Matthieu 20:26 - Mbeti ti Nzapa - Tënë so amu fini

²⁶ Ti ala azo ti mbi, alingbi ye ni aduti tongaso pepe na popo ti ala. Me tongana mbeni zo aye ti ga kota zo na popo ti ala, ayeke nzoni lo ga zo ti sarango kua na ala.

Matthieu 20:26 Iomraidhean Croise

Ezekiel 24:13

Jérusalem, mo ga *sioni ndali ti sarango ye ti potopoto ti mo. Mbi sukula mo titene mo ga *nzoni, me mbi sara gbaa. Tongaso, kozo titene mo ga *nzoni, fade ngonzo ti mbi ti wâ ayeke londo na tere ti mo ngbii be ti mbi ade si.

Matthieu 20:27

Tongana mbeni zo na popo ti ala aye ti ga zo ti li ni, ayeke nzoni lo ga ngbaa ti ala.

Matthieu 25:44

Fade azo ni ayeke kiri tënë na lo: ‘*Kota Gbia, lawa laa nzara ti kobe wala nzara ti ngu asara mo, wala mo yeke wande, wala tere ti mo ayeke senge, wala tere ti mo aso, wala mo yeke na da ti kanga, e baa mo si e ke ti mu na mo maboko?’

Matthieu 27:55

Awali mingi ayeke kâ, ala ngba ti ala yongoro si ala yeke baa ye ni: ala yeke tambula lani na peko ti Jésus, ala londo na Galile si aga ti sara kua na lo.

Marc 10:43

Ti ala azo ti mbi, ayeke nzoni ye ni aduti tongaso pepe na popo ti ala. Me tongana mbeni zo aye ti ga kota zo na popo ti ala, ayeke nzoni lo ga zo ti sarango kua na ala kue.

Marc 10:45

ngbanga ti so *Molenge ti Zo aga titene azo asara kua na lo pepe, me lo ga ti sara kua na azo, ti ka tere ti lo na kuâ ti soo gba ti azo.”

Marc 9:35

Tongaso Jésus aduti, lo iri adisiple ti lo baleoko na use si lo tene na ala: “Tongana mbeni zo aye ti duti zo ti li ni, ayeke nzoni lo duti zo ti ndani, lo duti nga zo ti kua ti atanga ni kue.”

Nzoni Tënë so Luc asu na mbeti 18:14

Mbi tene na ala: so lo ga ti kiri na da ti lo, lo ga mbirimbiri na le ti Nzapa awe, me farizien ni pepe. Biani, zo so asara tere ti lo tongana kota zo, fade a yeke sara si lo ga kete zo; zo so asara tere ti lo tongana kete zo, fade a yeke sara si lo ga kota zo.”

Nzoni Tënë so Luc asu na mbeti 22:26

Ti ala azo ti mbi, ye ni ayeke tongaso pepe. Me ayeke nzoni zo so ayeke kota zo na popo ti ala ahon atanga ni kue aduti tongana kete zo ahon atanga ni kue; zo so ayeke na komandema, ayeke nzoni lo ga tongana zo ti sarango kua na ala.

Jean 18:36

Jésus akiri tënë na lo: “Kodro-gbia ti mbi ayeke ti dunia so pepe. Tongana kodro-gbia ti mbi ayeke fade ti dunia so, ka azo ti mbi atiri bira ti kanga lege si azo aga na mbi na amakonzi ti azuife pepe. Me fadeso, kodro-gbia ti mbi ayeke ti ndo so ge pepe.”

Awatokua 13:5

So ala si na Salamine, ala fa tënë ti Nzapa na ya ti ada ti sambelango Nzapa ti azuife. Jean Marc ayeke na tere ti ala ti mu maboko na ala.

2 Korente 1:24

E ye ti duti makonzi na ndö ti mabe ti ala pepe, ngbanga ti so ala kpengba na lege ti mabe awe, me e ye ti sara kua maboko na maboko titene ala duti na ngia.

2 Timothée 1:18

Ayeke nzoni Kota Gbia asara nzoni be na lo na lango ti ndani. Anzoni ye so lo sara na mbi na gbata ti Efeze, mo hinga tënë ni ahon tanga ti azo kue.

Philémon 1:13

Mbi yeke fade na nzara ti bata lo na tere ti mbi, tongaso si lo sara kua so mo wani, mo lingbi fade ti sara na mbi, na ndembe so mbi yeke na da ti kanga ndali ti Nzoni Tënë.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

1 Pierre 4:11

Tongana mbeni zo ayeke fa tënë, alingbi lo fa gi tënë ti Nzapa. Tongana mbeni zo ayeke sara kua ndali ti amba ti lo, alingbi lo sara ni na ngangu so Nzapa amu na lo, tongaso si na ya ti aye kue, azo agonda Nzapa na lege ti Jésus Christ. Gonda na ngangu ayeke ti Nzapa, kpu na kpu! Amen.

1 Pierre 5:3

Azo ti Nzapa so lo zia ala na maboko ti ala ti bata ala so, ala sara komandema ti ngangu na ndö ti ala pepe, me ala duti tapande ndali ti ala.

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.