Matthieu 21:46 - Mbeti ti Nzapa - Tënë so amu fini

⁴⁶ Ala gi lege ti gbu lo, me mbeto ti gba ti azo so asara ala, ngbanga ti so azo ni abaa Jésus tongana wayanga-Nzapa.

Matthieu 21:46 Iomraidhean Croise

Amato 15:12

Zo ti hengo ndo aye titene a gboto mê ti lo pepe; lo yeke gue ti baa azo ti ndara pepe.

Ésaïe 29:1

*KOTA GBIA atene: “So mawa na mo Ariel, Ariel, gbata so David aga ti tiri bira na mo so! Ngu na ngu, mo lingbi ti sara amatanga na lege ti amolongo ni,

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Matthieu 21:26

Me tongana e tene: ‘Azo laa atokua lo’, e lingbi ti sara mbeto ti gba ti azo ni, ngbanga ti so ala kue ahinga atene, Jean ayeke wayanga-Nzapa.”

Matthieu 21:45

So akota wayango-sandaga na *afarizien ama atoli so, ala hinga atene, lo tene tënë so na ndö ti ala.

Matthieu 22:1

Jésus akiri atene tënë na ala na lege ti toli, lo tene:

Marc 11:18

Akota wayango-sandaga na awafango-ndia ama tënë ti ye so Jésus asara so si ala yeke gi lege ti fâ lo. Me ala sara mbeto ti lo mingi, ngbanga ti so li ti gba ti azo akpe ndali ti fango ye ti lo.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Jean 7:30

Tongaso, ala gi lege ti gbu Jésus, me zo oko agbu lo pepe, ngbanga ti so ngbonga ti lo ade ti lingbi pepe.

Jean 7:7

Azo ti dunia alingbi ti ke ala pepe; me azo ni ake mbi, ngbanga ti so mbi tene tënë na ndö ti ala, mbi tene: aye so ala ayeke sara ayeke sioni.

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.