Matthieu 18:28 - Mbeti ti Nzapa - Tënë so amu fini

²⁸ Zo ti kua ni asigigi si lo tengbi na mbeni mba ti lo; yongo ti lo ayeke ale ti nginza ngbangbo oko na li ti mba ti lo ni. Lo gbu go ti mba ti lo ni si lo to nda ti pete ni ngangu, lo tene: ‘Futa na mbi yongo ti mbi!’

Matthieu 18:28 Iomraidhean Croise

Néhémie 10:31

Tongaso, e mu zendo e tene, fade e yeke mu amolenge ti e ti wali na azo ti kodro ni pepe ti ga awali ti ala. E yeke soro amolenge-wali ti azo ti kodro ni pepe ti mu na amolenge ti e ti koli.

Néhémie 5:7

Tongaso mbi leke na be ti mbi ti suku na akota zo nga na amakonzi. Mbi tene na ala, mbi tene: “Ala yeke sara boon na a-ita ti ala si ala yeke hunda titene a-ita ti ala ni azia mbeni ye na ndö ni si akiri na ni na ala?” Na pekoni, mbi tisa azo ni na ya ti mbeni kota bongbi.

Amato 28:3

Mbeni kota zo so ye atia lo si lo yeke sara ngangu na awayere, lo yeke tongana ngu-Nzapa so abuba kobe ti yaka kue.

Ésaïe 58:3

Me ala tene na mbi, atene: ‘So mo yeke baa e pepe so, e yeke ke kobe ngbanga ti nyen? So mo hinga tënë ni pepe so, e yeke kanga nzara ti ya ti e ngbanga ti nyen?’ Tongaso, mbi kiri tënë, mbi tene: Andaa na lango so ala ke kobe, ala yeke sara akua so ala yeke baa nzoni na peko ni, ala yeke sara ngangu na azo ti kua ti ala,

Ezekiel 45:9

Tënë so Kota Gbia NZAPA atene ayeke so: “Ala amakonzi ti Israel, ala sara ye ni ahon ndoni awe! Ala zia ti sara ngangu na azo, ti nzi aye ti azo. Ala sara ye na legeni; ala fâ ngbanga mbirimbiri; ala zia ti mu ye ti azo ti mbi na ngangu. So tënë ti yanga ti Kota Gbia NZAPA laa.

Matthieu 18:27

Tongaso, gbia abaa mawa ti lo si lo zi yongo ni na li ti lo, lo zia lo ti gue.

Matthieu 18:29

Mba ti lo ni ati na gbe ti lo, avoro lo si atene na lo: ‘Ku mbi kete, fade mbi yeke futa na mo yongo ti mo!’

Matthieu 20:2

Lo na azo ti kua ni ama tere titene lo futa na ala nginza so a yeke mu na zo ndali ti kua ti lango oko. Na pekoni, lo tokua ala na yaka ti vinye ti lo ni.

Marc 14:5

A lingbi fade ti ka yombo so na ale ti nginza ngbangbo ota ti mu nginza ni na azo ti mawa!” Tongaso ala kasa wali so mingi.

Marc 6:37

Jésus akiri tënë na ala: “Ala wani amu kobe na azo ni ti te!” Me ala hunda lo, atene: “Mo ye e gue, e vo mapa alingbi na ale ti nginza ngbangbo use si e mu na ala ti te?”

Nzoni Tënë so Luc asu na mbeti 10:35

Na ndade ni, na hongo ti lo, lo sigigi na ale ti nginza use, lo mu na wa ti da ni si lo tene na lo: ‘Bata lo nzoni. Tongana mo zia mbeni nginza ti mo na ndö ti so ti vo na ye na lo, na kiringo ti mbi, fade mbi yeke kiri ni na mo.’ ”

Nzoni Tënë so Luc asu na mbeti 7:41

Jésus atene: “Mbeni zo ayeke daa, nginza ti lo ayeke na li ti azo use. Lo mu na mbeni zo ni ale ti nginza ngbangbo oku na boon si lo mu na mbeni ale ti nginza baleoku.

Jean 6:7

Philippe akiri tënë na lo: “Ataa e yeke na ale ti nginza ngbangbo use, so ayeke lingbi ande ti vo na kobe si zo oko oko awara kete ate?”

Ndia ti fani use ni 15:2

Lege ti zingo yongo ni ayeke tongaso: Tongana a to mbela na iri ti *KOTA GBIA tënë ti zingo yongo na li ti azo awe, zo so kue asara boon ti nginza na mba ti lo, zo ti Israel, fade lo yeke zia lege ti hundango boon ni. Lo yeke gbu mba ti lo ni, wala ita ti lo, zo ti Israel ni na ngangu pepe titene lo futa na lo yongo ni.