Matthieu 19:28 - Mbeti ti Nzapa - Tënë so amu fini

²⁸ Jésus atene na ala: “Mbi tene na ala taa-tënë: na ndembe so ye kue ayeke kiri ti ga fini ni, fade *Molenge ti Zo ayeke duti na ndö ti mbata ti gonda ti lo ti Gbia. Ala baleoko na use so amu peko ti mbi, ala yeke duti na ndö ti ambata ti gbia baleoko na use titene ala fâ ngbanga ti amara baleoko na use ti Israel.

Matthieu 19:28 Iomraidhean Croise

1 Agbia 18:31

Lo mu têne baleoko na use alingbi na wungo ti amara baleoko na use ti Jacob. Ando tënë ti KOTA GBIA asi na Jacob, atene: “Fade iri ti mo ayeke duti Israel.”

2 Mbai 9:19

A sara nga alimo baleoko na use ti abamara so aluti na ndö ti eskalie, na ndo so a yeke bi gere daa ti ko na ndö ti mbata ni so: limo omene ti abamara ayeke na mbage ti maboko ti koli, omene na mbage ti maboko ti wali. Zo ade ti sara mara ti ye tongaso laoko pepe na ya ti mbeni kodro-gbia.

Esdras 6:17

Ndali ti matanga ni, ala mu na *sandaga akoli-bagara ngbangbo oko, akoli-taba ngbangbo use, amolenge ti taba ngbangbo osio. Ndali ti sandaga ti zingo siokpari na li ti ala, ala mu akoli-ngasa baleoko na use alingbi na wungo ti amara ti Israel.

Sigingo 15:27

Na pekoni, azo ti Israel asi na Elim. Kâ, ali ti ngu baleoko na use na akeke ti mburu balembarambara ayeke daa. Ala sara bâbâ ti ala kâ na tere ti ngu.

Sigingo 24:4

Moïse asu na mbeti atënë kue ti KOTA GBIA. Na pekoni, lo londo na kota ndaperere, lo leke mbeni gbalaka na gbe ti hoto ni; lo leke nga angbongboro têne baleoko na use aluti na nduzu ndali ti mara baleoko na use ti Israel.

Sigingo 28:21

Ala yeke kpaka iri ti amolenge ti Jacob baleoko na use na ndö ti têne oko oko, tongana ti so a yeke kpaka iri ti zo na ndö ti *ye ti kpongo na nzoroko. Fade wungo ti atêne ni ayeke lingbi na wungo ti amara baleoko na use ti Israel.

Ésaïe 65:17

Biani, mbi yeke sara fini yayu na fini sese. Aye so ahon awe so, zo ayeke kiri ti dabe ti lo na ni pepe, be ti zo ayeke kiri ti ti na ndö ni pepe.

Ésaïe 66:22

Biani, legeoko tongana fini yayu na fini sese so mbi sara ayeke ngba ti luti ngangu na dawa ti mbi, fade iri ti *ahale ti ala na ti ala wani ayeke ngba ti luti ngangu na dawa ti mbi; so tënë ti yanga ti KOTA GBIA laa.

Awayango-sandaga 24:5

“Mo mu nzoni farini, mo zö na gatoo baleoko na use; gatoo oko kilo omene, gatoo oko kilo omene.

Matthieu 16:27

Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 19:27

Tongaso Pierre amu tënë si lo tene: “Baa, e zia aye ti e kue si e mu peko ti mo! Ti e, ye ni ayeke ga ande tongana nyen?”

Matthieu 20:21

Jésus ahunda lo, atene: “Mo ye nyen?” Lo kiri tënë na Jésus: “Amolenge ti mbi so use so, na lango so mo yeke ga ti duti Gbia, ayeke nzoni mo mu yanga titene ala duti na tere ti mo, mbeni na mbage ti maboko ti mo ti koli si mbeni na mbage ti maboko ti mo ti wali.”

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

Matthieu 6:33

Ala gi lege ti *Kodro-gbia ti Nzapa kozoni, ala sara nga ye so ayeke mbirimbiri na le ti lo; fade lo yeke mu na ala tanga ti aye kue na ndö ni.

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Marc 10:37

Ala kiri tënë na lo: “Na lango so mo yeke duti ande na ndö ti mbata ti gonda ti mo ti gbia, ayeke nzoni mo zia e duti na tere ti mo, mbeni na mbage ti maboko ti mo ti koli, mbeni na mbage ti maboko ti mo ti wali.”

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

2 Timothée 2:12

tongana e gbu ngangu, fade e na lo kue, e yeke le-gbia; tongana e bere tënë ti lo, fade lo nga, lo yeke bere tënë ti e;

Josué 3:12

Fadeso ala soro azo baleoko na use na popo ti amara ti Israel, zo oko na ya ti mara oko.

2 Pierre 3:13

Me e yeke ku fini yayu na fini sese so Nzapa amu zendo ni; fade sarango ye ti mbirimbiri laa ayeke duti kâ.

Aye so Nzapa afa 11:16

*Akangba baleuse na osio so ayeke duti na ndö ti ambata ti gbia na dawa ti Nzapa akuku, akpo li ti ala na sese

Aye so Nzapa afa 12:1

Mbeni kota ye ti kpene asigigi na le ti nduzu: mbeni wali ayu lâ na tere ti lo tongana bongo, nze ayeke na gbe ti gere ti lo si lo yu na li ti lo mbeni kpoto ti gbia so a leke ni na atongoro baleoko na use.

Aye so Nzapa afa 20:4

Na pekoni, mbi baa ambata ti gbia. Azo so aduti na ndö ni, a mu na ala ngangu ti fâ ngbanga. Mbi baa nga yingo ti ala so azo afâ go ti ala ndali ti so ala sara ye alingbi gi na taa-tënë so Jésus afa nga na tënë ti Nzapa. Ala ke ti voro nyama ni wala limo so akpa nyama ni, ala yeke na nzoroko ti nyama ni na ndö ti le ti ala wala na ndö ti maboko ti ala pepe. Ala kiri na fini si ala na Christ abongbi ale-gbia na ya ti ngu saki oko.

Aye so Nzapa afa 21:5

Na pekoni, lo so ayeke duti na ndö ti mbata ti gbia atene: “Fadeso, mbi mu aye kue, mbi sara na fini ni.” Tongaso, lo tene na mbi: “Su tënë so na mbeti, ngbanga ti so atënë ni ayeke taa-tënë, zo alingbi ti zia be ti lo na ndö ni.”

Aye so Nzapa afa 22:2

Ngu ni asua, ahon na be ti balabala ti ya ti gbata ni. Na atere ti ngu ni, mbage na mbage, keke so ayeke mu fini na zo ayeke daa. Keke ni ayeke le fani baleoko na use na ya ti ngu oko, so ti tene nze na nze. Akugbe ti keke ni ayeke yoro ti kaingo na kobela na tere ti amara.

Aye so Nzapa afa 22:5

Ndo ayeke kiri ti vuko na ndo ni so pepe, azo ayeke ku zango ti lamba wala sungo ti lâ ti baa ndo na ni pepe, ngbanga ti so *Kota Gbia Nzapa ayeke su na ndö ti ala. Ala yeke le-gbia kpu na kpu.

Aye so Nzapa afa 3:21

“Zo so aso benda, fade mbi yeke mu na lo lege ti duti na tere ti mbi, na ndö ti mbata ti mbi ti gbia, tongana ti so mbi so benda si mbi duti na tere ti Babâ ti mbi na ndö ti mbata ti lo ti gbia so.

Aye so Nzapa afa 4:4

Na tere ti mbata ti gbia ni, ambeni mbata ti gbia baleuse na osio angoro ni kue. *Akangba baleuse na osio ayu vuru bongo si ala duti na ndö ti ambata ni. Ala yu akpoto ti gbia so a sara ni na lôro.

Aye so Nzapa afa 7:4

A fa na mbi wungo ti azo so kue a kpo nzoroko ti Nzapa na ndö ti le ti ala. Azo ni ayeke azo ti amara kue ti Israel, wungo ti ala ayeke saki ngbangbo oko na baleosio na osio.