Matthieu 2:23 - Mbeti ti Nzapa - Tënë so amu fini

²³ Lo gue, lo duti na mbeni gbata so iri ni Nazaret. Ye ni asi tongaso titene tënë ti awayanga-Nzapa aga taa-tënë; ala tene ando, atene: “Fade a yeke iri lo, zo ti Nazaret.”

Matthieu 2:23 Iomraidhean Croise

Wungo ti azo 6:13

“So ayeke ndia ndali ti zo so aga nazir laa: na lango so ngoi ti lo ti nazir ahunzi awe, a yeke ga na lo na yanga ti da ti bongo so KOTA GBIA na azo ti lo ayeke wara tere daa.

Matthieu 1:22

Ye ni kue asi alingbi na tënë so Kota Gbia atene ando na yanga ti wayanga-Nzapa, atene:

Matthieu 21:11

Gba ti azo ni akiri tënë, atene: “So Jésus laa, wayanga-Nzapa so alondo na Nazaret, na sese ti Galile.”

Matthieu 26:71

So Pierre amu lege ti gue na yanga ti gbagba, mbeni wali nde so ayeke sara kua kâ abaa lo si atene na azo so ayeke kâ, atene: “Koli so ayeke mu nga peko ti Jésus, zo ti Nazaret!”

Marc 1:24

lo tene: “Ti mo na e nyen, Jésus, zo ti Nazaret? Mo ga ti fâ e? Mbi hinga mo, mo yeke zo ti nzoni kue so Nzapa azia mo nde si lo tokua mo.”

Marc 1:9

Mbeni lâ, Jésus alondo na Nazaret, mbeni kodro ti Galile, lo ga si Jean abatize lo na ya ti ngu ti Jourdain.

Nzoni Tënë so Luc asu na mbeti 1:26

Na nze omene ti ngo ti Élisabeth, Nzapa atokua *ange Gabriel na ya ti mbeni gbata ti Galile so iri ni Nazaret,

Nzoni Tënë so Luc asu na mbeti 18:37

Azo atene na lo: “Jésus, zo ti Nazaret laa ayeke hon so.”

Nzoni Tënë so Luc asu na mbeti 2:39

So babâ na mama ti Jésus asara ye so kue *Ndia ti *Kota Gbia ahunda na ala awe, ala kiri na sese ti Galile, na Nazaret, gbata ti ala.

Jean 18:5

Ala kiri tënë na lo, atene: “E yeke gi Jésus, zo ti Nazaret.” Lo kiri tënë, lo tene: “Mbi laa.” Andaa Judas, zo ti kango Jésus ayeke na popo ti azo ni.

Jean 18:7

Jésus akiri ahunda ala, atene: “Ala yeke gi zo wa?” Ala tene na lo: “E yeke gi Jésus, zo ti Nazaret.”

Jean 19:19

Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

Awatokua 2:22

“Azo ti Israel, ala ma tënë so! Jésus, zo ti Nazaret ayeke mbeni zo so Nzapa afa na le ti ala so ni laa ni tokua lo. Nilaa Nzapa asara akota ye, na aye ti dongo be na aye ti kpene na lege ti lo. Ala wani, ala baa aye ni, ngbanga ti so aye ni kue asi gi na popo ti ala.

Awatokua 24:5

E baa so, koli so ayeke sioni mingi: lo yeke bi wusuwusu na popo ti azuife ti dunia kue, lo yeke makonzi ti sioni bongbi so iri ni bongbi ti Nazaret.

Awafango-ngbanga 13:5

ngbanga ti so mo yeke mu ande ngo si mo yeke du molenge-koli. Fade a yeke fâ kua ti li ti molenge ni pepe, lo yeke duti nazir, gi na ndembe so lo de na ya ti mama ti lo. Lo laa lo yeke to nda ti soo azo ti Israel na maboko ti azo ti Filistii.”

1 Samuel 1:11

Lo mu zendo, lo tene: “KOTA GBIA, mo so mo yeke na ndö ti dunia kue, baa mawa ti mbi, zo ti gbe ti mo. Dabe ti mo na mbi, mo girisa mbi pepe. Mu na mbi molenge-koli, fade mbi kiri mbi mu lo na mo, KOTA GBIA titene lo sara kua na mo na lango ti fini ti lo kue. Fade a yeke kio kua ti li ti lo oko pepe.”