Matthieu 21:31 - Mbeti ti Nzapa - Tënë so amu fini

³¹ Jésus ahunda ala: “Zo wa na popo ti amolenge use so si asara ye so babâ ti lo aye?” Ala kiri tënë na lo: “Ayeke kozo molenge ni.” Jésus atene na ala: “Mbi tene na ala taa-tënë: azo ti rongo nginza ti lapo na awali-ndumba ayeke si ande kozo na ala na ya ti *Kodro-gbia ti Nzapa.

Matthieu 21:31 Iomraidhean Croise

Mbeti ti Job 15:6

Tënë ti yanga ti mo wani laa afâ ngbanga na li ti mo, me mbi pepe; yanga ti mo ayeke bi tënë na li ti mo.

Ezekiel 33:11

Tene na ala, mo tene: Fini ti mbi! So tënë ti yanga ti Kota Gbia NZAPA laa. Mbi yeke wara ngia ndali ti kuâ ti zo ti sioni? Ye so anzere na be ti mbi ayeke titene zo ti sioni azia sioni lege ti sarango ye ti lo si lo duti na fini. Ala azo ti Israel, ala zia sioni lege ti sarango ye ti ala, ala zia ni! Ala ye ti kui ngbanga ti nyen?

Matthieu 12:50

Zo so asara ye so be ti Babâ ti mbi so ayeke na yayu aye, andaa lo yeke ita ti mbi ti koli, wala ita ti mbi ti wali, wala mama ti mbi.”

Matthieu 18:3

si lo tene na ala: “Mbi tene na ala taa-tënë: tongana be ti ala akiri aga tongana ti akete molenge pepe, ala yeke li na Kodro-gbia ti yayu pepe.

Matthieu 20:16

Ti hunzi na ni, Jésus atene: ‘Fade azo ti ndani ayeke ga azo ti li ni si azo ti li ni ayeke ga azo ti ndani.’ ”

Matthieu 21:30

Na pekoni, babâ ni ague na tere ti use molenge ni si atene na lo gi oko tënë so. Use molenge ni atene na lo: ‘Babâ, mbi yeke gue’; me lo gue na yaka ni pepe.”

Matthieu 5:18

Mbi tene na ala taa-tënë: kozoni si yayu na sese ahon, fade gere ti mbeti ti Ndia wala mbeni kete ye ti tere ni oko ayeke hon pepe, ngbii asi na nda ti aye kue.

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Matthieu 6:5

“Tongana ala yeke sambela, ala sara tongana azo so tënë ti yanga ti ala ayeke nde na sarango ye ti ala so pepe: azo ni aye ti luti na nduzu ti sambela na ya ti ada ti sambelango Nzapa nga na asangbi-lege titene azo abaa ala. Mbi tene na ala taa-tënë: azo ni awara futa ti ala awe.

Matthieu 7:21

“Azo so kue ayeke iri mbi, atene: ‘*Kota Gbia, Kota Gbia’, ala kue laa ayeke li ande na ya ti *Kodro-gbia ti yayu pepe; me gi ala so asara ye so be ti Babâ ti mbi so ayeke na yayu aye.

Matthieu 9:9

So Jésus alondo na ndo so ti hon, lo baa mbeni koli so iri ti lo Matthieu; lo yeke duti na ndo so azo ayeke futa lapo daa. Jésus atene na lo: “Mu peko ti mbi!” Matthieu alondo si lo mu peko ti Jésus.

Nzoni Tënë so Luc asu na mbeti 15:10

Ndani laa mbi tene na ala: ngia ayeke na popo ti *a-ange ti Nzapa, ndali ti zo ti siokpari oko so azia ngbene lege ti sarango ye ti lo.”

Nzoni Tënë so Luc asu na mbeti 19:22

Gbia ni atene na lo: ‘Mo, sioni zo ti kua! Mbi yeke luti gi na ndö ti atënë ti yanga ti mo wani ti fâ ngbanga na li ti mo. Mo hinga kue: mbi yeke koli so mbi so mingi, mbi yeke mu ye na ndo so mbi bata ye daa pepe si mbi yeke ko le ti kobe na ndo so mbi lu ye daa pepe.

Nzoni Tënë so Luc asu na mbeti 7:29

Azo so kue ama lo, ataa azo ti rongo nginza ti lapo, ala hinga atene, Nzapa ayeke sara ye ti lo na legeni si ala yeda ti wara bateme ti Jean.

Jean 3:3

Jésus akiri tënë na lo: “Biani, mbi tene na mo taa-tënë: tongana a kiri a du zo pepe, lo lingbi ti baa *Kodro-gbia ti Nzapa pepe.”

Jean 3:5

Jésus akiri tënë na lo: “Biani, mbi tene na mo taa-tënë: tongana a du zo na ngu na Yingo pepe, zo ni alingbi ti li na Kodro-gbia ti Nzapa pepe.

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Rome 3:19

E hinga so atënë ti *Ndia kue abaa azo so ayeke na gbe ti Ndia. Tongaso si zo oko awara tënë ti kiringo na ni pepe si na le ti Nzapa, ngbanga ayeke na li ti azo ti dunia kue.

Rome 5:20

Ndia aga ti sara si sioni awu mingi; me ndo so siokpari awu daa mingi, nzoni be ti Nzapa awu ahon ndoni.

2 Pierre 3:9

Ye so Kota Gbia amu zendo ni, lo yeke ninga ti sara ni pepe. Me ambeni zo ayeke tene, lo ngba ti ku gi kungo. Andaa lo ngba ti ku, ngbanga ti so lo ye pepe titene zo oko akui, me lo ye titene azo kue azia ngbene lege ti sarango ye ti ala.