Matthieu 21:3 - Mbeti ti Nzapa - Tënë so amu fini

³ Tongana mbeni zo atene tënë na ala, fade ala kiri tënë, atene: ‘*Kota Gbia aye alele ni.’ Gi hio tongaso, fade zo ni ayeke zia lege na alele ni ti gue.”

Matthieu 21:3 Iomraidhean Croise

1 Agbia 17:9

“Londo, mo gue na gbata ti Sarepta, nduru na Sidon. Fade mo yeke duti kâ. Mbi mu yanga na mbeni wali-mua titene lo mu na mo kobe.”

Esdras 1:1

Na kozo ngu so Sirus ayeke gbia ti Perse, *KOTA GBIA aye ti sara si tënë ti lo so lo zia ando na yanga ti Jérémie ti tene, aga taa-tënë. Nilaa KOTA GBIA azia na be ti Sirus ti mu yanga titene a to mbela na tënë ti Sirus na ya ti kodro ti lo kue; a su nga atënë ni na mbeti, atene:

Esdras 1:5

Tongaso azo so ayeke na li ti asewa ti mara ti Juda na ti Benjamin, awayango-sandaga na azo ti mara ti Lévi alondo ti gue ti leke kota da ti KOTA GBIA so ayeke na Jérusalem. Ala na azo so kue Nzapa azia na be ti ala nzara ti sarango da ni laa ague.

Esdras 7:27

Esdras atene: “Mbi mu singila na *KOTA GBIA, Nzapa ti akotara ti e! Lo laa lo zia na be ti gbia titene lo ne kota da ti Nzapa ti Jérusalem.

Abia (Psaumes) 24:1

Bia ti David. Sese so na aye ti ndö ni kue ayeke ti *KOTA GBIA. Dunia so na azo ti ndö ni kue ayeke ti lo.

Matthieu 21:2

lo tene na ala: “Ala gue na kete kodro so ayeke na dawa ti ala so. Kâ, ala yeke wara hio tongaso mbeni mama ti lele so a kanga lo na tere ti mbeni ye si molenge ti lo ayeke na tere ti lo. Ala zi ala, aga na ala na mbi.

Matthieu 21:4

Ye ni asi tongaso titene tënë so wayanga-Nzapa atene, aga taa-tënë; lo tene:

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Jean 3:35

Babâ aye Molenge ni si lo zia ye kue na maboko ti lo.

Awatokua 17:25

Lo yeke ku titene maboko ti azo laa asara ye na lo pepe, ngbanga ti so lo laa lo yeke mu fini na azo, lo laa lo yeke sara titene azo awu pupu, lo laa lo mu aye kue na azo.

2 Korente 8:16

E mu singila na Nzapa so azia na be ti Tite nzara ti sara na ala tongana ti so e nga, e yeke na nzara ti sara na ala.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

1 Samuel 10:26

Saul nga akiri na ndo ti lo na gbata ti Gibea. Ambeni ngangu turugu so Nzapa andu be ti ala amu peko ti lo.