Matthieu 18:17 - Mbeti ti Nzapa - Tënë so amu fini

¹⁷ Tongana lo ke ti ma ala, mo fa peko ti tënë ni na azo ti *Eglize. Tongana lo ke ti ma azo ti Eglize, mo baa lo tongana zo so ahinga Nzapa pepe, wala tongana zo ti rongo nginza ti lapo.

Matthieu 18:17 Iomraidhean Croise

Esdras 6:21

Tongaso, azo ti Israel so alondo na kodro wande akiri, ala kue ate kobe ti Pake legeoko na azo so angba na kodro, ala so azia lani lege ti sarango ye ti akotara ti amara nde ti sese ni so aga *sioni so. Azo ni abongbi oko na a-ita ti ala, atanga ti azuife ti voro *KOTA GBIA Nzapa ti Israel.

Ezekiel 11:12

Tongaso, fade ala yeke hinga atene, mbi laa mbi yeke KOTA GBIA, mbi so ala ke ti sara ye alingbi na aye so mbi fa, ala ke ti sara ye alingbi na atënë ti ndia ti mbi. Me ala mu gi peko ti lege ti sarango ye ti amara nde so angoro ala.”

Matthieu 10:3

Philippe na Barthélemy; Thomas na Matthieu so lo yeke zo ti rongo nginza ti lapo; Jacques, molenge ti Alfe na Tade;

Matthieu 11:19

*Molenge ti Zo aga, lo yeke te, lo yeke nyon, me azo atene: ‘Ala baa, koli so ayeke gbongo ti kobe si lo yeke nyon samba mingi! Lo ye tënë ti azo ti rongo nginza ti lapo na ti azo ti siokpari!’ Me ndara so alondo na Nzapa, zo ayeke hinga atene, ayeke mbirimbiri ndara gi na lege ti ye so ndara ni asara.”

Matthieu 5:46

Tongana ala ye gi azo so aye ala, nzoni ye ti nyen laa ala yeke wara na pekoni? Azo ti rongo nginza ti lapo ayeke sara nga gi tongaso pepe?

Matthieu 6:7

“Tongana ala yeke sambela, ala diko gba ti atënë pepe tongana ti azo so ahinga Nzapa pepe: azo ni abaa ti ala atene, na lege ti dikongo gba ti atënë si fade Nzapa ayeke ma ala.

Nzoni Tënë so Luc asu na mbeti 15:1

Azo ti rongo nginza ti lapo na azo ti siokpari aga nduru na tere ti Jésus ti ma lo.

Nzoni Tënë so Luc asu na mbeti 18:11

Farizien ni aluti ti lo lutingo si lo yeke sambela na ya ti be ti lo, lo tene: ‘Mbi mu singila na mo, Nzapa, ngbanga ti so mbi yeke tongana tanga ti azo kue pepe. Ala yeke ti ala azo ti nzi, azo ti kirikiri, azo ti gingo awali wala akoli ti azo. Mbi yeke nga tongana zo ti rongo nginza ti lapo so pepe.

1 Korente 5:9

Na ya ti mbeti so mbi tokua na ala kozoni, mbi tene: “Azo so ayeke gi wali wala koli kirikiri so, ala sara songo na ala pepe.”

1 Korente 6:1

Na popo ti ala, tongana mbeni zo ayeke na tënë na mba ti lo, ngbanga ti nyen laa lo yeke gue na tënë ni ngbii na gbe ti azo so ahinga Nzapa pepe so? Lo lingbi fade ti gue na ni na gbe ti azo ti Nzapa pepe?

2 Tesalonike 3:6

A-ita, e hunda na ala na iri ti *Kota Gbia Jésus Christ ti kpe lege ti a-ita so kue ayeke azo ti sopo, so sarango ye ti ala ayeke nde na tënë so e fa na ala kozoni so.

1 Timothée 6:5

na bingbingo tënë so ayeke kai hio pepe; aye ni so ayeke londo lakue na popo ti azo so gbungo-li ti ala aga sioni awe, ala hinga taa-tënë oko pepe. Ala baa ti ala atene, gbungo tënë ti Nzapa ngangu ayeke mbeni lege ti warango mosoro.

Josué 22:15

Ala gue na sese ti Galaad, na mbage ti azo ti mara ti Ruben, ti Gad na ti ndambo ti mara ti Manase si ala tene na ala, atene: