Matthieu 21:32 - Mbeti ti Nzapa - Tënë so amu fini

³² Biani, Jean aga ando na mbage ti ala, lo fa na ala lege so ayeke lege ti sarango ye ti mbirimbiri, me ala yeda na tënë ti lo pepe. Me azo ti rongo nginza ti lapo na awali-ndumba ayeda na tënë ti lo. Ti ala, na peko ti ye so kue ala baa, ala ke ti zia sioni lege ti ala, ala yeda na tënë ti lo pepe.”

Matthieu 21:32 Iomraidhean Croise

Ésaïe 35:8

Na ndo so, a yeke suru mbeni lege so a di iri ni “Lege so a zia nde”. Zo ti *sioni oko alingbi ti hon daa pepe, a yeke bata ni ndali ti azo ti KOTA GBIA titene ala tambula daa. Azo ti buba ayeke girisa lege na ndo so pepe.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Matthieu 11:18

Jean aga, lo yeke te kobe pepe, lo yeke nyon nga ye pepe, me azo atene: ‘Sioni yingo ayeke na ya ti lo!’

Matthieu 21:25

Zo wa laa atokua Jean ti batize azo? Nzapa wala azo?” Azo ni atene na popo ti ala: “Tongana e tene: ‘Nzapa laa atokua Jean’, fade lo hunda e, lo tene: ‘Ngbanga ti nyen si ala yeda na tënë ti lo pepe?’

Matthieu 21:31

Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

2 Timothée 2:25

Azo so ayeke ke tënë na yanga ti lo, ayeke nzoni lo fa ye na ala yeke-yeke. E hinga pepe, Nzapa ayeke sara titene ala zia ngbene lege ti sarango ye ti ala, ala hinga taa-tënë

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

2 Pierre 2:21

Ti azo ni so, ayeke fade nzoni titene ala hinga lege ti mbirimbiri pepe. Sioni ni ayeke so, ala hinga lege ni awe si na pekoni, ala do lege ti atënë ti ndia ti Nzapa so a fa na ala kozoni so azia.

Aye so Nzapa afa 2:21

Mbi zia na lo ngoi titene lo zia ngbene lege ti sarango ye ti lo, me lo ye ti zia lege ti sarango ye ti ndumba ti lo ni pepe.