Matthieu 21:6 - Mbeti ti Nzapa - Tënë so amu fini

⁶ Adisiple ague si ala sara ye so lo mu yanga na ala ti sarango ni.

Matthieu 21:6 Iomraidhean Croise

Tongo nda ti aye 12:4

Abram alondo, ague gi tongana ti so KOTA GBIA atene na lo ti gue so. Lot nga ague na lo. Ngu ti Abram ayeke balembarambara na oku na ndembe so lo londo na gbata ti Haran ti hon.

Tongo nda ti aye 6:22

Noe asara ye ni tongaso. Lo sara ye ni alingbi gi na yanga so Nzapa amu na lo.

Sigingo 39:43

Moïse abaa kua so kue ala sara; ala sara ni alingbi gi na yanga so KOTA GBIA amu. Tongaso Moïse asara tufa na ndö ti azo ti Israel.

Sigingo 40:16

Moïse asara ye kue alingbi gi na yanga so KOTA GBIA amu na lo.

Ezekiel 12:7

Tongaso, mbi sara ye ni alingbi na yanga so KOTA GBIA amu lani na mbi. Na kota lâ, mbi sigigi na akungba ti mbi tongana ti zo so a gbu lo ti gue na lo na kodro wande. Na lakui, mbi koro du na maboko ti mbi na ya ti gbagba ni. Na bi so avuko pitipiti, mbi sigigi na akungba ni si mbi yo ni na ndö ti go ti mbi na le ti azo kue.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Matthieu 21:7

Ala mu mama ti lele ni na molenge ti lo aga na ala. Ala zia bongo ti ala na ndö ti alele ni si Jésus aduti na ndö ni.

Jean 15:14

Tongana ala sara ye alingbi na yanga so mbi mu na ala, ala yeke amba ti mbi so mbi na ala e ye tere.

1 Samuel 15:11

“Be ti mbi aso ndali ti so mbi sara si Saul aga gbia. Biani, lo ke mbi awe si lo ke ti ma yanga ti mbi.” Li ti Samuel aga kirikiri si lo sambela KOTA GBIA na bi ni kue.