Matthieu 2:16 - Mbeti ti Nzapa - Tënë so amu fini

¹⁶ So Herode ahinga atene, azo ti gingo nda ti atongoro ahanda lo awe, ngonzo agbu lo ngangu mingi. Lo mu yanga titene a fâ akete molenge-koli kue ti gbata ti Betlehem na ti akodro so ayeke nduru na tere ni. A fâ amolenge so ngu ti ala ayeke use na ala so ade awara ngu use pepe. Herode asara ye ni alingbi na tënë so azo ti gingo nda ti atongoro atene na lo na ndö ti lango ti sigingo ti tongoro ni.

Matthieu 2:16 Iomraidhean Croise

Tongo nda ti aye 39:14

wali ni airi azo ti kua ti lo si lo tene na ala: “Ala baa awe! A mu zo ti mara ti Hebro so a ga na lo titene lo he e na ngia! Lo ga titene lo lango na mbi si mbi dekongo ngangu.

Tongo nda ti aye 39:17

Lo kiri lo fa gi peko ti oko tënë ni na koli ti lo, lo tene: “Ngbaa ti mara ti Hebro so mo ga na lo na e so, aga na tere ti mbi ti he mbi na ngia.

Tongo nda ti aye 49:7

Mbi deba ngonzo ti ala; ngonzo ti ala ni ayeke sioni mingi! Mbi deba nga sarango ye ti ala na ngonzo; sarango ye ti ala ni ayeke sioni mingi! Mbi yeke kangbi ya ti ala na sese ti Jacob kue si ala yeke kangbi tere ti ala na ya ti kodro ti Israel.

2 Agbia 8:12

Hazael ahunda lo, atene: “Kota zo, mo yeke toto ngbanga ti nyen?” Élisée akiri tënë: “Mbi yeke toto, ngbanga ti so mbi hinga sioni so mo yeke sara ande na azo ti Israel: mo yeke gbi agbata ti ala so ngangu gbagba ayeke na tere ni, mo yeke fâ amaseka ti ala na ya ti bira, mo yeke nika akete molenge ti ala, mo yeke suru ya ti amama ti ngo.”

Mbeti ti Job 12:4

Mbi iri Nzapa titene lo kiri tënë na mbi, mbi ga ye so amba ti mbi ayeke he na ngia. Zo ti mbirimbiri, zo so asara ye na legeni mbirimbiri, lo laa azo ayeke he lo na ngia.

Amato 28:15

Sioni makonzi so asara ngangu na azo ti kodro so ayeke na ya ti mawa, lo yeke tongana bamara so atoto, wala tongana sioni nyama so ahuru ti gbu nyama.

Amato 28:17

Zo so ngbanga ti kuâ ti mbeni zo ayeke na li ti lo, lo yeke kpe ngbii ti li na da ti kanga; ayeke nzoni zo oko akanga lege na lo pepe.

Ésaïe 26:21

Baa, KOTA GBIA alondo na ndo ti lo ti sigigi. Lo yeke hunda na azo ti sese ti fa peko ti asioni ti ala. Sese ayeke fa na gigi mene so atuku, azo so a fâ ala, sese ayeke kiri ti honde kuâ ti ala pepe.

Ésaïe 59:7

Ala yeke mu loro ti sara sioni, ala yeke kpe ti gue ti tuku mene ti zo so asara sioni pepe. Gbungo-li ti ala ayeke gi ti sara sioni; na ndö ti alege so kue ala yeke hon daa, gi sarango ngangu na zo nga na bubango ye.

Daniel 3:13

Tongaso ngonzo ti wâ alondo na be ti Nabukodonosor si lo mu yanga titene ala ga na lo Shadrak, Meshak na Abed-Nego. Azo aga na ala na dawa ti gbia.

Osée 10:14

Ndani laa fade toto ti bira ayeke si na popo ti azo ti mo si agbata ti mo so kue ngangu gbagba ayeke na tere ni ayeke buba. Agbata ni ayeke buba tongana ti so gbia Shalman abuba ando gbata ti Bet-Arbel si azo anika mama na ndö ti amolenge ti lo so.

Wungo ti azo 22:29

Balaam akiri tënë na mama ti lele ni, atene: “Mo sara mbana na mbi! Tongana mbeni yongoro zeme ayeke fade na maboko ti mbi, ka mbi fâ mo na ndo so biani!”

Wungo ti azo 24:10

Ngonzo agbu Balak na tere ti Balaam. Lo pika maboko ti lo na ngonzo si lo tene na Balaam: “Mbi iri mo titene mo ga, mo deba awato ti mbi, me fani ota laa mo kiri mo sara tufa na ndö ti ala!

Matthieu 2:1

A du Jésus na Betlehem, mbeni gbata ti sese ti Judée, na ngoi ti gbia Herode. Na pekoni, azo ti gingo nda ti atongoro alondo na mbage ti To, ala si na Jérusalem.

Matthieu 2:17

Tongaso, tënë so wayanga-Nzapa Jérémie atene ando, aga taa-tënë; lo tene:

Matthieu 2:7

Tongaso Herode airi azo ti gingo nda ti atongoro ni na hondengo ni. Lo hunda ala ti hinga mbirimbiri ngoi so tongoro ni asigigi na ni.

Aye so Nzapa afa 12:4

Atongoro kue ti le ti nduzu, damba ti nyama ni apika tongoro oko na popo ti atongoro ota abi na ndö ti sese. Sioni nyama ni ague, aluti na dawa ti wali so aga nduru ti du molenge so, ti ku ti te molenge ni na sigingo ti lo.

Aye so Nzapa afa 17:6

Mbi baa wali ni, lo nyon mene ti azo ti Nzapa na mene ti azo so a fâ ala, ngbanga ti so ala mu peko ti Jésus. Mene ni ayeke sara lo tongana samba. So mbi baa lo tongaso, li ti mbi kue akpe.

Awafango-ngbanga 16:10

Dalila atene na Samson: “Mo handa mbi si mo tene gi mvene na mbi. Ayeke nzoni mo fa na mbi fadeso mara ti kamba wa laa alingbi ti kanga mo na ni.”