Matthieu 20:28 - Mbeti ti Nzapa - Tënë so amu fini

²⁸ Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 20:28 Iomraidhean Croise

Mbeti ti Job 33:24

Ange ni ayeke baa mawa ti zo ni si lo tene na Nzapa, lo tene: “Zia lege na lo ti zu na ya ti du ti kuâ pepe, mbi wara mbeni ye ti futa ti soo lo na kuâ awe.”

Abia (Psaumes) 49:7

Azo ni azia be ti ala na ndö ti gba ti ye so ala yeke na ni, ala yeke pika kate ti ala ndali ti mosoro ti ala.

Ésaïe 53:5

Me ti lo, ndali ti sioni ti e laa a kpo lo na ka, ndali ti siokpari ti e laa a nika lo. Pika so lo wara asara si e duti na siriri; ndali ti aka ti lo laa tere ti e aga nzoni.

Ésaïe 53:8

Azo agbu lo, ala fâ ngbanga na li ti lo si ala fâ lo. Me na popo ti azo ti ngoi ti lo, zo wa laa abaa mawa ti lo, zo wa? Biani, a zi lo na ndö ti sese ti azo so angba na fini; a pika lo ndali ti sioni ti azo ti mbi.

Wungo ti azo 7:15

Lo mu koli-bagara oko, koli-taba oko, kete taba oko ti ngu oko ndali ti sandaga so a yeke gbi ni kue na wâ.

Matthieu 20:27

Tongana mbeni zo na popo ti ala aye ti ga zo ti li ni, ayeke nzoni lo ga ngbaa ti ala.

Matthieu 26:28

ngbanga ti so ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo titene azi siokpari ti ala.

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Marc 10:45

ngbanga ti so *Molenge ti Zo aga titene azo asara kua na lo pepe, me lo ga ti sara kua na azo, ti ka tere ti lo na kuâ ti soo gba ti azo.”

Marc 14:24

Jésus atene na ala: “So ayeke mene ti mbi, mene so abongbi azo na Nzapa na ya ti *mbuki; mene so atuku ndali ti gba ti azo.

Nzoni Tënë so Luc asu na mbeti 22:27

Biani, na popo ti zo so aduti ti te kobe na zo so ayeke sara kua ti kobe ni, zo wa laa ayeke kota zo? Ayeke lo so aduti ti te kobe so pepe? Ti mbi, mbi yeke na popo ti ala tongana zo so ayeke mu kobe na azo!

Jean 10:15

tongana ti so Babâ ahinga mbi si mbi hinga Babâ. Mbi yeke ka fini ti mbi ndali ti ataba ti mbi.

Rome 4:25

Lo so a mu lo ndali ti siokpari ti e, Nzapa azingo lo na kuâ ti sara si e ga azo ti mbirimbiri.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

Galasii 3:13

Christ afuta kota ngere ti zi e na gbe ti deba awe. Deba so Ndia aga na ni na li ti e, lo yo deba ni na li ti lo wani ndali ti e. Biani, Mbeti ti Nzapa atene: “Zo so a kanga lo na nduzu na ndö ti keke, deba ayeke na li ti lo.”

Efeze 1:7

Na lege ti gango so e ga oko na Christ, a zi e na ya ti sioni na lege ti mene ti lo; a zi nga asiokpari na li ti e na lege ti nzoni be ti lo so ahon ndoni.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

1 Timothée 2:6

lo so lo ka tere ti lo ti soo azo kue, nilaa tongana ngoi ni alingbi awe, lo sara tongaso ti fa atene, Nzapa aye ti soo azo kue na kuâ.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

Ahebro 5:8

Ataa so lo yeke Molenge ti Nzapa, lo ga zo ti mango yanga ti Nzapa na lege ti pasi so kue lo baa.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Jean 2:2

Jésus Christ amu tere ti lo na *sandaga ti zi asiokpari ti e; gi asiokpari ti e oko pepe, me ti azo ti dunia kue.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.