Matthieu 18:7 - Mbeti ti Nzapa - Tënë so amu fini

⁷ So ayeke ye ti mawa mingi na azo ti dunia! Aye mingi ayeke daa so ayeke sara si azo azia lege ti mabe ti ala. Biani, aye ni so ayeke duti ande daa lakue, me mawa na zo so asara si aye ni asi!

Matthieu 18:7 Iomraidhean Croise

Tongo nda ti aye 13:7

Na ngoi ni so, andaa azo ti Kanaan na azo ti mara ti Perizi laa ayeke lango na ya ti kodro ni. Papa alondo na popo ti awabatango-nyama ti Abram na ala ti Lot.

2 Samuel 12:14

Me ye oko, mo bi buba na tere ti KOTA GBIA, nilaa molenge so a du lo na mo so ayeke kui.”

Matthieu 16:23

Me Jésus abaa ndo na peko si lo tene na Pierre: “Satan, hon kâ na tere ti mbi! Mo yeke gi ti kinda mbi, ngbanga ti so bango ndo ti mo ayeke tongana ti Nzapa pepe, me ayeke tongana ti zo.”

Matthieu 26:24

Fade *Molenge ti Zo ayeke kui gi tongana ti so Mbeti ti Nzapa atene tënë ni na ndö ti lo; me mawa na zo so ayeke ka ande Molenge ti Zo ni so! Ti zo ni so, tongana a du lo fade pepe, ka ayeke nzoni mingi!”

Marc 13:7

Ala azo ti mbi, tongana ala yeke ma tënë ti bira so aga nduru wala tënë ti bira so angba yongoro, ala sara mbeto pepe! Alingbi aye so asi, me so laa ayeke hunzingo ti aye kue pepe.

Nzoni Tënë so Luc asu na mbeti 17:1

Jésus atene na adisiple ti lo: “Aye so ayeke gboto azo ti sara siokpari ayeke duti daa lakue. Me mawa na zo so ahanda amba ti lo ti sara siokpari ni!

Jean 17:12

So mbi yeke lani na tere ti ala, mbi bata ala na lege ti ngangu ti iri ti mo so mo mu na mbi. Mbi bata ala si zo oko na popo ti ala agirisa pepe, gi lo so a yeke buba ande lo biani biani so, tongaso si tënë ti Mbeti ti Nzapa aga taa-tënë.

Awatokua 1:16

“A-ita, ye so Yingo-Vuru atene tënë ni na ya ti Mbeti ti Nzapa so, ayeke nzoni ye ni asi alingbi na ni. Yingo-Vuru atene tënë na ndö ti Judas na lege ti David; Judas so aga zo ti fango lege na azo ti gbungo Jésus so.

1 Korente 11:19

Ti tene taa-tënë, alingbi kangbi aduti na popo ti ala, tongaso si a hinga azo so na popo ti ala ayeke sara ye na legeni.

1 Timothée 6:1

Azo so kue ayeke na gbe ti ngbaa, alingbi ala kpe awa ti ala mingi, tongaso si mbeni zo awara lege ti zonga iri ti Nzapa wala fango ye ti e pepe.

Tite 2:5

ti sara ye ahon ndoni pepe, me na legeni, ti bata li ti ala nzoni, ti duti anzoni wali ti da, ti duti na nzerengo be, ti ma yanga ti akoli ti ala. Tongaso, fade mbeni zo ayeke zonga tënë ti Nzapa pepe.

Tite 2:8

Mo tene gi tënë so ayeke na legeni si zo alingbi ti kasa ni pepe, tongaso si wato agi tënë ti bi na li ti e gbaa si kamene agbu lo.

Jude 1:4

Biani, ambeni zo ti sioni ali na popo ti ala na hondengo ni; azo ni ayeke buba ya ti tënë ti nzoni be ti Nzapa ti e ti mu lege na ala wani ti sara aye ti potopoto ti ala. Ala ke tënë ti Jésus Christ, lo so lo yeke oko Makonzi ti e na *Kota Gbia ti e. Mbeti ti Nzapa atene tënë ti ngbanga so a fâ na li ti azo ni, ngbene ye aninga awe.

1 Samuel 2:17

Siokpari ti amolenge ti Heli ayeke kota mingi na le ti KOTA GBIA, ngbanga ti so ala yeke baa asandaga so azo ayeke mu na KOTA GBIA tongana senge ye na le ti ala.