Matthieu 2:4 - Mbeti ti Nzapa - Tënë so amu fini

⁴ Lo bongbi akota wayango-sandaga na awafango-ndia ti azuife kue si lo hunda ala, lo tene: “A yeke du ande *Mesii ni na ndo wa?”

Matthieu 2:4 Iomraidhean Croise

2 Mbai 34:13

Ala yeke baa ndo na ndö ti azo ti yongo akungba nga na ndö ti azo ti kua ni kue, zo oko oko na kua so lo hinga ti sarango ni. Na popo ti azo ti mara ti Lévi, ambeni ayeke awakuasu, ambeni ayeke baa ndo na ndö ti akua si ambeni ayeke azo ti batango yanga ti da.

2 Mbai 34:15

Hilkia atene na wakuasu Shafan: “Mbi wara mbeti ti Ndia na ya ti kota da ti KOTA GBIA.” Hilkia amu mbeti ni na Shafan.

2 Mbai 36:14

Amakonzi kue ti awayango-sandaga na amakonzi ti azo ti kodro akiri asara sioni mingi ahon ndoni. Ala mu gi peko ti asioni sarango ye ti amara nde, asioni ye so zo alingbi ti baa na le ti lo fani use pepe. Ala sara si kota da ti KOTA GBIA aga *sioni, da so KOTA GBIA azia nde ndali ti lo si ayeke na Jérusalem so.

Esdras 10:5

Esdras alondo. Lo hunda na ngangu na amakonzi ti awayango-sandaga, azo ti mara ti Lévi na azo ti Israel kue ti deba yanga ti ala, ti fa so ala yeke sara ye alingbi na tënë so Shekania atene. Tongaso azo ni kue adeba yanga ti ala.

Néhémie 12:7

Salu, Amok, Hilkia na Yedaya. Na ngoi ti Yeshua, azo so kue ayeke amakonzi ti awayango-sandaga na ti a-ita ti ala, azo ti mara ti Lévi.

Abia (Psaumes) 2:2

Agbia ti sese alondo ti tiri bira; amakonzi ti akodro ama tere ti ke *KOTA GBIA, lo na zo ti lo so lo zia lo gbia so.

Jérémie 8:8

Ala yeke tene: “E yeke azo ti ndara, *Ndia ti *KOTA GBIA ayeke ti e.” Taa-tënë, me ye ni asara tongana nyen si gi awafango-ndia ni wani akiri ayeke buba ya ti Ndia ni so?

Malashii 2:7

Biani, kua ti wayango-sandaga ayeke ti fa lege na azo si ala hinga Nzapa. Azo ayeke ga na mbage ti lo ti gi ti hinga ye so ndia afa, ngbanga ti so lo yeke watokua ti KOTA GBIA so ayeke na ndö ti dunia kue.

Matthieu 13:52

Lo tene na ala: “So ti tene, wafango-ndia so ahinga ye na ndö ti *Kodro-gbia ti yayu awe, lo yeke tongana mbeni wa ti da so ayeke mu afini mosoro na angbene ni kue na ya ti gogoro ti lo ti sigigi na ni.”

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Matthieu 2:5

Ala kiri tënë na lo: “Na Betlehem, mbeni gbata ti sese ti Judée. Baa, wayanga-Nzapa atene tënë na ndö ti lo, atene:

Matthieu 21:15

So akota wayango-sandaga na awafango-ndia abaa aye ti kpene so Jésus asara si ala baa nga amolenge so ayeke dekongo na ya ti kota da ti Nzapa, atene: “E gonda Molenge ti David”, be ti ala aso.

Matthieu 21:23

Jésus ali na ya ti kota da ti Nzapa si lo yeke fa ye. Tongaso, akota wayango-sandaga na *akangba ti azuife aga nduru na tere ti lo si ala hunda lo, atene: “Na iri ti zo wa laa mo yeke sara aye so? Zo wa laa amu lege na mo ti sara ni, zo wa?”

Matthieu 26:3

Tongaso akota wayango-sandaga na *akangba ti azuife abongbi tere na ya ti gbagba ti kota wayango-sandaga so iri ti lo Kaife.

Matthieu 26:47

So Jésus angba ti tene tënë, Judas, mbeni oko ti adisiple baleoko na use asi; lo ga na azo gbani gbani na tere ti lo. Azo ni kue amu ayongoro zeme na akeke na maboko ti ala. Akota wayango-sandaga na *akangba ti azuife laa atokua ala.

Matthieu 27:1

Na ndaperere, akota wayango-sandaga kue na *akangba ti azuife abongbi ti fâ ngbanga ti kuâ na li ti Jésus.

Matthieu 7:29

Biani, lo fa ye ni tongana awafango-ndia ti azuife pepe, me lo fa ni tongana zo ti komandema.

Marc 8:31

Na pekoni, Jésus ato nda ti fa ye na adisiple ti lo, lo tene: “Alingbi *Molenge ti Zo abaa pasi mingi. *Akangba, na akota wayango-sandaga na awafango-ndia ayeke ke lo, ala yeke fâ lo si lango ota na pekoni, lo yeke zingo na kuâ.”

Nzoni Tënë so Luc asu na mbeti 20:19

Gi na ndembe ni so, awafango-ndia na akota wayango-sandaga ayeke gi lege ti gbu Jésus, me ala sara mbeto ti azo ti kodro. Ala hinga so toli so lo tene so, lo tene gi ti kpo ala.

Nzoni Tënë so Luc asu na mbeti 23:10

Akota wayango-sandaga na awafango-ndia ayeke daa, ala yeke tene tënë na ngangu ti bi atënë na li ti lo.

Jean 18:3

Judas amu li ti mbeni bongbi ti aturugu na awabatango kota da ti Nzapa si ala gue na ndo ni so; akota wayango-sandaga na *afarizien laa atokua ala. Ala mu aye ti bira na alamba na wâ ti pere.

Jean 3:10

Jésus akiri tënë na lo, atene: “Mo so azo ahinga mo tongana wafango-ye na Israel so, mo hinga aye so pepe?

Jean 7:32

*Afarizien ama atënë so gba ti azo ayeke tene na gbe ti go ti ala na tere ti Jésus. Tongaso akota wayango-sandaga na afarizien atokua aturugu ti gue ti gbu lo.

Jean 8:3

Awafango-ndia na *afarizien amu mbeni wali so ala wara lo na gingo mbeni koli so ayeke koli ti lo pepe. Ala ga azia lo na le ti azo kue.

Awatokua 23:9

Dekongo ni ahon ndoni si ambeni wafango-ndia so ayeke na ya ti bongbi ti afarizien alondo si ala tene na kuru go, atene: “E wara mbeni tënë ti sioni na li ti koli so pepe. Mbeni yingo wala mbeni ange laa atene tënë na lo? E hinga so pepe.”

Awatokua 4:5

So ndo ahan awe, amakonzi ti azuife, *akangba na awafango-ndia abongbi tere na Jérusalem.

Awatokua 6:12

Ala pusu azo ni, *akangba na awafango-ndia titene be ti ala aso. Na pekoni, ala gue, agbu Étienne na ngangu si ala gue na lo na gbe ti azo ti *Kota Bongbi ti Fango Ngbanga ti azuife.