Matthieu 18:15 - Mbeti ti Nzapa - Tënë so amu fini

¹⁵ “Tongana ita ti mo asara siokpari ti ke mo, mo gue, mo baa lo; mo na lo aduti use si mo fa na lo sioni ti lo. Tongana lo ma mo, andaa mo kiri na ita ti mo na nzoni lege awe.

Matthieu 18:15 Iomraidhean Croise

Abia (Psaumes) 141:5

Tongana zo ti mbirimbiri apika mbi, andaa lo sara nzoni be na mbi laa. Tongana lo suku na mbi, andaa nzoni mafuta laa lo tuku na li ti mbi, mbi lingbi ti ke ni pepe. Me mbi yeke ngba ti sambela, ataa so ala yeke sara sioni na mbi.

Amato 11:30

Sarango ye ti zo ti mbirimbiri ayeke tongana keke so ayeke mu fini na zo. Zo so ayeke na ndara, fade lo yeke woko be ti azo titene ala mu peko ti lo.

Awayango-sandaga 19:17

“Be ti ala ake ita ti ala pepe, me ala suku na zo ti kodro ti ala, tongaso si sioni ti lo ati na li ti ala pepe.

Matthieu 18:14

Tongaso nga, Babâ ti ala so ayeke na yayu aye titene mbeni oko na popo ti amolenge so agirisa pepe.”

Matthieu 18:21

Tongaso Pierre ague nduru na tere ti Jésus si lo hunda lo: “*Kota Gbia, tongana ita ti mbi asara sioni na mbi, fade mbi yeke zi tënë ni na li ti lo fani oke? Fani mbarambara?” –

Matthieu 18:35

Ti hunzi na ni, Jésus atene na ala: “Fade Babâ ti mbi so ayeke na yayu ayeke sara na ala oko oko kue tongaso, tongana ala zi tënë na li ti amba ti ala pepe.”

Rome 12:21

Mo zia sioni ye ahon ndö ti mo pepe; me mo hon ndö ti sioni ye na lege ti sarango nzoni ye.

1 Korente 8:12

So ala yeke sara siokpari tongaso na tere ti a-ita ti ala si ala yeke buba tënë ti be ti a-ita ti ala so akpengba pepe so, andaa ala sara siokpari ti ke Christ.

2 Korente 7:12

Ndali ti zo so asara sioni na mba ti lo wala lo so mba ti lo asara sioni na lo laa mbi su mbeti so na ala pepe; me mbi su ni ti fa na le ti Nzapa so, ala yeke azo so ayeke baa lege ti e hio.

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

Kolose 3:13

Ala kanga be na amba ti ala na popo ti ala. Tongana mbeni zo ayeke na tënë na mba ti lo, ala zi tënë na li ti amba ti ala na popo ti ala, tongana ti so Christ azi tënë na li ti ala; ala nga, ala sara tongaso!

1 Tesalonike 4:6

Na ya ti tënë so, ayeke nzoni zo oko asara mbeni ye ti songo be wala ye ti kirikiri na mba ti lo pepe. E tene tënë so na ala awe, e gboto mê ti ala na ndö ni awe: azo so asara mara ti asioni ye tongaso, fade Kota Gbia ayeke zia peko ni angba senge pepe.

2 Tesalonike 3:15

Ye oko, ala baa lo tongana wato ti ala pepe, me ala mu wango na lo tongana ti so ala yeke sara fade na mbeni ita, zo ti Christ.

Tite 3:10

Zo so ayeke ga na kangbi na ya ti Eglize, mo gboto mê ti lo kozoni. Tongana lo ngba daa, mo kiri mo gboto mê ti lo ti fani use. Na pekoni, tongana lo ma mo pepe, mo zia lo na gigi.

1 Pierre 3:1

Awali, ala nga, ala ma yanga ti akoli ti ala. Tongaso, fade ambeni koli so ake ti ma na be na tënë ti Nzapa alingbi ti ma na be ndali ti sarango ye ti ala. Ataa so ala, awali ni, ala tene tënë ti Nzapa na akoli ti ala pepe,