Matthieu 22:16 - Mbeti ti Nzapa - Tënë so amu fini

¹⁶ Ala tokua ambeni disiple ti ala na ambeni zo ti kama poroso ti Herode ti tene na Jésus: “Wafango-ye, e hinga so mo yeke tene gi taa-tënë, mo yeke fa taa-tënë na ndö ti lege ti sarango ye so Nzapa aye; mo yeke sara kamene ti le ti zo pepe, ataa zo ni ayeke na kota ndo.

Matthieu 22:16 Iomraidhean Croise

1 Agbia 22:14

Mishe akiri tënë, atene: “*KOTA GBIA ayeke na fini! Tënë so KOTA GBIA ayeke tene na mbi, gi ni laa mbi yeke tene ande!”

Abia (Psaumes) 12:2

*KOTA GBIA, soo mbi maa! Azo so angba na lege ti mo ayeke daa mbeni pepe; azo ti mbirimbiri ayeke daa fadeso pepe.

Abia (Psaumes) 5:9

KOTA GBIA, mo yeke mbirimbiri, fa na mbi lege ndali ti so awato ti mbi ayeke hara mbi; leke lege ti mo mbirimbiri na dawa ti mbi si mbi hon daa.

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Amato 29:5

Zo so atene anzerengo tënë ti handa na mba ti lo, lo zia gbanda na lege ti lo.

Malashii 2:6

Ala fa gi taa-tënë na azo si mbeni tënë ti mvene asigigi na yanga ti ala pepe. Ala tambula na mbi na siriri, na legeni. Ala sara si azo mingi azia lege ti sarango ye ti sioni.

Malashii 2:9

Mbi nga, mbi yeke sara titene azo abaa ala tongana ambumbuse zo si azo ni abi buba na tere ti ala. Biani, lege so mbi fa na ala, awayango-sandaga, ala yeke mu ni pepe; ala yeke baa azo bango si ala yeke fâ ya ti tënë ti ala na lege ti ndia.”

Matthieu 22:24

atene: “Wafango-ye, Moïse atene ando, atene: ‘Tongana mbeni zo akui si lo yeke na amolenge pepe, alingbi ita ti lo amu wali ti wakuâ ni si lo du amolenge na ita ti lo so akui so.’

Matthieu 22:26

Gi ye so asi na lo so asi na use ita ti lo ni, na lo ti ota ni, ngbii asi na lo ti mbarambara ni.

Matthieu 26:18

Jésus atene na ala: “Ala gue na ya ti gbata ni na ndo ti pakara tongaso; ala tene na lo: ‘Wafango-ye atene: Ngbonga ti mbi aga nduru awe; mbi na adisiple ti mbi, e yeke sara ande matanga ti Pake na ndo ti mo.’ ”

Matthieu 26:49

Gi hio tongaso, Judas aga nduru na tere ti Jésus si lo tene na lo: “Wafango-ye, mbi bara mo!” Na pekoni, lo su ngbangba ti lo.

Marc 10:17

So Jésus amu lege ti gue, mbeni koli aga gi na loro, akuku na gbe ti lo si ahunda lo, atene: “Nzoni wafango-ye, nyen laa mbi lingbi ti sara ti wara fini so angba lakue lakue?”

Marc 12:13

Ala tokua ambeni *farizien na ambeni zo ti kama poroso ti Herode na Jésus titene, gi na lege ti tënë ti yanga ti lo wani, lo ti na ya ti gbanda ti ala.

Marc 12:14

Ala ga si ala tene na lo: “Wafango-ye, e hinga so mo yeke tene gi taa-tënë; mo yeke sara kamene ti le ti zo pepe, ataa zo ni ayeke na kota ndo, me mo yeke fa taa-tënë na ndö ti lege ti sarango ye so Nzapa aye. Tene na e: *Ndia amu lege na e ti futa lapo na kota gbia ti Rome wala ti futa ni pepe? E lingbi ti futa ni wala e futa ni pepe?”

Marc 3:6

So *afarizien asigigi na ya ti da ti sambelango Nzapa ni, ala gue hio awara azo ti kama poroso ti Herode; ala bongbi ti gi lege ti fâ Jésus.

Marc 8:15

Jésus amu yanga na ala, atene: “Ala sara hange! Le ti ala akpengba na mama ti mapa ti *afarizien na ti Herode!”

Nzoni Tënë so Luc asu na mbeti 20:21

Ala hunda lo, atene: “Wafango-ye, e hinga so mo yeke tene tënë si mo yeke fa ye gi na legeni mbirimbiri; mo yeke mu mbage ti zo oko pepe, me mo yeke fa mbirimbiri lege ti sarango ye so Nzapa aye.

Nzoni Tënë so Luc asu na mbeti 7:40

Jésus amu tënë si lo tene na farizien ni: “Simon, mbi yeke na mbeni tënë ti tene na mo.” Simon atene: “Wafango-ye, tene tënë ni!”

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

2 Korente 2:17

Azo mingi ayeke mu tënë ti Nzapa ti de buze na ni; e yeke tongana ala pepe. Ti e, Nzapa laa atokua e, nilaa na lege ti gango so e ga oko na Christ, e yeke tene taa-tënë na le ti Nzapa.

2 Korente 4:2

E ke tënë ti aye ti kamene so azo ayeke sara na gbe mingo; e yeke sara ye ti handa na azo pepe, e yeke buba ya ti tënë ti Nzapa pepe. Me e yeke fa taa-tënë na azo, tongaso si na le ti Nzapa, azo kue azia be ti ala na ndö ti e.

2 Korente 5:16

Ndani laa, ti fadeso, e yeke kiri ti baa zo oko na le ti e na bango ndo ti zo pepe. Ataa so e baa Christ ando na le ti e na bango ndo ti zo, ti fadeso e yeke kiri ti baa lo tongaso pepe.

Galasii 1:10

Mbi yeke gi lege fadeso titene azo agonda mbi? Oko pepe, mbi ye titene Nzapa laa agonda mbi. Mbi yeke gi ti ga nzoni na le ti azo? Tongana mbi yeke gi fade titene azo agonda mbi, andaa mbi yeke zo ti kua ti Christ pepe.

Galasii 2:6

Ambeni zo ayeke daa so a baa ala tongana akota zo. – Ataa ala yeke lani kota wala ala yeke kota pepe, ngbanga ti mbi ayeke daa pepe, Nzapa ayeke gonda zo ndali ti le ti zo ni pepe. – Akota zo so agbu mbi na ngangu pepe titene mbi sara mbeni ye nde.

Ndia ti fani use ni 33:9

Ala baa babâ na mama ti ala tongana azo pepe, ala baa amolenge ti ala na a-ita ti ala tongana azo pepe; me ala bata tënë ti yanga ti mo, ala sara ye alingbi na *mbuki ti mo.

1 Tesalonike 2:4

Me e yeke fa tënë ni tongana ti so be ti Nzapa aye, ngbanga ti so lo tara e awe si lo mu na e kua ti fango Nzoni Tënë. E yeke gi lege ti zia ngia na be ti azo pepe, me ti zia ngia na be ti Nzapa, lo so lo yeke tara be ti e.

Jacques 3:17

Me ndara so alondo na yayu, kozoni asara si zo aduti na vurungo be, na pekoni, asara si zo aduti na siriri, zo asara ye na ngangu pepe, zo ama tere na mba ti lo, zo asara nzoni be mingi na mba ti lo si lo sara nga anzoni ye. Ndara ti yayu ayeke mu mbage ti mbeni zo pepe si zo so ayeke na ni, tënë ti yanga ti lo ayeke nde pepe na sarango ye ti lo.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.