Matthieu 20:3 - Mbeti ti Nzapa - Tënë so amu fini

³ Na ngbonga gumbaya, lo kiri lo sigigi, lo baa ambeni zo so aluti senge senge si ala yeke sara kua pepe.

Matthieu 20:3 Iomraidhean Croise

Amato 19:15

Sopo ayeke sara si zo ati na ya ti kota lango; zo so asara kua pepe, nzara ayeke fâ lo.

Ezekiel 16:49

Baa, asioni ti ita ti mo Sodome na agbata so ayeke nduru na lo ayeke so: ala yeke agbata ti baba, ala yeke te ye ahon ndoni, ala duti kpoo, mbeni ye ti so be ti ala ayeke daa pepe; ala mu maboko na awayere pepe nga na azo ti mawa.

Matthieu 20:2

Lo na azo ti kua ni ama tere titene lo futa na ala nginza so a yeke mu na zo ndali ti kua ti lango oko. Na pekoni, lo tokua ala na yaka ti vinye ti lo ni.

Matthieu 20:4

Lo tene na ala: ‘Ala nga, ala gue, asara kua na yaka ti mbi, fade mbi yeke futa ala alingbi na kua so ala yeke sara.’

Marc 15:25

Na ngbonga gumbaya ti ndaperere laa ala kanga lo na ndö ti keke ti kroa.

Awatokua 16:19

So awa ti lo abaa lege ti warango nginza ti ala abuba awe, ala gbu Paul na Silas, agboto ala si ague na ala na gbe ti akota zo ti gbata ni, na ndo so azo ayeke bongbi tere ti ala daa.

Awatokua 2:15

Azo so anyon samba ahon ndö ti ala pepe, tongana ti so ala yeke tene na be ti ala so. Biani, e yeke gi na ngbonga gumbaya ti ndaperere.

1 Timothée 5:13

Gi so oko pepe: ala yeke duti gi senge senge tongaso si ala mu gi kua ti fonongo na ya ti ada oko oko; na ndö ni, ala kiri ayeke diko atënë mingi mingi si ala yeke yoro yanga ti ala na ya ti tënë ti azo, ala yeke tene atënë ti kirikiri mingi.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.