Matthieu 21:11 - Mbeti ti Nzapa - Tënë so amu fini

¹¹ Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Matthieu 21:11 Iomraidhean Croise

Matthieu 2:23

Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Matthieu 21:10

So Jésus ali na Jérusalem awe, gbata ni kue ayingi. Azo ahunda ndo, atene: “So zo wa laa?”

Matthieu 21:26

Me tongana e tene: ‘Azo laa atokua lo’, e lingbi ti sara mbeto ti gba ti azo ni, ngbanga ti so ala kue ahinga atene, Jean ayeke wayanga-Nzapa.”

Matthieu 21:46

Ala gi lege ti gbu lo, me mbeto ti gba ti azo so asara ala, ngbanga ti so azo ni abaa Jésus tongana wayanga-Nzapa.

Marc 6:15

Me ambeni atene: “So Élie laa.” Ambeni akiri atene: “So mbeni wayanga-Nzapa tongana ambeni wayanga-Nzapa ti ando laa.”

Nzoni Tënë so Luc asu na mbeti 13:33

Me laso, kekereke na mbeni kekereke, alingbi mbi ngba na tambula ti mbi, ngbanga ti so wayanga-Nzapa alingbi ti kui yongoro na Jérusalem pepe.

Nzoni Tënë so Luc asu na mbeti 24:19

Lo hunda ala, lo tene: “Ye ni ayeke nyen?” Ala kiri tënë na lo: “Ye so asi na Jésus, zo ti Nazaret so! Lo yeke mbeni ngangu wayanga-Nzapa na lege ti akota ye so lo sara na atënë so lo fa; lo fa ni na dawa ti Nzapa nga na dawa ti azo kue.

Nzoni Tënë so Luc asu na mbeti 7:16

Mbeto agbu azo ni kue si ala yeke gonda Nzapa, atene: “Mbeni kota wayanga-Nzapa aga na popo ti e awe! Nzapa aga ti baa azo ti lo!”

Nzoni Tënë so Luc asu na mbeti 7:39

Farizien so airi Jésus ti te kobe so abaa ye ni si lo tene na be ti lo: “Tongana koli so ayeke fade wayanga-Nzapa biani, ka lo hinga lo tene, wali so ayeke ndu lo so ayeke mbeni wali-ndumba.”

Jean 1:21

Ala kiri ahunda lo, atene: “Mo yeke ti mo zo wa? Mo yeke Élie?” Jean akiri tënë na ala: “Mbi yeke Élie pepe.” Ala hunda lo, atene: “Mo yeke Wayanga-Nzapa ni?” Jean akiri tënë: “Mbi yeke lo pepe!”

Jean 1:25

Ala hunda lo, atene: “So mo yeke Mesii pepe, mo yeke Élie pepe, mo yeke Wayanga-Nzapa pepe, ka mo yeke batize azo ngbanga ti nyen?”

Jean 4:19

Tongaso, wali ni atene na lo: “Kota zo, mbi baa so mo yeke mbeni wayanga-Nzapa!

Jean 6:14

So ala baa ye ti kpene so Jésus asara, azo ni atene: “Koli so ayeke taa Wayanga-Nzapa, lo so azo atene tënë ti gango ti lo na dunia so!”

Jean 7:40

Na popo ti gba ti azo so ama atënë ti Jésus, ambeni atene: “So taa Wayanga-Nzapa ni laa!”

Jean 9:17

Afarizien akiri ahunda koli ni, atene: “Mo tene, lo laa lo zi le ti mo si mo baa ndo. Me ti be ti mo, lo yeke zo wa?” Koli ni akiri tënë, atene: “Lo yeke mbeni wayanga-Nzapa.”

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’