Matthieu 2:6 - Mbeti ti Nzapa - Tënë so amu fini

⁶ ‘Mo Betlehem, mo so mo yeke na sese ti Juda, mo yeke biani kete kodro pepe na popo ti akota kodro ti Juda, ngbanga ti so, na ya ti mo, fade mbeni gbia ayeke sigigi ti fa lege na azo ti Israel, azo ti Nzapa.’ ”

Matthieu 2:6 Iomraidhean Croise

Tongo nda ti aye 49:10

Mbata ti gbia ayeke ngba lakue na ya ti sewa ti Juda. *Ahale ti lo ayeke ngba lakue na komandema, ngbii taa wa ti komandema ni asi. Lo laa azo ti mara kue ayeke ma yanga ti lo.

2 Samuel 5:2

So Saul ayeke ando gbia ti e so, mo laa mo yeke lakue na li ti azo ti Israel ti gue na ala na bira nga ti kiri na ala. *KOTA GBIA atene na mo: ‘Mo laa mo yeke bata ande azo ti Israel, azo ti mbi; mo laa mo yeke ga makonzi ti azo ti Israel.’ ”

1 Mbai 2:51

Salma, so asara si gbata ti Betlehem abaa gigi. Haref, so asara si kodro ti Bet-Geder abaa gigi.

1 Mbai 5:2

Juda laa ayeke ngangu zo ahon a-ita ti lo; mbeni *hale ti lo aga gbia ti azo ti Israel, me ndo ti kozo molenge aga ti Joseph.

Esdras 2:21

akoli ti kodro ti Betlehem ayeke 123;

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Mishe 5:2

Ndani laa, fade Nzapa ayeke zia azo ti lo, ngbii asi na ngoi so wali so alingbi ti du molenge, lo du si. Tongaso, tanga ti a-ita ti molenge ni, ala so angba na fini na peko ti so a gbu ala si a gue na ala na kodro wande, ala yeke kiri na tere ti azo ti Israel.

Wungo ti azo 24:19

Gbia so ayeke baa gigi na popo ti azo ti Israel so, lo yeke sara komandema na ndö ti awato ti lo; lo yeke hunzi tanga ti azo so angba na ya ti agbata.”

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 28:18

Jésus aga nduru na tere ti ala si lo tene na ala: “A mu na mbi ngangu kue na yayu nga na sese.

Jean 21:16

Jésus akiri ahunda lo ti fani use ni, atene: “Simon, molenge ti Jean, mo ye mbi?” Pierre akiri tënë na lo: “Biani, Kota Gbia, mo hinga so mbi ye mo.” Jésus atene na lo: “Bata ataba ti mbi!”

Jean 7:42

Mbeti ti Nzapa atene: ‘Fade Mesii ni ayeke *hale ti David. Lo yeke londo ande na Betlehem, kodro ti David si lo yeke ga.’”

Efeze 1:22

Nzapa azia ye kue na gbe ti Christ; lo so lo yeke na ndö ti aye kue, lo zia lo kota makonzi na li ti *Eglize.

Kolose 1:18

Lo laa lo yeke li ti *Eglize so ayeke tere ti lo, ye kue ato nda ni na lege ti lo; lo laa lo zingo na kuâ kozo titene, na ya ti ye kue, lo duti na kozo ndo.

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.

Aye so Nzapa afa 11:15

Mbarambara *ange ni ahuru tatalita ti lo. Mbi ma akota go so alondo na yayu, atene: “Fadeso lengo-gbia ayeke ti *Kota Gbia ti e, lo na *Mesii ti lo; fade lo yeke le-gbia kpu na kpu!”

Aye so Nzapa afa 2:27

Fade lo yeke fa lege na ala na komandema ti ngangu, lo yeke fâ ya ti ala kete kete tongana ti so zo ayeke fâ ya ti ta ti sese.

Aye so Nzapa afa 7:17

ngbanga ti so Molenge ti Taba so ayeke na ndö ti mbata ti gbia ayeke bata ala tongana ataba ti lo. Lo yeke gue na ala na li ti ngu so ayeke mu fini na zo. Fade Nzapa ayeke mbo ngu ti le ti ala kue.