Matthieu 18:10 - Mbeti ti Nzapa - Tënë so amu fini

¹⁰ “Ala sara hange si ala baa mbeni molenge oko na popo ti amolenge so tongana mbumbuse zo pepe! Mbi tene na ala so *a-ange ti amolenge so ayeke kâ na yayu, ala yeke luti lakue na le ti Nzapa, Babâ ti mbi so ayeke na yayu. [

Matthieu 18:10 Iomraidhean Croise

2 Samuel 14:28

Absalom asara ngu use na Jérusalem, lo si na dawa ti gbia pepe.

1 Agbia 22:19

Mishe atene: “Mo ma tënë so KOTA GBIA atene! Mbi baa KOTA GBIA aduti na ndö ti mbata ti lo ti gbia; ala so kue ayeke na yayu aluti na tere ti lo, ambeni na mbage ti maboko ti lo ti koli, ambeni na mbage ti maboko ti lo ti wali.

Esther 1:14

Azo ni ayeke azo tongana: Karshena, Shetar, Admata, Tarsis, Meres, Marsena na Memukan; ala laa ayeke lakue nduru na tere ti lo; ala laa ayeke akota zo mbarambara ti Perse na ti Medii; ala yeke azo so lo yeke ma ka ala mingi, ala laa ayeke duti na kozo ndo na ya ti kodro ni.

Abia (Psaumes) 15:4

Zo so Nzapa ake tënë ti lo, na le ti lo, lo baa zo ni tongana mbumbuse zo, me lo yeke ne zo so ayeke kpe mbeto ti KOTA GBIA. Tongana lo mu zendo ti sara mbeni ye, ataa so zendo ni ayeke ga na kpale na tere ti lo, lo yeke sara ni.

Abia (Psaumes) 17:15

Ti mbi, fade mbi yeke baa le ti mo, ngbanga ti so mbi yeke mbirimbiri. Tongana mbi zingo na lango, mbi yeke baa le ti mo, mbi yeke baa ni ngbii be ti mbi ade.

Abia (Psaumes) 34:7

Zo ti mawa adekongo, KOTA GBIA ama lo si lo zi lo na ya ti aye ti ngangu kue.

Abia (Psaumes) 91:11

ngbanga ti so fade KOTA GBIA ayeke mu yanga na *a-ange ti lo ti bata mo na ndo so kue mo yeke gue daa.

Zakarii 13:7

So tënë ti yanga ti *KOTA GBIA so ayeke na ndö ti dunia kue laa: “Yongoro zeme, londo mo gue na tere ti wabatango-taba ti mbi nga na tere ti mba ti mbi so ayeke mu maboko na mbi! Fâ wabatango-taba ni si ataba ni akangbi kirikiri, mbi yeke kiri ti pika akete taba ni.”

Matthieu 1:20

Na ndembe so lo ngba ti gbu li ti lo, mbeni *ange ti *Kota Gbia asi na lo na ya ti bango-li si atene na lo: “Joseph, molenge ti David, mo sara mbeto ti mu wali ti mo Marie pepe, ngbanga ti so molenge so ayeke na ya ti lo aga na lege ti Yingo-Vuru.

Matthieu 12:20

Sosongo so a do ni na sese awe, lo yeke fâ ni pepe; lamba so wâ ni aye ti mingo, lo yeke mingo ni pepe, ngbii lo sara si ye ti mbirimbiri aso benda.

Matthieu 18:14

Tongaso nga, Babâ ti ala so ayeke na yayu aye titene mbeni oko na popo ti amolenge so agirisa pepe.”

Matthieu 18:6

“Zo so asara si oko ti akete molenge so ama na be na mbi ati na ya ti siokpari, ayeke nzoni a kanga kota têne na go ti lo si a bi lo na gbe ti kota ngu-ingo.

Matthieu 2:13

Na peko ti so azo ti gingo nda ti atongoro ni amu lege ague awe, mbeni *ange ti *Kota Gbia asi na Joseph na ya ti bango-li. Lo tene na Joseph: “Londo, mu molenge ni, lo na mama ti lo, ala kpe ague na Ezipte, aduti kâ! Tongana mbi mu yanga na mo ti kiri si mo kiri, ngbanga ti so Herode ayeke gi lege ti fâ molenge ni.”

Matthieu 2:19

So Herode akui awe, *ange ti *Kota Gbia asi na Joseph na ya ti bango-li kâ na Ezipte.

Matthieu 24:31

Kota tatalita ayeke toto si Molenge ti Zo ayeke tokua *a-ange ti lo na ndö ti sese kue titene ala gue, abongbi azo so lo soro ala.”

Nzoni Tënë so Luc asu na mbeti 1:19

Ange ni akiri tënë na lo: “Mbi yeke Gabriel, mbi yeke luti na le ti Nzapa ti sara na lo. Lo tokua mbi ti tene tënë na mo, ti tene nzoni tënë so na mo.

Nzoni Tënë so Luc asu na mbeti 10:16

Jésus akiri atene na adisiple ti lo: “Zo so ama tënë ti ala, andaa lo ma tënë ti mbi; zo so ake ala, andaa lo ke mbi; zo so ake mbi, andaa lo ke lo so atokua mbi.”

Nzoni Tënë so Luc asu na mbeti 16:22

Mbeni lâ, zo ti mawa so akui si *a-ange ayo lo, ague na lo na tere ti Abraham. Zo ti mosoro ni akui nga si a lu lo.

Awatokua 10:3

Mbeni lâ, na ngbonga ota ti peko ti bekombite, mbeni *ange ti Nzapa asi na lo na ya ti mbeni ye tongana bango-li si lo baa ni mbirimbiri. Ange ni airi lo, atene: “Corneille!”

Awatokua 12:15

Ala tene na lo: “Mbeni ye asara li ti mo!” Me lo ngba gi ti tene na ala so ye ni ayeke taa-tënë. Tongaso ala kiri tënë, atene: “So ange ti lo laa.”

Awatokua 12:23

Mo ye ti baa, *ange ti *Kota Gbia abi kobela na tere ti Herode, ngbanga ti so lo gonda Nzapa pepe: angusu ate lo si lo kui.

Awatokua 27:23

Na bi so, mbeni *ange ti Nzapa ti mbi, so mbi yeke sara na lo, asi na mbi

Awatokua 5:19

Me na bi ni, mbeni *ange ti *Kota Gbia azi yanga ti da ti kanga ni, lo mu awatokua ni, lo sigigi na ala si lo tene na ala:

Rome 14:10

Me mo, mo yeke kasa mba ti mo ngbanga ti nyen? Mo yeke baa amba ti mo tongana azo ti buba ngbanga ti nyen? Fade e oko oko kue, e yeke luti na le ti Nzapa titene lo fâ ngbanga ti e.

Rome 14:21

Ye so ayeke nzoni ayeke titene mo te nyama pepe, mo nyon samba pepe, so ti tene mo ke ti sara ye so kue ita ti mo alingbi ti pika gere ti lo daa ti ti na ya ti siokpari.

Rome 15:1

E so e yeke na ngangu, alingbi tënë ti azo so ayeke na ngangu pepe agbu be ti e si e sara na ala na ndo so ala yeke gi be ti ala daa. Alingbi e gi pepe gi ye so anzere na e wani.

1 Korente 11:22

Ala yeke na ada ti ala titene ala te si ala nyon na ya ni pepe? Wala ala baa *Eglize ti Nzapa na le ti ala tongana buba ye? Ala ye ti zia kamene na le ti azo so ayeke na ye pepe so? Fade mbi yeke tene na ala nyen? Mbi gonda ala? Oko pepe! Mbi yeke gonda ala na ndö ti tënë so pepe.

1 Korente 16:11

Alingbi zo oko abaa lo tongana senge zo pepe. Ala mu na lo maboko titene lo kiri na tere ti mbi na siriri, ngbanga ti so mbi na a-ita e yeke ku lo.

1 Korente 9:22

Tongana mbi yeke na popo ti azo so mabe ti ala akpengba pepe, mbi yeke sara ye tongana zo so mabe ti lo akpengba pepe. Mbi sara tongaso ti wara azo so mabe ti ala akpengba pepe. Tongana mbi yeke na popo ti azo kue, mbi yeke sara ye tongana azo kue titene mbi sara kue ti soo ambeni na popo ti ala.

2 Korente 10:1

Mbi Paul, mbi wani, mbi yeke hunda na ala mbeni ye na iri ti Christ, lo so lo yeke sara ye na nzoni be, me na ngangu pepe. Azo ayeke tene: tongana mbi yeke na popo ti ala, mbi yeke zo so ade mingi, me tongana mbi yeke yongoro na ala, mbi yeke so na ndö ti ala mingi.

2 Korente 10:10

Biani, ambeni zo atene: “Atënë ti ya ti ambeti ti Paul ane mingi si ayeke nga ngangu mingi; me tongana Paul ayeke na popo ti e, lo yeke na ngangu pepe si tënë ti yanga ti lo ayeke ye oko pepe.”

Galasii 6:1

Ala, a-ita so Yingo ti Nzapa ayeke fa lege na fini ti ala, tongana ala baa mbeni zo na sarango ye ti sioni, ayeke nzoni na wokongo be, ala kiri na zo ni na nzoni lege. Ita ti mbi, sara hange si mo nga, mbeni ye atara be ti mo pepe!

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

1 Timothée 4:12

Mo zia mbeni zo abaa mo tongana molenge pepe; me mo ga tapande ti azo so ama na be na lege ti tenengo tënë ti mo, sarango ye ti mo, ndoye ti mo, mabe ti mo na vurungo be ti mo.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Aye so Nzapa afa 8:2

Na pekoni, mbi baa *a-ange mbarambara so ayeke luti na le ti Nzapa; a mu tatalita mbarambara na ala.