Matthieu 2:19 - Mbeti ti Nzapa - Tënë so amu fini

¹⁹ So Herode akui awe, *ange ti *Kota Gbia asi na Joseph na ya ti bango-li kâ na Ezipte.

Matthieu 2:19 Iomraidhean Croise

Abia (Psaumes) 139:7

Ndo wa laa mbi lingbi ti gue daa si mbi hon yongoro na mo so? Ndo wa laa mbi lingbi ti kpe daa si mo baa mbi pepe so?

Abia (Psaumes) 76:10

na ndembe so mo londo ti fâ ngbanga, ti soo asenge zo kue ti sese. Luti kete

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Jérémie 30:10

“Ti mo Israel, zo ti kua ti mbi, sara mbeto pepe! So tënë ti yanga ti KOTA GBIA laa. Mo hale ti Jacob, mo do na mbeto pepe! Biani, mbi yeke ga ti soo mo na ya ti akodro so ayeke na yongoro ndo; mbi yeke soo nga ahale ti mo na sese so a gbu ala si a gue na ala daa so. Israel, fade mo yeke kiri si mo yeke wara lege ti duti kpoo, mbeni sioni ye ti kiri ti sara mo ayeke daa pepe, mbeni zo ti kiri ti zia mbeto na be ti mo ayeke daa pepe.

Ezekiel 11:16

Tongaso, tene na amba ti mo so a gbu mo na ala si a gue na ala na kodro wande so, mo tene: Tënë so mbi Kota Gbia NZAPA, mbi tene ayeke so: ‘Ataa mbi tokua ala na akodro yongoro, ataa mbi kangbi ala na popo ti amara nde, kâ kue, mbi yeke na popo ti ala tongana ti so mbi yeke na ya ti da ti mbi so ayeke nde si ayeke nzoni kue.’

Daniel 11:45

Fade lo yeke zia ada ti lo ti bongo ti gbia na popo ti kota ngu-ingo na hoto so ayeke nde si ayeke nzoni kue si ayeke na pendere kodro. Na ndo so laa lango ti lo ayeke hunzi, me zo oko ayeke mu maboko na lo pepe.’ ”

Daniel 8:25

Ndali ti so lo yeke na mayere mingi, lo yeke wara lege ti handa azo. Ndali ti baba so asi be ti lo singo, lo yeke fâ gba ti azo so aduti si ala hinga atene, mbeni sioni ye ayeke ga na ndö ti ala pepe so. Lo yeke londo ti sara bira na Makonzi ti amakonzi. Na ndembe ni so, fade a yeke fâ lo, me zo laa ayeke fâ lo pepe.

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 2:20

Lo tene na Joseph: “Londo, mu molenge ni, lo na mama ti lo, mo kiri na sese ti Israel, ngbanga ti so ala so agi lege lani ti fâ molenge ni akui awe.”

Matthieu 2:22

So Joseph ama a tene, Arkelaos aga gbia ti Judée na peko ti babâ ti lo Herode, mbeto ti duti na ya ti kodro ni agbu lo. Na peko ti tënë so Nzapa atene na lo na ya ti bango-li so, lo mu lege, lo gue na sese ti Galile.

Matthieu 27:19

So Pilate angba ti duti na ndo so a leke na lo ti fâ ngbanga, wali ti lo atokua na lo, atene: “Mo yoro yanga ti mo na ya ti tënë ti koli so pepe; lo sara sioni oko pepe. Na bi so, mbi baa pasi mingi na ya ti bango-li ndali ti lo.”

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala: