Matthieu 2:7 - Mbeti ti Nzapa - Tënë so amu fini

⁷ Tongaso Herode airi azo ti gingo nda ti atongoro ni na hondengo ni. Lo hunda ala ti hinga mbirimbiri ngoi so tongoro ni asigigi na ni.

Matthieu 2:7 Iomraidhean Croise

Abia (Psaumes) 55:21

Zo so asara sioni na amba ti lo awe, amba ti lo so lo na ala aduti na siriri; lo buba ya ti *mbuki ti lo awe.

Sigingo 1:10

Alingbi e gi mbeni nzoni kode ti sara si ala kiri awu mingi pepe. Tongaso pepe, tongana mbeni bira alondo, fade ala yeke bongbi na awato ti e ti tiri na e si ala yeke sigigi na kodro ti e ti hon.”

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 2:16

So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Matthieu 2:8

Na pekoni, lo tokua ala na Betlehem si lo tene na ala: “Ala gue, agi nda ti tënë ti molenge so nzoni. Tongana ala wara lo, ala ga atene tënë ni na mbi si mbi nga, mbi gue ti voro lo.”

Awatokua 24:22

Félix so ahinga tënë nzoni na ndö ti lege so Jésus afa, apusu tënë ni na mbeni lango. Lo tene: “Fade mbi yeke fâ ya ti ngbanga ni tongana Lisias, kota komanda ti aturugu aga si.”

Aye so Nzapa afa 12:15

Ngbo ni ade ngu na yanga ti lo na peko ti wali ni si aga tongana kota *bale titene amu wali ni ahon na lo.

1 Samuel 18:21

Saul atene na be ti lo, atene: “Fade mbi yeke mu na lo Mikal titene lo ga tongana kuku si azo ti Filistii alingbi ti zia maboko na ndö ti David.” Nilaa, fani use, Saul atene na David: “Laso, mo yeke ga kogara ti mbi.”