Matthieu 20:30 - Mbeti ti Nzapa - Tënë so amu fini

³⁰ Awaziba use aduti na tere ti lege; ala ma a tene, Jésus laa ayeke hon so. Ala dekongo, atene: “*Kota Gbia, Molenge ti David, baa mawa ti e!”

Matthieu 20:30 Iomraidhean Croise

Abia (Psaumes) 146:8

KOTA GBIA ayeke zi le ti azo so le ti ala akanga. Azo so ati na sese, KOTA GBIA ayeke mu ala na nduzu; KOTA GBIA aye azo ti mbirimbiri.

Ésaïe 29:18

Na lango ni so, azo so mê ti ala akanga, fade ala yeke ma atënë so a tene na ya ti mbeti; azo so le ti ala abuba ayeke sigigi na ya ti vukongo ndo so avuko pitipiti si ala yeke baa ndo.

Ésaïe 42:16

Mbi yeke sara si awaziba atambula na ndö ti lege so ala hinga pepe; mbi yeke sara si ala hon na ndö ti alege so ala hinga pepe. Na dawa ti ala, mbi yeke sara si vukongo ndo aga lumiere, lege so aba bango aluti mbirimbiri. Apialo so, fade mbi yeke sara ni, mbi yeke zia ni oko pepe.

Ésaïe 42:18

Ala, azo ti kangango mê, ala ma! Ala, awaziba, ala zi le ti ala, ala baa ndo!

Ésaïe 59:10

E yeke tatara ndo si e yeke tambula na tere ti dere ti da tongana azo so le ti ala akanga. E yeke tatara ndo tongana azo so le ti ala ayeke daa pepe. Na kota lâ, e ye ti ti, mo baa mo tene, e yeke tambula na bi. E yeke na seni, me e kpa gi akuâ.

Matthieu 13:4

So lo yeke bi ale ti kobe ni, ambeni atuku na tere ti lege; andeke aga si ate ni kue.

Matthieu 15:22

Mbeni wali ti kodro ti Kanaan aga si lo dekongo, lo tene: “*Kota Gbia, Molenge ti David, baa mawa ti mbi! Molenge ti mbi ti wali ayeke na sioni yingo na ya ti lo si asara lo pasi mingi.”

Matthieu 20:31

Gba ti azo ni kue asuku ngangu na ala titene ala kanga yanga ti ala, me ala kiri adekongo ngangu, atene: “Kota Gbia, Molenge ti David, baa mawa ti e!”

Matthieu 21:14

Awaziba na azo so gere ti ala abuba aga nduru na Jésus na ya ti kota da ti Nzapa ni si lo kai kobela ti ala.

Matthieu 21:9

Azo so ayeke tambula na dawa ti Jésus na ala so ayeke tambula na peko ti lo ayeke dekongo, atene: “E gonda Molenge ti David! Ayeke nzoni Nzapa asara tufa na ndö ti lo so aga na iri ti Kota Gbia! E gonda Nzapa so ayeke na yayu kâ na ndö ti aye kue!”

Matthieu 22:42

“Ti be ti ala, ala tene nyen na ndö ti *Mesii? Lo yeke molenge ti zo wa?” Ala kiri tënë na lo: “Lo yeke Molenge ti David.”

Marc 10:46

Ala si na Jéricho. So Jésus na adisiple ti lo na gba ti azo ayeke sigigi ti hon, mbeni waziba, so iri ti lo Bartime, molenge ti Time, aduti na yanga ti lege si lo yeke iri ye na maboko ti azo.

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Nzoni Tënë so Luc asu na mbeti 7:21

Na ndembe ni so, Jésus akai kobela na tere ti azo mingi, lo sara si azo so mbage ti tere ti ala abuba, aga nzoni, lo tumba asioni yingo na ya ti azo, lo sara si awaziba abaa ndo.

Awatokua 2:30

Lo yeke lani wayanga-Nzapa si lo hinga ye so Nzapa adeba yanga ti sara na lo: fade mbeni *hale ti lo ayeke duti na ndö ti mbata ti gbia na peko ti lo.