Matthieu 18:12 - Mbeti ti Nzapa - Tënë so amu fini

¹² “Ti be ti ala, tongana mbeni zo ayeke na ataba ngbangbo oko si mbeni oko agirisa, lo yeke zia atanga ni balegumbaya na gumbaya na li ti hoto ti gue ti gi lo so agirisa so pepe?

Matthieu 18:12 Iomraidhean Croise

1 Agbia 21:17

Tënë ti *KOTA GBIA asi na Élie, zo ti gbata ti Tishebe, atene:

Abia (Psaumes) 119:176

Mbi gue kirikiri tongana taba so agirisa; ayeke nzoni mo gi mbi, zo ti kua ti mo, ngbanga ti so mbi girisa atënë ti ndia ti mo pepe.

Ésaïe 53:6

E kue, e yeke lani tongana ataba so akangbi kirikiri, zo oko oko amu lege ti lo wani. Me KOTA GBIA asara si asioni ti e kue ati na ndö ti lo.

Jérémie 50:6

Azo ti mbi ayeke lani tongana ataba so agirisa awe. Awabatango ala asara si ala girisa lege, ala zia ataba ni atambula kirikiri na li ti ahoto. Ataba ni alondo na li ti mbeni hoto asi na li ti mbeni kete hoto, ala girisa ndo ti lango ti ala.

Ezekiel 34:12

Legeoko tongana ti so mbeni wabatango-taba ayeke na popo ti ataba ti lo so akangbi kirikiri, lo yeke baa ndo na ndö ti ala, mbi nga, fade mbi yeke baa ndo na ndö ti ataba ti mbi. Mbi yeke zi ala na ando so kue ala kangbi kirikiri daa, na lango so mbinda asara si ndo avuko vukongo.

Ezekiel 34:16

Taba so agirisa, fade mbi yeke gi lo; lo so agirisa lege, mbi yeke kiri na lo na ndö ti lege; lo so awara ka, mbi yeke kanga ka ni; lo so ayeke na kobela, mbi yeke sara titene lo wara ngangu. Me taba so akono konongo, lo so ayeke na ngangu, mbi yeke fâ lo. Mbi yeke gi kobe ndali ti ataba ti mbi na legeni.”

Ezekiel 34:28

Amara nde ayeke kiri ti nzi aye ti ala pepe, asioni nyama ayeke kiri ti te ala pepe. Ala yeke duti na siriri, zo oko ti zia mbeto na be ti ala ayeke daa pepe.

Ezekiel 34:4

Ataba so awoko, ala sara pepe titene ataba ni awara ngangu; ataba so ayeke na kobela, ala kai kobela na tere ti ala pepe; ataba so awara ka, ala kanga ka ni pepe; ataba so agirisa lege, ala kiri na ala na ndö ti lege pepe; ataba so agirisa, ala gi ala pepe. Me ala sara komandema na ndö ti ataba ni na ngangu, ala sara ngangu mingi na ala.

Ezekiel 34:6

Ataba ti mbi ahon kirikiri na ndö ti akota hoto kue nga na ndö ti akete hoto kue; ataba ti mbi akangbi kirikiri, mbage na mbage na ndö ti sese kue. Zo oko ti baa tënë ti ala ayeke daa pepe; zo oko ti gi ala ayeke daa pepe.

Matthieu 12:11

Jésus akiri tënë na ala: “Tongana mbeni zo na popo ti ala ayeke na taba oko si taba ni ati na ya ti kota du na lango ti wungo tere, fade lo yeke gue ti gboto lo ti sigigi na lo pepe?

Matthieu 18:13

Mbi tene na ala taa-tënë: tongana lo wara lo, fade ngia ti be ti lo ndali ti taba oko so ayeke hon ngia so lo yeke na ni ndali ti ataba balegumbaya na gumbaya so agirisa pepe so.

Matthieu 21:28

Jésus akiri atene: “Ala baa tënë so tongana nyen? Mbeni koli ayeke na amolenge-koli use. Lo tene na kozo molenge ni: ‘Molenge ti mbi, laso, mo gue, mo sara kua na yaka ti *vinye ti mbi.’

Matthieu 22:42

“Ti be ti ala, ala tene nyen na ndö ti *Mesii? Lo yeke molenge ti zo wa?” Ala kiri tënë na lo: “Lo yeke Molenge ti David.”

1 Korente 10:15

Mbi yeke tene tënë so na ala tongana azo ti hingango ndo. Ala wani agbu li ti ala na ndö ti tënë so mbi tene so.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.