Matthieu 21:24 - Mbeti ti Nzapa - Tënë so amu fini

²⁴ Jésus akiri tënë na ala: “Mbi nga, mbi yeke hunda ala na mbeni tënë, gi tënë oko. Tongana ala kiri peko ni na mbi, fade mbi yeke di na ala iri ti zo so amu lege na mbi ti sara aye so.

Matthieu 21:24 Iomraidhean Croise

Matthieu 10:16

“Ala baa, mbi yeke tokua ala tongana ataba na popo ti ambo ti ngonda. Ayeke nzoni le ti ala akpengba tongana ti angbo si ala duti tongana *ambipa so ayeke sara ngangu na zo pepe.

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 21:25

Zo wa laa atokua Jean ti batize azo? Nzapa wala azo?” Azo ni atene na popo ti ala: “Tongana e tene: ‘Nzapa laa atokua Jean’, fade lo hunda e, lo tene: ‘Ngbanga ti nyen si ala yeda na tënë ti lo pepe?’

Nzoni Tënë so Luc asu na mbeti 6:9

Na pekoni, Jésus ahunda ala, atene: “Mbi hunda ala: *Ndia ti e afa nyen? A fa na e ti sara nzoni wala sioni, ti soo zo na kuâ wala ti fâ zo na lango ti wungo tere?”

Kolose 4:6

Ayeke nzoni atënë ti yanga ti ala anzere nzerengo, asara nzoni na zo; ala hinga ti kiri tënë na zo na legeni.