Matthieu 21:35 - Mbeti ti Nzapa - Tënë so amu fini

³⁵ Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 21:35 Iomraidhean Croise

1 Agbia 18:13

Kota zo ti mbi, ye so mbi sara na ndembe so Yezabel ato nda ti fâ awayanga-Nzapa so, azo ade ti fa peko ni na mo pepe? Mbi mu lani ambeni wayanga-Nzapa ngbangbo oko si mbi honde ala. Mbi mu ala baleoku, baleoku si mbi honde ala na ya ti akota du ti têne use. Lakue, mbi yeke mu na ala kobe na ngu.

1 Agbia 18:4

Lani so Yezabel, wali ti gbia, afâ awayanga ti KOTA GBIA so, Obadia amu ambeni wayanga-Nzapa ngbangbo oko si lo honde ala. Lo mu ala baleoku, baleoku si lo honde ala na ya ti akota du ti têne use. Kâ, lo yeke mu na ala kobe na ngu.

1 Agbia 19:10

Élie akiri tënë: “KOTA GBIA Nzapa, mo so ngangu ti mo ahon angangu kue, tënë ti mo agbu be ti mbi mingi. Me azo ti Israel azia lege ti *mbuki ti mo awe, ala kungbi na sese agbalaka ti mo si ala fâ awayanga ti mo. Mbi ngba gi mbi oko si azo ayeke gi lege ti fâ mbi.”

1 Agbia 19:2

Tongaso Yezabel atokua mbeni zo na Élie ti tene na lo: “Kekereke gi na oko ngbonga so, tongana mbi sara na mo mara ti ye so mo sara na awayanga ti nzapa Baal so pepe, ayeke nzoni anzapa asara ye ti ngangu mingi na mbi!”

1 Agbia 22:24

Tongaso Sidekia, molenge ti Kenaana aga nduru na tere ti Mishe, lo pika ngbangba ti Mishe si lo tene: “Yingo ti KOTA GBIA asigigi na ya ti mbi tongana nyen ti gue ti tene tënë na mo so?”

2 Mbai 16:10

Asa asara ngonzo na tere ti zo ti bango nda ti aye si lo mu yanga titene a bi lo na da ti kanga, ngbanga ti so be ti Asa aso na tere ti lo ndali ti tënë so lo tene. Gi na ndembe ni so, Asa ato nda ti nika ambeni zo ti kodro.

Néhémie 9:26

Me akotara ti e asara ngangu li na mo, ala tomboka na tere ti mo, ala bi atënë ti ndia ti mo na peko ti ala; ala fâ awayanga ti mo so ayeke mu wango na ala titene ala kiri na mbage ti mo. Na sarango ye tongaso, ala zonga mo mingi.

Jérémie 2:30

Mbi pika ala gbaa; li ti ala aga daa oko pepe. Ala wani afâ awayanga-Nzapa ti ala na yongoro zeme tongana ti so bamara ayeke suru ya ti nyama.

Jérémie 26:8

So Jérémie ahunzi ti tene atënë so KOTA GBIA amu yanga na lo ti tene na azo so kue awe, awayango-sandaga, awayanga-Nzapa na azo kue agbu lo si ala tene: “Mo lingbi na kuâ!

Jérémie 37:15

Akota zo ni asara ngonzo mingi na tere ti Jérémie si ala pika lo. Na pekoni, ala kanga lo na ya ti da ti Jonatan, wakuasu ti letaa; andaa azo ni asara si da ni aga da ti kanga.

Matthieu 21:34

So ngoi ti fango ale ti vinye ni aga nduru, lo tokua azo ti kua ti lo na azo ti fango yaka ni titene ala mu ti lo ale ti vinye ni aga na ni.

Matthieu 21:36

Wa ti yaka ni akiri atokua ambeni zo ti kua so wungo ti ala ahon ti ala ti kozoni; me azo ti fango yaka ni asara gi mara ti sioni so na ala.

Matthieu 5:12

Ayeke nzoni be ti ala anzere, ala duti na ngia, ngbanga ti so futa ti ala ayeke ande kota na yayu. Biani, gi tongaso laa azo asara ando ngangu na awayanga-Nzapa so ayeke kozoni na ala.”

Awatokua 7:52

Wayanga-Nzapa wa laa akotara ti ala azia ti sara ngangu na lo? Akotara ti ala afâ azo so atene kozoni tënë ti gango ti Zo ti mbirimbiri. Fadeso, ala laa aka Zo ti mbirimbiri ni si ala fâ lo!

Aye so Nzapa afa 6:9

So Molenge ti Taba azi oku nzoroko ni, mbi baa na gbe ti gbalaka ayingo ti azo so a fâ ala ndali ti tënë ti Nzapa, wala ndali ti tënë so ala hinga na ndö ti Nzapa.