Matthieu 22:11 - Mbeti ti Nzapa - Tënë so amu fini

¹¹ Gbia ni ali ti baa azo so a tisa ala si ala ga so; lo baa mbeni koli so ayu bongo ti matanga ni pepe.

Matthieu 22:11 Iomraidhean Croise

2 Agbia 10:22

Tongaso Yehu amu yanga na zo ti batango abongo, atene: “Mo ga na bongo ndali ti azo so kue ayeke voro Baal.” Zo ni aga na abongo ni.

Ésaïe 52:1

*Sion, zingo, zingo hio si! Mo fa ngangu ti mo! Jérusalem, gbata so ayeke nde si ayeke nzoni kue, yu apendere bongo ti mo! Biani, azo so afâ *ganza pepe nga na azo so aga *sioni awe ayeke kiri ti si na ndo ti mo pepe.

Ésaïe 64:6

Zo oko ti di iri ti mo ayeke daa pepe, zo oko ti zingo na lango si lo bongbi oko na mo ayeke daa pepe. Biani, mo honde le ti mo na e, mo zia e si e woko na gbe ti sioni ti e.

Abia ti demango tere 5:22

Mo zia e biani biani awe? Mo yeke ngba ande ti sara ngonzo na e ahon ndoni tongaso?

Sofonii 1:12

Na ngoi ni so, fade mbi yeke mu lamba ti gi ndo na ya ti gbata ti Jérusalem; mbi yeke ga na tere ti azo so ayeke duti senge senge na ndö ti mosoro ti ala so; ala yeke tene na be ti ala, atene: ‘KOTA GBIA alingbi ti sara mbeni ye oko pepe, ataa nzoni ye wala sioni ye!’

Matthieu 13:30

Ala zia ni kue akono legeoko ngbii asi na ngoi ti fango ale ti kobe ni. Tongana ngoi ti fango ale ti kobe ni alingbi awe, fade mbi yeke tene na azo ti kua ti mbi, mbi tene: Ala gboto asioni pere ni kozoni, ala kanga agba ni ti gbi ni. Na pekoni, ala ro ale ti ble ni azia na ya ti gogoro ti mbi.’ ”

Matthieu 22:10

Azo ti kua ni ague si ala tisa azo so kue ala wara ala, ataa asioni zo, wala anzoni zo, ala bongbi ala kue. Nilaa ya ti da ti matanga ni asi singo na azo.

Matthieu 3:12

Lo gbu ye ti pengo na ale ti kobe na maboko ti lo, lo yeke leke ndo ti pikango ale ti kobe ti lo daa. Na pekoni, lo yeke zia ni na ya ti gogoro, me fade lo yeke bongbi aporo ni ti gbi na ya ti wâ so ayeke mingo laoko pepe.”

Rome 13:14

Me ala yu *Kota Gbia Jésus Christ tongana ye ti bira. Ala zia lege pepe na be ti ala so ayeke pusu ala ti sara ye alingbi na asioni nzara ti lo.

Rome 3:22

Nzapa asara si azo aga mbirimbiri na le ti lo na lege so ala ma na be na Jésus Christ. Lo sara ni ndali ti azo so kue ama na be na Christ, ngbanga ti so kangbi ayeke na popo ti ala pepe:

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 5:3

Kota ye ni ayeke titene bongo aduti na tere ti e si tere ti e ni angba senge pepe.

Galasii 3:27

Ala kue awara bateme awe, ala ga oko na Christ. Tongaso, lege ti dutingo ti ala aga tongana ti Christ awe.

Efeze 4:24

Tongana ti so zo ayeke yu fini bongo, ala ga afini zo so a sara ala tongana ti so be ti Nzapa aye; lo ye titene taa-tënë asara si ala ga mbirimbiri, ala ga nde si ala ga nzoni kue.

Aye so Nzapa afa 16:15

Kota Gbia atene: “Baa, mbi yeke ga tongana zo ti nzi! Ti lo nzoni, zo so alango pepe si lo bata bongo ti lo na tere ti lo. Tongaso, fade lo yeke tambula na tere ti lo senge pepe, kamene ayeke sara lo na le ti azo pepe.”

Aye so Nzapa afa 19:8

A mu na lo pendere bongo ti *len so ayeke za zango si ayeke *nzoni titene lo yu ni.” (Bongo ti len ni ayeke aye ti mbirimbiri so azo ti Nzapa asara.)

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 3:18

Ndani laa mbi yeke mu wango na mo titene mo vo lôro so a kporo ni na wâ si a zi asioni ye kue daa so; vo ni na maboko ti mbi si mo ga zo ti mosoro. Vo nga abongo na maboko ti mbi titene mo yu si azo abaa tere ti mo so ayeke senge so pepe. Vo yoro ti le na maboko ti mbi, mo zia na le ti mo si mo kiri mo baa ndo nzoni.