Matthieu 2:2 - Mbeti ti Nzapa - Tënë so amu fini

² Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Matthieu 2:2 Iomraidhean Croise

Abia (Psaumes) 2:6

si lo tene: “Mbi wani laa mbi zia gbia ti mbi na ndö ti hoto ti *Sion, hoto ti mbi so ayeke nde si ayeke nzoni kue.”

Abia (Psaumes) 45:11

Molenge ti mbi ti wali, ma si! Baa ndo, dingi mê ti mo, mo ma. Ayeke nzoni be ti mo agirisa na azo ti kodro ti mo nga na asewa ti mo.

Ésaïe 60:3

Tongaso azo ti amara nde ayeke gue na mbage ti lumiere ti mo si agbia ayeke gue nga na mbage ti mo ndali ti vurungo ndo ti mo so ato nda ni.

Jérémie 23:5

“So tënë ti yanga ti KOTA GBIA laa: Baa, mbeni lango ayeke ga so mbi yeke sara titene taa *hale ti David abaa gigi. Lo yeke sigigi tongana kete keke so asigigi na ya ti sese. Lo yeke le-gbia tongana nzoni gbia, lo yeke sara ye na lege ti ndara, lo yeke fâ ngbanga mbirimbiri si lo yeke sara ye ti mbirimbiri na ya ti kodro ni.

Jérémie 30:9

me ala yeke sara na mbi, KOTA GBIA Nzapa ti ala. Ala yeke sara nga na mbeni hale ti David, gbia so mbi yeke zia lo na ndö ti ala.”

Zakarii 9:9

Dodo na ngia, mo gbata ti *Sion! Dekongo na ngia, mo gbata ti Jérusalem! Baa, gbia ti mo ayeke ga na mbage ti mo; lo yeke mbirimbiri, lo so benda, lo sara tere ti lo tongana senge zo, lo duti na ndö ti lele, lo duti na ndö ti molenge ti lele.

Wungo ti azo 24:17

Mbi baa ye so ayeke si gbanda, ye ni ayeke si fadeso pepe. Mbi baa mbeni ye so ayeke si ande, ye ni ayeke si fafadeso pepe. Mbeni tongoro ayeke sigigi na popo ti *ahale ti Jacob, mbeni gbia ayeke baa gigi na popo ti azo ti Israel. Lo yeke pika azo ti mara ti Moab na keke ti lo ti gbia, lo yeke pika abio ti li ti azo ti mara ti Set.

Matthieu 2:3

So gbia Herode ama tënë so, li ti lo aga kirikiri, lo na azo ti Jérusalem kue.

Matthieu 21:5

“Ala tene na gbata ti *Sion, atene: Baa, gbia ti mo ayeke ga na mo, lo sara tere ti lo tongana senge zo. Lo duti na ndö ti mama ti lele nga na ndö ti molenge ti lele so ayeke nyama ti sarango na kua.”

Matthieu 27:11

Jésus aluti na gbe ti govoronere Pilate. Pilate ahunda lo, atene: “Mo yeke gbia ti azuife?” Jésus akiri tënë na lo: “Ni laa mo tene so.”

Nzoni Tënë so Luc asu na mbeti 19:38

Ala tene: “Ayeke nzoni Nzapa asara tufa na ndö ti gbia so aga na iri ti Kota Gbia! Siriri aduti na yayu kâ si a gonda Nzapa so ayeke na yayu kâ na ndö ti aye kue!”

Nzoni Tënë so Luc asu na mbeti 2:11

Laso, na ya ti gbata ti David, a du na ala Wasongo-zo awe; lo yeke Christ, Kota Gbia.

Nzoni Tënë so Luc asu na mbeti 23:3

Pilate ahunda lo, atene: “Mo yeke gbia ti azuife?” Jésus akiri tënë na lo, atene: “Gi tënë ni laa mo tene awe so.”

Nzoni Tënë so Luc asu na mbeti 23:38

Na li ti keke ti kroa ni ala su mbeni mbeti atene: “So gbia ti azuife laa!”

Jean 1:49

Natanael atene na lo: “Wafango-ye, mo yeke Molenge ti Nzapa! Mo yeke gbia ti Israel!”

Jean 12:13

Tongaso ala mu amaboko ti akeke ti mburu si ala gue ti wara lo na lege. Ala dekongo, atene: “E gonda Nzapa! Ayeke nzoni Nzapa asara tufa na ndö ti lo so aga na iri ti *Kota Gbia; lo yeke gbia ti Israel!”

Jean 18:37

Pilate ahunda lo, atene: “Ye ni, mo yeke gbia?” Jésus akiri tënë: “Gi tënë ni laa mo tene awe so: mbi yeke gbia. A du mbi si mbi ga na dunia so ti fa ye na ndö ti taa-tënë na azo. Zo so ayeke zo ti taa-tënë, fade lo yeke ma tënë ti mbi.”

Jean 19:19

Pilate amu yanga titene a su mbeti si a kanga na li ti keke ti kroa ni. Mbeti ni atene: “Jésus, zo ti Nazaret, gbia ti azuife.”

Jean 20:28

Thomas akiri tënë na lo, atene: “*Kota Gbia ti mbi na Nzapa ti mbi!”

Jean 5:23

si azo kue alingbi ti ne Molenge ni tongana ti so ala yeke ne Babâ. Zo so ane Molenge ni pepe, andaa lo so Babâ atokua lo, lo ne lo pepe.

Jean 9:38

Koli ni atene: “Kota Gbia, mbi ma na be.” Lo kuku na gbe ti Jésus.

Ahebro 1:6

Me na ndembe so Nzapa aye ti tokua kozo molenge ti lo na ndö ti dunia so, lo tene: “Alingbi a-ange ti Nzapa kue avoro lo.”

Aye so Nzapa afa 22:16

“Mbi Jésus, mbi tokua ange ti mbi ti gue ti fa peko ti aye so na *a-Eglize. Mbi yeke *hale ti sewa ti David, mbi yeke tongoro ti ndaperere so ayeke za mingi.”