Matthieu 18:25 - Mbeti ti Nzapa - Tënë so amu fini

²⁵ Koli so ayeke na ye oko ti futango na yongo ti lo ni pepe. Tongaso gbia ni amu yanga titene a ka koli so, lo, wali ti lo, amolenge ti lo na aye so kue lo yeke na ni si a mu nginza ni ti futa na yongo ni.

Matthieu 18:25 Iomraidhean Croise

2 Agbia 4:1

Mbeni lâ, mbeni wali so koli ti lo ayeke na ya ti bongbi ti awayanga-Nzapa, aga ti baa Élisée si atene: “Koli ti mbi so ayeke lani zo ti kua ti mo, akui awe. Lo yeke kpe ando mbeto ti *KOTA GBIA mingi; mo hinga kue. Fadeso mbeni koli so boon ti lo ayeke na li ti e aga ti mu amolenge ti mbi use titene ala ga angbaa ti lo.”

Néhémie 5:5

Andaa e na azo ni kue, e yeke mara oko! Amolenge ti e na amolenge ti ala ayeke legeoko! Me ti e, a gbu e na ngangu titene e mu amolenge ti e ti koli na ti wali na ngbaa; ambeni molenge ti e ti wali aga nga angbaa ni awe. E yeke wara ti e ngangu na ndo wa ti kanga lege na ye ni, so ayaka ti e nga na ayaka ti vinye ti e aga ti azo ni awe so!”

Néhémie 5:8

Mbi tene na ala: “A-ita ti e azuife so a ka ala lani na amara nde, e laa e kiri e vo ala alingbi na nginza so e yeke na ni. Fadeso ala laa akiri ayeke ka a-ita ti ala? Ala ye ti ka ala taa na e amba ti ala, amolenge ti kodro?” Yanga ti ala ade sui, zo oko akiri azi yanga pepe.

Sigingo 21:2

Tongana ala vo mbeni ngbaa so ayeke hebro, fade lo sara kua na ya ti ngu omene. Na ngu mbarambara ni, lo lingbi ti sigigi senge, lo yeke futa mbeni ye oko pepe.

Sigingo 22:3

“Tongana a wara mbeni nyama na fini le ti lo na ndo ti zo ti nzi: bagara, lele, taba wala ngasa, alingbi zo ti nzi ni azia mbeni nyama na ndö ti so lo nzi so si lo kiri na ni.”

Ésaïe 50:1

Tënë so *KOTA GBIA atene ayeke so: “Ala tene: mbi tumba Jérusalem, mama ti ala. Me mbeti ti kangbingo tere ni ayeke na ndo wa? Ala fa ni na mbi! Ala tene nga: mbi ka ala na ngbaa ti futa boon na li ti mbi; zo wa laa mbi ka ala na lo, zo wa? Tongana a ka ala, ayeke ndali ti sioni ti ala; tongana a tumba mama ti ala, ayeke ndali ti ngangu li ti ala.

Awayango-sandaga 25:39

“Tongana mba ti ala aga wayere si lo ye ti ka tere ti lo na ala, alingbi ala mu na lo kua ti ngbaa pepe.

Matthieu 18:24

So lo to nda ti baa tënë ni, a mu mbeni zo ti kua ti lo aga na lo na lo; nginza ti lo ayeke na li ti zo ti kua ni kutu mingi.

Nzoni Tënë so Luc asu na mbeti 7:42

So ala yeke na nginza ti kiri na ni na lo pepe, lo zia nginza ni na ala use kue. Zo wa na popo ti azo use so si ayeke ye ande wa ti nginza so mingi?”