Matthieu 19:5 - Mbeti ti Nzapa - Tënë so amu fini

⁵ lo tene: ‘Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.’

Matthieu 19:5 Iomraidhean Croise

Tongo nda ti aye 34:3

Lo mu be ti lo kue na Dina, molenge ti Jacob ti wali. Lo ye molenge-wali ni mingi si lo tene anzoni tënë na lo titene be ti lo ade.

2 Samuel 1:26

Ita ti mbi Jonatan, ndali ti mo, mbi yeke na vundu. Mo ye mbi lani mingi; yengo so mo ye na mbi ahon ti so koli aye wali ti lo.

1 Agbia 11:2

Ando *KOTA GBIA atene na azo ti Israel: “Alingbi ala bongbi na awali ti amara ni so pepe, awali ni abongbi nga na ala pepe. Tongaso pepe, awali ni ayeke kiri na be ti ala, azo ti Israel titene ala voro anzapa ti ala.” Me Salomon amu be ti lo gi na ala, ngbanga ti so lo ye awali ni so.

Abia (Psaumes) 45:10

Amolenge-wali ti gbia ayeke kâ, ala yu aye ti pendere ti mo. Na mbage ti maboko ti mo ti koli, wali ti gbia aluti; lo yu aye ti pendere so ayeke na lôro ti nzoni ni.

Abia (Psaumes) 63:8

Biani, mo laa mo mu na mbi maboko; na gbe ti *kpangi ti mo, mbi dekongo na ngia.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Matthieu 19:6

Tongaso, ala yeke azo use mbeni pepe, me ala ga gi tere oko. Ye so Nzapa abongbi awe, alingbi zo akangbi ni pepe.”

Rome 12:9

Ala ye azo na be use pepe. Ala ke ye ti sioni na be ti ala oko, me ala mu tere ti ala kue na ye so ayeke nzoni.

1 Korente 6:16

Ala hinga pepe atene, zo so aduti na wali-ndumba, lo na wali ni aga tere oko? Mbeti ti Nzapa atene: “Fade ala use kue ayeke ga gi tere oko.”

1 Korente 7:2

Me ti sara si azo agi wali wala koli kirikiri pepe, ayeke nzoni koli oko oko ayeke na wali ti lo si wali oko oko ayeke na koli ti lo.

1 Korente 7:4

Wali ayeke na komandema na ndö ti tere ti lo wani pepe, me koli ti lo; koli nga ayeke na komandema na ndö ti tere ti lo wani pepe, me wali ti lo.

Efeze 5:31

Mbeti ti Nzapa atene: “Ndani laa, fade koli ayeke londo na gbe ti babâ na mama ti lo ti bongbi oko na wali ti lo si ala use kue ayeke ga gi tere oko.”

Ndia ti fani use ni 10:20

Alingbi ala kpe mbeto ti KOTA GBIA Nzapa ti ala, ala voro lo, ala ngba gi na tere ti lo, ala deba yanga ti ala gi na iri ti lo.

Ndia ti fani use ni 11:22

Biani, alingbi ala sara kue ti bata atënë ti ndia so kue mbi yeke fa na ala, ala sara ye alingbi na ni. Ala ye KOTA GBIA Nzapa ti ala, ala tambula na lege so kue lo ye, ala ngba gi na tere ti lo.

Ndia ti fani use ni 4:4

Me ala, azo so abata be ti ala na KOTA GBIA Nzapa ti ala, ala kue, ala ngba na fini laso.

1 Samuel 18:1

Gi so David ahunzi ti tene tënë na Saul awe, Jonatan aye David; lo ye David tongana ti so lo ye na tere ti lo wani.

1 Samuel 25:43

David amu wali kozoni awe; iri ti wali ni ayeke Ahinoam, zo ti gbata ti Yizreel. Lo na Abigail, ala use kue ayeke awali ti David.