Matthieu 19:13 - Mbeti ti Nzapa - Tënë so amu fini

¹³ Azo amu akete molenge aga na ala na Jésus titene lo zia maboko ti lo na ndö ti ala na ti sambela ndali ti ala, me adisiple asuku ngangu na azo ni.

Matthieu 19:13 Iomraidhean Croise

Tongo nda ti aye 48:1

Na peko ti aye so, azo atene na Joseph: “Baa, babâ ti mo ayeke na kobela.” Tongaso Joseph amu amolenge ti lo ti koli Manase na Efraim na tere ti lo si lo gue ti baa babâ ti lo.

Jérémie 32:39

Fade mbi yeke mu na ala be oko si lege ti sarango ye ti ala ayeke ga oko titene ala kpe mbeto ti mbi lakue. Tongaso si fade ala yeke baa nzoni, ala na amolenge ti peko ti ala.

Matthieu 16:22

Pierre amu Jésus, ague na lo yongoro kete si lo to nda ti suku na lo, lo tene: “*Kota Gbia Nzapa abata mo! Ye so mo tene tënë ni so ayeke si na mo pepe!”

Matthieu 19:12

Aye so asara si ambeni koli amu wali pepe ayeke nde nde: ambeni amu wali pepe, ngbanga ti so a du ala gi tongaso; ambeni amu wali pepe, ngbanga ti so azo asara si ala ga *ambaiwa; ambeni ake ti mu awali ndali ti *Kodro-gbia ti yayu. Zo so alingbi ti ma ya ti tënë so, ayeke nzoni lo ma ni!”

Matthieu 20:31

Gba ti azo ni kue asuku ngangu na ala titene ala kanga yanga ti ala, me ala kiri adekongo ngangu, atene: “Kota Gbia, Molenge ti David, baa mawa ti e!”

Awatokua 2:39

Biani, Nzapa amu zendo ni ndali ti ala, ndali ti amolenge ti ala nga ndali ti gba ti azo so kue ayeke na yongoro ndo, ala so kue fade Nzapa, Kota Gbia ti e ayeke iri ala.”

1 Korente 7:14

Biani, koli so ama na be pepe aga nduru na Nzapa na lege ti wali ti lo si wali so ama na be pepe aga nduru na Nzapa na lege ti koli ti lo. Tongana ye ni ayeke tongaso pepe, ka amolenge ti ala ayeke yongoro na Nzapa; andaa amolenge ni ayeke nduru na lo.

1 Samuel 1:24

Na pekoni so Anne azi molenge ni na me awe, lo gue na lo na da ti KOTA GBIA na Silo. Lo mu nga na tere ti lo koli-bagara ti ngu ota, kota sembe ti farini oko, na vin so lo zia na ya ti bozo ti poro ti nyama. Andaa na ndembe ni so, Samuel ade kete molenge.