Matthieu 19:9 - Mbeti ti Nzapa - Tënë so amu fini

⁹ Mbi tene na ala: tongana mbeni zo atumba wali ti lo, ataa so wali ni agi mbeni koli nde pepe si lo mu mbeni wali nde, andaa lo gi wali ti mbeni zo awe.”

Matthieu 19:9 Iomraidhean Croise

Tongo nda ti aye 20:3

Me na bi, Nzapa asi na Abimelek na ya ti bango-li si atene na lo: “Mo kui awe ndali ti wali so mo mu lo so! Lo yeke wali ti zo.”

2 Mbai 21:11

Lo wani, lo leke ambeni ndo na ndö ti ahoto ti Juda titene azo avoro anzapa nde daa. Lo pusu azo ti Jérusalem na azo ti Juda titene ala mu peko ti anzapa nde.

Jérémie 3:1

*KOTA GBIA atene: Tongana koli atumba wali ti lo si wali ni ague, amu mbeni koli nde, fade kozo koli ni alingbi ti kiri na tere ti wali ni? Oko pepe! Kodro so azo ni ayeke sara mara ti aye tongaso ayeke ga sioni ahon ndoni pepe? Ti mo Israel, mo sara ye ti ndumba na gba ti andeko. Na pekoni mo tene, mo ye ti kiri na tere ti mbi? So tënë ti yanga ti KOTA GBIA laa.

Jérémie 3:8

Lo baa so mbi zia Israel-wali-pupulenge awe ndali ti sarango ye ti ndumba ti lo si mbi mu na lo mbeti ti kangbingo tere. Me ita ti lo ti wali Juda-wali-gbanambana asara mbeto oko pepe. Lo nga, lo gue daa ti sara aye ti ndumba.

Ezekiel 16:15

“Me mo zia be ti mo na ndö ti pendere ti mo nga na ndö ti sango ti mo so amu ndo kue; tongaso mo sara ye ti ndumba. Mo lango na akoli so kue ayeke hon na lege si mo ga ye ti ala.

Ezekiel 16:29

Mo sara aye ti ndumba ti mo ni ahon ndoni na kodro ti azo ti Babilone, azo ti dengo buze. Ataa so kue, nzara ti tere ti mo ahunzi na ya ti mo pepe.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Matthieu 19:10

Adisiple ti lo atene na lo: “Tongana ye ni ayeke tongaso, ayeke nzoni titene koli na wali amu tere pepe.”

Matthieu 19:8

Jésus akiri tënë na ala: “Ala yeke azo ti kpengbango be, nilaa Moïse amu lege na ala titene ala tumba awali ti ala. Me na tongo nda ni, ye ni ayeke ando tongaso pepe.

Matthieu 5:32

Ti mbi, mbi tene na ala: koli so atumba wali ti lo, ataa so wali ni agi mbeni koli nde pepe, andaa lo laa lo pusu wali ni ti gi koli. Koli so amu wali so mbeni koli atumba lo, andaa lo gi wali ti zo awe.”

Nzoni Tënë so Luc asu na mbeti 16:18

“Koli so atumba wali ti lo si lo mu mbeni nde, andaa lo gi wali ti mbeni zo awe; koli so amu wali so koli ti lo atumba lo, andaa lo nga, lo gi wali ti mbeni zo awe.”

1 Korente 5:1

Na ndo kue, azo ayeke ma a tene, gingo wali wala gingo koli kirikiri ahon ndoni na popo ti ala. Ataa na popo ti azo so ahinga Nzapa pepe, mbeni zo ti sarango mara ti ye tongaso ayeke daa pepe! Azo atene, mbeni zo na popo ti ala ayeke duti na wali ti babâ ti lo!

1 Korente 7:39

Wali so amu koli ayeke ngba na koli ti lo na ngoi so kue koli ni ayeke na fini. Tongana koli ni akui awe, lo lingbi ti mu mbeni koli nde senge tongana ti so be ti lo aye; gi ye oko, ayeke nzoni koli ni ayeke zo ti Christ.

1 Korente 7:4

Wali ayeke na komandema na ndö ti tere ti lo wani pepe, me koli ti lo; koli nga ayeke na komandema na ndö ti tere ti lo wani pepe, me wali ti lo.