Matthieu 21:42 - Mbeti ti Nzapa - Tënë so amu fini

⁴² Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Matthieu 21:42 Iomraidhean Croise

Ésaïe 28:16

Ndani laa, tënë so Kota Gbia NZAPA atene ayeke so: “Baa, mbi zia na *Sion têne so mbi tara ni awe, ngangu têne ti gere ti da so a lu ni ngangu. Zo so aluti na ndö ni, fade lo yeke ti pepe.

Habakuk 1:5

Kota Gbia atene: “Ala zi le ti ala, ala baa ye so ayeke si na popo ti amara nde; fade li ti ala ayeke ga kirikiri, li ti ala kue ayeke kpe! So ala de na fini so, ala yeke baa mbeni ye so ayeke si, ataa mbeni zo atene peko ni na ala, ala yeke yeda na ni pepe.

Matthieu 21:43

Ndani laa, Jésus atene: “Mbi tene na ala: fade a yeke zi *Kodro-gbia ti Nzapa na maboko ti ala ti mu na azo so asara ye alingbi na ni. [

Awatokua 4:11

Jésus so laa Mbeti ti Nzapa atene tënë ti lo, atene: ‘Têne so azo ti sarango da ake ni, ni laa akiri aga ngangu têne ti gere ti da ni.’

Rome 9:33

tongana ti so Mbeti ti Nzapa atene: “Baa, mbi zia na ya ti gbata ti *Sion mbeni têne so asara si zo aye ti ti; kota têne so ayeke kinda zo. Me zo so ama na be na lo, fade kamene ayeke sara lo pepe.”

Efeze 2:20

Ala yeke da so Nzapa asara; gere ti da ni ayeke *awatokua na awayanga-Nzapa si Jésus Christ wani ayeke ngangu têne ti gere ti da ni.