene, tene na e, fade e yeke sara ni.’ Andaa kuâ laa ala iri na ndö ti ala.

Matthieu 17:25

Pierre akiri tënë na ala: “Lo yeke futa ni-aa!” So Pierre aga ali na da, Jésus amu tënë kozoni si lo tene: “Simon, na be ti mo, zo wa laa alingbi ti futa lapo na agbia ti sese? Amolenge ti kodro wala awande?”

Matthieu 22:18

Jésus ahinga sioni be ti ala si lo tene na ala: “Ala azo so tënë ti yanga ti ala ayeke nde na sarango ye ti ala so, ngbanga ti nyen ala ye ti sara si mbi ti na ya ti gbanda ti ala?

Nzoni Tënë so Luc asu na mbeti 2:1

Na ngoi ni so, Auguste, kota gbia ti Rome asigigi na mbeni mbela so ahunda na azo ti sese ti lo kue titene a diko wungo ti ala.

Nzoni Tënë so Luc asu na mbeti 20:22

Tene na e: *Ndia amu lege na e ti futa lapo na kota gbia ti Rome, wala e futa ni pepe?”

Nzoni Tënë so Luc asu na mbeti 3:1

Na ngu baleoko na oku so Tibere ayeke kota gbia ti Rome, Ponse Pilate ayeke govoronere na sese ti Judée, Herode, kota komanda na sese ti Galile, ita ti lo Philippe ayeke kota komanda na sese ti Iture na ti Trakonite si Lisanias ayeke kota komanda na sese ti Abilene;

Awatokua 17:7

Yason ayamba ala na da ti lo! Azo so kue ayeke sara ye so ake andia ti kota gbia ti Rome; ala tene, mbeni gbia nde ayeke daa, iri ti lo Jésus.”

Awatokua 25:8

Paul ake atënë ni si lo tene: “Mbi sara sioni ye so ake ndia ti azuife, wala kota da ti Nzapa wala kota gbia ti Rome oko pepe.”

Awatokua 28:22

Me e ye ti ma na yanga ti mo wani ye so ayeke na be ti mo, ngbanga ti so e hinga, e tene, na ndo kue azo ayeke ke tënë ti bongbi so mo yeke na ya ni.”

Awatokua 5:37

Na peko ti lo, Judas, zo ti Galile, aga na ndembe ti dikongo wungo ti azo; lo mu gba ti azo na peko ti lo. Me lo nga, a fâ lo si azo ti peko ti lo akangbi kirikiri.