Matthieu 21:22 - Mbeti ti Nzapa - Tënë so amu fini

²² Ye so kue ala yeke hunda na mabe na lege ti sambela, fade ala yeke wara ni.”

Matthieu 21:22 Iomraidhean Croise

Matthieu 18:19

“Mbi kiri mbi tene na ala: tongana azo use na popo ti ala na sese so ama tere ti hunda mbeni ye na lege ti sambela, ataa nyen, fade Babâ ti mbi so ayeke na yayu ayeke mu ye ni na ala.

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Matthieu 7:7

“Ala hunda ye si fade a mu na ala; ala gi ye si fade ala wara; ala pika yanga ti da si fade a zi na ala.

Marc 11:24

Ndani laa mbi tene na ala: tongana ala yeke sambela ti hunda mbeni ye na Nzapa, ayeke nzoni ala ma na be so ala wara ye ni awe; fade Nzapa ayeke mu na ala ye ni.

Jean 14:13

Ye so kue ala yeke hunda na iri ti mbi, fade mbi yeke sara ni si azo agonda Babâ na lege ti Molenge ni.

Jean 15:7

Tongana ala duti oko na mbi si atënë ti mbi aduti na be ti ala, ala hunda ye so be ti ala aye, fade ala yeke wara ni.

Jean 16:24

Ala de ti hunda mbeni ye na iri ti mbi pepe. Ayeke nzoni ala hunda ye, fade ala wara ni si ngia ti ala alingbi kue.”

Jacques 5:16

Ala fa siokpari ti ala na gigi na amba ti ala, ala sambela ndali ti amba ti ala si kobela ti ala akai. Sambela ti zo ti mbirimbiri ayeke na ngangu mingi ti sara ye.

1 Jean 3:22

Ye so kue e hunda na lo, e yeke wara ni, ngbanga ti so e yeke sara ye alingbi na andia ti lo si e yeke sara ye so anzere na be ti lo.