Matthieu 19:4 - Mbeti ti Nzapa - Tënë so amu fini

⁴ Jésus akiri tënë na ala: “Ala diko tënë so Mbeti ti Nzapa atene so pepe? Na tongo nda ni, Nzapa so asara ye kue, lo sara koli na wali;

Matthieu 19:4 Iomraidhean Croise

Tongo nda ti aye 1:27

Nzapa asara zo, zo ni akpa Nzapa, lo sara zo ni akpa gi lo Nzapa. Lo sara ala, koli na wali.

Tongo nda ti aye 2:18

KOTA GBIA Nzapa atene: “Ayeke nzoni pepe titene zo aduti gi lo oko. Mbi yeke sara mbeni zo so alingbi na lo, ti mu maboko na lo.”

Tongo nda ti aye 2:23

Zo ni adekongo, atene: “Ti fadeso, so zo laa, lo yeke tongana mbi! Fade a yeke di iri ti lo wali ti koli, ngbanga ti so a mu lo na ya ti koli.”

Tongo nda ti aye 5:2

lo sara ala koli na wali. Lo sara tufa na ndö ti ala si lo di iri ti ala azo, na lango so lo sara ala.

2 Mbai 24:3

Yoyada amu awali use na Yoas. Yoas na awali ni adu amolenge-koli na amolenge-wali.

Malashii 2:15

Mbeni zo so li ti lo ayeke daa kete asara mara ti ye tongaso pepe. Gi mbeni zo oko si asara ando ni; me lo sara ni ngbanga ti nyen? Lo sara ni ngbanga ti so lo yeke gi ti wara molenge so Nzapa atene tënë ti mungo lo na lo so. Ala sara hange! Ala bata fini ti ala. Zo oko abuba lege ti mbuki ti lo na wali ti lo ti maseka pepe!

Matthieu 12:3

Jésus akiri tënë na ala: “Ye so David na azo so amu peko ti lo asara ando na ndembe so nzara agbu ala, ala diko tënë ni pepe?

Matthieu 21:42

Na pekoni, Jésus ahunda ala, atene: “Tënë so a su na ya ti Mbeti ti Nzapa so, ala diko ni laoko pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni. Ye so alondo na *Kota Gbia, ye ni ayeke ye ti kpene na le ti e!’”

Matthieu 21:6

Adisiple ague si ala sara ye so lo mu yanga na ala ti sarango ni.

Matthieu 22:31

Âdu tënë ti zingongo ti akuâ, ala diko tënë so Nzapa atene na ndö ni pepe? Lo tene:

Marc 12:10

Tënë so a su na ya ti Mbeti ti Nzapa so, ala diko ni pepe? Tënë ni atene: ‘Têne so azo ti sarango da ake ni, ni laa akiri aga ngangu têne ti gere ti da ni.

Marc 12:26

Âdu ti tënë ti zingongo ti akuâ, ala asadusien, ala diko tënë ni na ya ti buku so Moïse asu so pepe? So lani lo ma go ti Nzapa na ya ti kete keke ti ki, atene: ‘Mbi yeke Nzapa ti Abraham, Nzapa ti Isaac na Nzapa ti Jacob!’

Marc 2:25

Jésus akiri tënë na ala: “Ye so David asara ando na ndembe so nzara asara lo, lo na azo so amu peko ti lo si ala yeke na ye ti tengo ni pepe, ala diko tënë ni pepe?

Nzoni Tënë so Luc asu na mbeti 10:26

Jésus atene na lo: “Tënë ti nyen laa a su na ya ti mbeti ti *Ndia? Ti mo, nda ti tënë so mo diko so atene nyen?”

Nzoni Tënë so Luc asu na mbeti 6:3

Jésus akiri tënë na ala: “Ye so David asara ando na ndembe so nzara agbu lo, lo na azo so amu peko ti lo, ala diko tënë ni pepe?