Matthieu 20:24 - Mbeti ti Nzapa - Tënë so amu fini

²⁴ So tanga ti adisiple baleoko ama tënë so, be ti ala aso na a-ita use so.

Matthieu 20:24 Iomraidhean Croise

Amato 13:10

Kuru baba ayeke sara si papa alondo; me ndara ayeke ye ti azo ti mango wango.

Matthieu 20:23

Jésus atene na ala: “Biani, fade ala yeke nyon kopo ti mbi ni; me tënë ti dutingo na mbage ti maboko ti mbi ti koli na ti wali, mbi laa mbi yeke mu ni na azo pepe. Ndo ni ayeke ti azo so Babâ ti mbi aleke ni ndali ti ala.”

Matthieu 20:25

Jésus airi ala kue na tere ti lo si lo tene na ala: “Ala hinga so, amakonzi ti amara nde ayeke sara komandema na ndö ti amara ni; akota zo ayeke na ngangu na ndö ti azo ti ala.

Marc 10:14

So Jésus abaa ye so, ngonzo agbu lo si lo tene na adisiple ni, lo tene: “Ala zia akete molenge aga na mbi! Ala kanga lege na ala pepe, ngbanga ti so *Kodro-gbia ti Nzapa ayeke ndali ti azo so ayeke tongana amolenge so.

Marc 10:41

So tanga ti adisiple baleoko ama tënë so, be ti ala aso na Jacques na Jean.

Nzoni Tënë so Luc asu na mbeti 13:14

Makonzi ti da ti sambelango Nzapa ni asara ngonzo, ngbanga ti so Jésus akai kobela na lango ti wungo tere. Tongaso lo tene na gba ti azo so, lo tene: “Alango ti sarango na kua ayeke omene. Tongaso ala ga na ya ti alango ni so si a kai akobela ti ala, me na lango ti wungo tere pepe!”

1 Korente 13:4

Ndoye ayeke kanga be ti lo, lo yeke sara nzoni, lo yeke sara kota be pepe, lo yeke pika kate ti lo pepe, lo yeke sara baba pepe;

Filipe 2:3

Ala sara ye na gbugburungo tere ti gi na kota ndo pepe, ala sara nga ye na lege ti kuru baba pepe. Me ala baa tere ti ala tongana akete zo, ala baa amba ti ala tongana azo so ayeke kota ahon ala.

Jacques 3:14

Me tongana ala yeke sara sioni kota be ti gbugburungo na kota ndo, ala pika kate ti ala ndali ti ndara ti ala ni pepe. Tongana ala yeke sara ye tongaso, andaa ala yeke tene mvene ti buba lege ti taa-tënë.

1 Pierre 5:5

Amaseka, ala nga, ala ma yanga ti akangba. Ala kue, na lege ti dutingo ti ala na popo ti amba ti ala, ala sara tere ti ala kete, ngbanga ti so Mbeti ti Nzapa atene: “Nzapa ake azo ti baba, me lo yeke sara nzoni be na azo so asara tere ti ala kete.”