Matthieu 20:15 - Mbeti ti Nzapa - Tënë so amu fini

¹⁵ Mbi lingbi ti sara ye so be ti mbi aye na nginza ti mbi pepe? Be ti mo aso, ngbanga ti so mbi yeke zo ti nzoni be?’

Matthieu 20:15 Iomraidhean Croise

Sigingo 33:19

KOTA GBIA akiri tënë: “Mbi yeke hon na dawa ti mo titene mo baa nzoni be ti mbi kue si mbi yeke di iri ti mbi so ayeke ‘KOTA GBIA’ na mo. Fade mbi yeke sara nzoni be na zo so mbi ye ti sara nzoni be na lo, mbi yeke baa mawa ti zo so mbi ye ti baa mawa ti lo.”

Amato 23:6

Mo te kobe ti zo ti sioni be pepe; sara nzara ti anzoni kobe ti lo pepe.

Amato 28:22

Zo so be ayeke sara lo, lo yeke kpe kpengo na peko ti mosoro; me lo hinga pepe atene, fade yere ayeke ti na ndö ti lo.

Jérémie 18:6

“Ala azo ti Israel, ye so wasarango-ta ayeke sara na ta ti lo so, mbi lingbi ti sara na ala tongaso pepe? So tënë ti yanga ti KOTA GBIA laa. Ala azo ti Israel, ala yeke na ya ti maboko ti mbi tongana ti so sese ti sarango na ta ayeke na ya ti maboko ti wasarango-ta.

Matthieu 11:25

Na ndembe ni so, Jésus akiri atene: “Mbi gonda mo Babâ, mo so mo yeke *Kota Gbia ti yayu na ti sese, ndali ti so mo honde ye so na azo ti ndara nga na azo ti hingango ye si mo sigigi na nda ni na akete molenge.

Matthieu 20:14

Mu nginza ti mo, mo gue. Mbi ye ti mu na zo so aga na ndani gi wungo ti nginza so mbi mu na mo so.

Matthieu 6:23

Me tongana le ti mo abuba, tere ti mo kue ayeke na ya ti vukongo ndo. Tongana vurungo ndo so ayeke na ya ti mo avuko awe, fade akiri avuko pitipiti!”

Marc 7:22

gingo wali wala koli ti zo, sarango nzara ti ye ti zo, sioni be, handango zo, sarango ye ti kirikiri, kota be, tenengo sioni tënë na iri ti zo, sarango baba nga na sarango ye ti buba.

Jean 17:2

Mo mu na lo ngangu ti sara komandema na ndö ti azo kue. Tongaso si lo mu fini so angba lakue lakue na azo so kue mo mu ala na lo.

Awatokua 13:45

So azuife abaa gba ti azo ni, kota be asara ala; ala yeke tene tënë ti buba ya ti atënë ti Paul si ala yeke zonga lo.

1 Korente 4:7

Biani, zo wa laa atene na mo atene, mo hon azo kue? Aye so mo yeke na ni so, Nzapa laa amu ni na mo pepe? Tongana Nzapa laa amu ni na mo, ngbanga ti nyen laa mo yeke gonda tere ti mo daa, mo baa mo tene, aye so mo yeke na ni so a mu na mo mungo pepe?

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Ndia ti fani use ni 15:9

Me hange! Alingbi ala wara sioni gbungo-li pepe ti tene na be ti ala, atene: “Ngu mbarambara aga nduru ti lingbi awe, ngu ti zingo yongo na li ti azo.” Ita ti ala so ye atia lo, ala baa lo na sioni le pepe si ala ke ti mu ye na lo. Tongaso pepe, lo yeke toto na iri ti ala na KOTA GBIA si fade ye so ayeke ga siokpari ti ala.

Ndia ti fani use ni 28:54

Koli so na popo ti ala, lo woko mingi si lo yeke sara ngangu kua pepe, fade lo yeke baa ita ti lo na sioni le, legeoko na wali so ayeke lango na kate ti lo nga na tanga ti amolenge ti lo so ayeke ngba na lo.

Jacques 1:18

Tongana ti so be ti lo wani aye, lo mu na e fini na lege ti tënë ti lo so ayeke taa-tënë, tongaso si e ga tongana akozo zo ti lo na popo ti aye so kue lo sara.

Jacques 5:9

A-ita, ala dema na iri ti amba ti ala pepe, tongaso si Nzapa afâ ngbanga na li ti ala pepe. Ala baa, wafango-ngbanga ayeke luti na yanga ti da!