Matthieu 2:11 - Mbeti ti Nzapa - Tënë so amu fini

¹¹ Ala li na ya ti da ni si ala baa molenge ni na mama ti lo Marie. Ala kuku na sese si ala voro molenge ni. Na pekoni, ala zi ya ti akungba ti ala si ala mu anzoni ye na molenge ni: lôro, dukani na *mire.

Matthieu 2:11 Iomraidhean Croise

Tongo nda ti aye 43:11

Babâ ti ala Jacob atene na ala: “Tongana ye ni ayeke tongaso, ayeke nzoni ala sara ye so mbi yeke tene na ala so. Ala mu anzoni le ti keke ti kodro ti e azia na ya ti akungba ti ala; ala gue na ni na koli ni. Ala mu ambeni yombo na yoro kete, mafuta ti wotoro kete, ambeni le ti pistashe na amande.

1 Agbia 10:10

Na pekoni, gbia-wali ni amu na gbia Salomon kilo ti lôro saki ota na ngbangbo oku, ayombo gbani gbani nga na atêne ti ngangu ngere. Ti londo na lango ni so, zo ade ti baa gba ti yombo tongaso laoko pepe, tongana ti so gbia-wali ti Saba amu na Salomon.

1 Agbia 10:2

Gbia-wali ni asi na Jérusalem, lo ga na azo gbani gbani na peko ti lo, *azambala so ayo ayombo, lôro gbani gbani nga na atêne ti ngangu ngere. So lo si na tere ti Salomon awe, lo hunda na lo atënë so kue lo leke na be ti lo.

Abia (Psaumes) 2:12

Ala kuku ti voro molenge ti lo si lo sara ngonzo pepe. Tongana lo sara ngonzo, fade ala kui na lege ti sarango ye ti ala so. Biani, gi kete ye, ngonzo ti lo alondo tongana wâ. Ti ala nzoni, azo so kue akpe na lo ti bata tere ti ala.

Abia (Psaumes) 45:8

Mo ye sarango ye ti mbirimbiri, mo ke sarango ye ti sioni. Ndani laa, Nzapa, Nzapa ti mo asoro mo na popo ti amba ti mo kue ti ga gbia si lo tuku mafuta ti matanga na li ti mo.

Abia (Psaumes) 72:10

Agbia ti kodro ti Tarsis na ala ti azoa so ayeke yongoro kâ ayeke tokua na lo akadoo; agbia ti kodro ti Saba na ala ti Seba ayeke futa lapo na lo.

Abia (Psaumes) 72:15

Gbia na nduzu! Fade a yeke mu na lo lôro ti kodro ti Seba, a yeke sambela ndali ti lo lakue; a yeke sara tufa na ndö ti lo na lango oko oko kue!

Abia (Psaumes) 95:6

Ala li, e kuku, e kpo li ti e na sese, e voro lo; e kuku na gbe ti KOTA GBIA, lo so lo sara e.

Sigingo 30:23

“Mo mu apendere yombo: kilo oku ti *mire ti ngu ni, kilo use na ndambo ti sinamome so afun nzoni, kilo use na ndambo ti kanele so afun nzoni

Sigingo 30:34

KOTA GBIA akiri atene na Moïse: “Mo mu ayombo so fion ni ayeke fun nzoni: storaks, oniks na galbanum. Mo mu dukani ti nzoni ni so wungo ni alingbi tere, mo bongbi ni na ayombo ni so.

B. ti abia 3:6

Zo wa laa alondo na benyama si lo yeke ga tongana ngbongboro guru so? Zo wa laa asara na tere ti lo yombo ti *mire, ti dukani nga na ayombo ti azo ti dengo buze ti kodro wande so?

Ésaïe 60:6

Gba ti *azambala ayeke si singo na ya ti kodro ti mo: akete zambala ti Madian na ti Efa. Azo ti Saba kue ayeke ga, ala yeke ga na lôro nga na dukani si ala yeke he bia ti gonda na KOTA GBIA.

Awayango-sandaga 6:15

“Na popo ti amolenge ti Aaron, lo so a yeke tuku mafuta na li ti lo titene lo ga kota wayango-sandaga na peko ti babâ ti lo, fade lo yeke mu nga gi mara ti sandaga so. So ayeke sandaga so a zö ni kue na wâ si a yeke mu lakue lakue na KOTA GBIA.

Malashii 1:11

Biani, ti londo na To ngbii asi na Do, amara nde ahinga so mbi yeke kota. Na ndo kue, azo ayeke zö dukani na mbi, ala yeke ga na asandaga so ayeke *nzoni. Biani, amara nde ahinga so mbi yeke kota. Tënë so KOTA GBIA so ayeke na ndö ti dunia kue atene laa.

Wungo ti azo 7:14

Lo mu kopo ti lôro oko so nengo ni ayeke grame 100, dukani asi ya ti kopo ni.

Wungo ti azo 7:86

Nengo ti kopo ti lôro oko ayeke grame 100, nengo ti akopo baleoko na use so kue ayeke grame 1 200, dukani asi ya ni kue. A haka nengo ni na kilo so a yeke haka ka na ye na ndo so a zia nde ndali ti Nzapa.

Matthieu 1:18

Lege ti dungo Jésus Christ ayeke tongaso. Mama ti lo Marie ayeke wali so Joseph aye ti mu lo; me kozo titene ala mu tere, Marie amu ngo na lege ti Yingo-Vuru.

Matthieu 12:46

So Jésus angba ti tene tënë na gba ti azo so, mama ti lo na a-ita ti lo asi. Ala yeke luti na gigi, ala yeke gi lege ti tene tënë na lo.

Matthieu 14:33

Adisiple so ayeke na ya ti ngo ni akuku na gbe ti lo si ala tene na lo: “Biani, mo yeke Molenge ti Nzapa!”

Matthieu 2:10

Be ti azo ti gingo nda ti atongoro ni asi na ngia na bango tongoro ni.

Matthieu 2:2

Ala hunda ndo, atene: “Molenge so a du lo titene lo ga gbia ti azuife so ayeke na ndo wa? E baa tongoro ti lo so asigigi na mbage ti To, nilaa e ga ti voro lo.”

Nzoni Tënë so Luc asu na mbeti 2:16

Ala gue na loro si ala wara Marie na Joseph na fini molenge ni so ayeke lango na ya ti sanduku so anyama ayeke te ka kobe daa.

Nzoni Tënë so Luc asu na mbeti 2:38

Gi na ndembe ni so, lo ga lo mu singila na Nzapa si lo tene tënë ti molenge ni na azo so kue ayeke ku lango so fade Nzapa ayeke zi Jérusalem na gbe ti ngbaa.

Jean 19:39

Nikodeme so ague lani na bi ti baa Jésus, lo na Joseph laa aga. Lo mu mbeni yombo so a bongbi *mire na aloes si asara na ni; lo ga na ni kilo baleota.

Aye so Nzapa afa 19:10

Mbi kuku na gbe ti ange ni ti voro lo, me lo tene na mbi: “Sara ye tongaso pepe! Mbi yeke gi mba ti mo, zo ti kua; mbi yeke nga mba ti a-ita ti mo na ti azo so kue abata taa-tënë so Jésus afa. Mo voro gi Nzapa!” Taa-tënë so Jésus afa, ni laa amu ngangu na awayanga-Nzapa ti sara na kua ti ala.

Aye so Nzapa afa 5:8

So lo mu ni awe, aye osio so ayeke na fini na akangba baleuse na osio kue akuku na gbe ti lo. Ala kue ayeke na akundi nga na akopo ti lôro so yombo asi singo na ya ni; yombo ni ayeke sambela ti azo ti Nzapa.

1 Samuel 10:27

Me ambeni buba zo atene: “Koli so ayeke soo ande e na kuâ tongana nyen?” Ala baa lo tongana mbeni mbumbuse zo si ala ke ti ga na akadoo na lo. Me Saul azi yanga daa oko pepe.