Matthieu 21:12 - Mbeti ti Nzapa - Tënë so amu fini

¹² Jésus ali na ya ti kota da ti Nzapa si lo tumba azo ti kango ye na azo ti vongo ye so ayeke na ya ni; lo kinda na sese ameza ti azo ti sanzengo nginza na angende ti azo ti kango *ambipa.

Matthieu 21:12 Iomraidhean Croise

Sigingo 30:13

Azo so kue a yeke diko wungo ti ala, fade zo oko oko ayeke mu le ti nginza so nengo ni ayeke grame oku, alingbi na ndambo ti le ti nginza oko so a yeke mu ka na ndo so a zia ni nde ndali ti Nzapa. Nginza so ala yeke futa so ayeke duti ti mbi KOTA GBIA.

Awayango-sandaga 1:14

“Tongana zo ni aye ti mu na KOTA GBIA sandaga ti ndeke so a yeke gbi ni kue na wâ, alingbi lo mu *kolokoto wala mbipa.

Awayango-sandaga 12:6

“Tongana a sukula lo awe, ataa na peko ti dungo molenge-koli wala molenge-wali, lo yeke gue ti baa wayango-sandaga na yanga ti da ti bongo so Nzapa na azo ti lo ayeke wara tere daa. Lo yeke mu kete taba ti ngu oko ti gue na ni na wayango-sandaga ni titene lo ya na *sandaga so a yeke gbi ni kue na wâ. Lo yeke gue nga na *mbipa oko wala *kolokoto oko ti mu na sandaga ndali ti siokpari ti lo.

Awayango-sandaga 12:8

“Tongana lege titene wali ni awara kete taba ayeke daa pepe, fade lo yeke ga na akolokoto use wala ambipa use. Mbeni ndeke ni oko, lo yeke mu na sandaga so a yeke gbi ni kue na wâ; mbeni ndeke ni, lo yeke mu ndali siokpari ti lo. Na peko ti so wayango-sandaga aya asandaga ni titene Nzapa azi siokpari na li ti lo awe, a sukula lo awe.”

Awayango-sandaga 14:22

Lo yeke mu nga *akolokoto use wala *ambipa use, alingbi na ngangu ti lo; mbeni oko ni ayeke ti sandaga ndali ti siokpari, mbeni oko ayeke ndali ti sandaga so ayeke gbi ni kue na wâ.

Awayango-sandaga 14:30

Na peko ti so, wayango-sandaga ayeke mu oko ti akolokoto ni, wala oko ti ambipa ni; gi ye so alingbi na ngangu ti zo ni.

Awayango-sandaga 15:14

Na lango miombe ni, lo yeke mu *akolokoto use wala *ambipa use; lo yeke gue ti mu ala na wayango-sandaga na dawa ti KOTA GBIA, na yanga ti da ti da ti bongo so KOTA GBIA na azo ti lo ayeke wara tere daa.

Awayango-sandaga 15:29

Na lango miombe ni, lo yeke mu *akolokoto use wala *ambipa use; lo yeke gue ti mu ala na wayango-sandaga, na yanga ti da ti bongo so KOTA GBIA na azo ti lo ayeke wara tere daa.

Awayango-sandaga 5:11

“Tongana mbeni zo ayeke na akolokoto use, wala ambipa use so na maboko ti lo pepe, lo lingbi ti ga na kilo ota ti farini na sandaga ndali ti siokpari ti lo. Me alingbi lo tuku mafuta daa wala lo zia dukani daa pepe. Biani, so ayeke sandaga ndali ti zingo siokpari na li ti zo laa.

Awayango-sandaga 5:7

“Tongana mbeni zo ayeke na ngangu ti ga na mama ti taba wala mama ti ngasa ndali ti siokpari ti lo pepe, lo lingbi ti ga na *akolokoto use, wala *ambipa use na KOTA GBIA. A yeke mu mbeni ndeke ni oko na *sandaga titene Nzapa azi siokpari na li ti zo ni; mbeni ndeke ni, a yeke ya lo na sandaga so a yeke gbi ni kue na wâ.

Marc 11:11

Jésus ali na Jérusalem si lo gue na ya ti kota da ti Nzapa. Lo baa ndo; lo baa aye kue si na pekoni, lo na adisiple ti lo baleoko na use amu lege ti gue na Betanii, ngbanga ti so ndo aga nduru ti vuko awe.

Nzoni Tënë so Luc asu na mbeti 2:24

Ala mu nga *sandaga alingbi na tënë ti Ndia ti Kota Gbia: ala mu *akolokoto use wala amolenge ti *mbipa ti vuru ni use.

Jean 2:13

Matanga ti azuife so iri ni *Pake aga nduru awe, tongaso Jésus ague na Jérusalem.