Matthieu 17:7 - Mbeti ti Nzapa - Tënë so amu fini

⁷ Jésus aga nduru na tere ti ala, lo ndu ala si lo tene na ala: “Ala londo, mbeto asara ala pepe!”

Matthieu 17:7 Iomraidhean Croise

Daniel 10:10

Tongaso, mbeni maboko andu mbi si ayo mbi, mbi luti na ndö ti likunu ti mbi nga na ndö ti maboko ti mbi; tere ti mbi ayeke do.

Daniel 10:18

Biaku, ye so akpa zo so akiri andu mbi si mbi kiri mbi wara ngangu.

Daniel 8:18

So Gabriel angba ti tene tënë na mbi, le ti mbi ayeke gi na sese si mbi hon na ndö ti yingo ti mbi. Lo ndu mbi si lo yo mbi na nduzu na ndo so mbi yeke daa.

Daniel 9:21

So mbi ngba ti sambela, Gabriel, koli so mbi baa lo na ya ti kozo ye tongana bango-li so, ahuru hio na le ti nduzu si asi nduru na tere ti mbi. Lo si na tere ti mbi na ndembe so a yeke mu *sandaga ti peko ti bekombite.

Matthieu 14:27

Gi na pekoni, Jésus atene na ala: “Ala de be ti ala, so mbi laa! Mbeto asara ala pepe!”

Matthieu 17:6

So adisiple ama go so, mbeto ahon ndö ti ala, ala ti na sese si ala honde le ti ala.

Matthieu 17:8

Ala yo le ti ala na nduzu, ala baa mbeni zo pepe, gi Jésus oko.

Nzoni Tënë so Luc asu na mbeti 24:5

Mbeto agbu awali ni, ala bi le ti ala na sese si akoli use so atene na ala: “Ngbanga ti nyen si ala yeke gi zo so ayeke na fini na popo ti akuâ?

Awatokua 9:6

Me mo londo, mo li na ya ti gbata ni. Kâ, fade a yeke fa na mo ye so mo lingbi ti sara.”

Aye so Nzapa afa 1:17

So mbi baa lo, mbi ti na gbe ti lo tongana zo so akui awe. Me lo zia maboko ti lo ti koli na ndö ti mbi si lo tene: “Sara mbeto pepe! Mbi yeke lo so lo yeke kozo ni na lo so lo yeke ndangba ni,