Matthieu 21:34 - Mbeti ti Nzapa - Tënë so amu fini

³⁴ So ngoi ti fango ale ti vinye ni aga nduru, lo tokua azo ti kua ti lo na azo ti fango yaka ni titene ala mu ti lo ale ti vinye ni aga na ni.

Matthieu 21:34 Iomraidhean Croise

Ésaïe 5:4

Yaka ti vinye ti mbi ni, nyen laa mbi yeke kiri ti sara ahon ye so mbi sara na lo awe so? Mbi ku fade anzoni lengo ni; ngbanga ti nyen si lo le afungo ni so-oo?

Jérémie 35:15

Mbi mu ngoi ti mbi kue ti tokua na ala azo ti kua ti mbi, awayanga-Nzapa ti tene na ala, azo ti Juda, atene: ‘Ayeke nzoni zo oko oko azia sioni lege ti sarango ye ti lo; ala sara si sarango ye ti ala akiri aga nzoni; ala mu peko ti anzapa nde pepe ti voro ala. Tongaso, fade ala yeke ngba ti duti na ya ti kodro so mbi mu na ala, ala na akotara ti ala.’ Me ala dingi mê ti ala kete pepe, ala ma mbi pepe.

Matthieu 21:35

Me azo ti fango yaka ni agbu azo ti kua ti lo ni, ala pika mbeni oko, ala fâ mbeni si ala bo mbeni na têne.

Matthieu 21:38

Me so azo ti fango yaka ni abaa molenge ni, ala tene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ti lo aga ti e!’

Matthieu 21:40

Jésus ahunda ala, atene: “Tongana wa ti yaka ni aga ande, fade lo yeke sara nyen na azo ti fango yaka so?”

Matthieu 21:41

Azo ni akiri tënë na lo, atene: “Lo yeke fâ azo ti sioni so sioni sioni. Na pekoni, lo yeke mu yaka ni na ambeni zo ti kua nde si tongana ndembe ni asi, ala yeke mu na lo ti lo ale ti vinye ni.”

Matthieu 22:3

Lo tokua azo ti kua ti lo ti iri azo so lo tisa ala na matanga ni, me azo ni aye ti ga pepe.

Marc 12:1

Na pekoni, Jésus ato nda ti tene tënë na ala na lege ti atoli, lo tene: “Mbeni zo afâ yaka ti *vinye. Lo sara gbagba na tere ni kue, lo zi du titene a pete le ti vinye ni daa, lo leke mbeni ndo na nduzu titene zo aluti daa ti baa ndo na tere ti yaka ni. Na pekoni, lo zia yaka ni na maboko ti ambeni zo ti fango yaka ti vinye si lo gue na mbeni kodro nde.

Marc 12:7

Me azo ti fango yaka ni atene na popo ti ala: ‘Baa, lo so lo yeke ga wa ti yaka ni na peko ti babâ ti lo laa! Ala ga, e fâ lo si yaka ni aga ti e!’

Marc 12:9

Jésus ahunda ala, atene: “Fade wa ti yaka ni ayeke sara nyen? Lo yeke ga ti fâ azo ti fango yaka ni si lo yeke mu yaka ni na ambeni zo nde.

Nzoni Tënë so Luc asu na mbeti 20:9

Na pekoni, Jésus atene toli so na azo ni, lo tene: “Mbeni zo afâ yaka ti *vinye; lo zia yaka ni na maboko ti azo ti fango yaka ti vinye si lo gue na mbeni kodro ti ninga kâ mingi.