Matthieu 17:6 - Mbeti ti Nzapa - Tënë so amu fini

⁶ So adisiple ama go so, mbeto ahon ndö ti ala, ala ti na sese si ala honde le ti ala.

Matthieu 17:6 Iomraidhean Croise

1 Mbai 21:16

David ayo le ti lo na nduzu si lo baa ange ti KOTA GBIA so ayeke luti na popo ti yayu na sese. Ange ni agbu na maboko ti lo yongoro zeme so a zi na ya ti bozo ni, lo yoro ni na mbage ti Jérusalem. David na *akangba ayu bongo ti mua, ala ti akpo li ti ala na sese.

Ezekiel 3:23

Tongaso, mbi londo mbi gue na popo-hoto. Gonda ti KOTA GBIA ayeke kâ; gonda ni ayeke tongana gonda so mbi baa na ndembe so mbi yeke na yanga ti *bale ti Kebar. Tongaso mbi ti, mbi kpo li ti mbi na sese.

Ezekiel 43:3

Ye so mbi baa na ya ti mbeni ye tongana bango-li so akpa ye so ando mbi baa tongana *KOTA GBIA aga ti buba Jérusalem; akpa ye so mbi baa na ngoi so mbi yeke na tere ti *bale ti Kebar. Tongaso, mbi kuku, mbi kpo li ti mbi na sese.

Daniel 8:17

Gabriel aga na tere ti mbi na ndo so mbi yeke daa so. Mbeto agbu mbi mingi tongana lo yeke ga nduru na mbi. Mbi ti mbi kpo li ti mbi na sese. Me lo tene na mbi, lo tene: ‘Daniel, mo yeke gi senge zo. Ayeke nzoni mo hinga, mo tene, ye so mo baa na ya ti mbeni ye tongana bango-li so abaa tënë ti lango ti ndani.’

Awayango-sandaga 9:24

Mbeni wâ asigigi na dawa ti KOTA GBIA si agbi sandaga so a yeke gbi ni kue na wâ nga na akasa ti mafuta so ayeke na ndö ti gbalaka ni. Azo kue abaa ni, ala dekongo na ngia si ala ti akpo li ti ala na sese.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 17:7

Jésus aga nduru na tere ti ala, lo ndu ala si lo tene na ala: “Ala londo, mbeto asara ala pepe!”

Awatokua 22:7

Mbi ti na sese si mbeni go atene na mbi: ‘Saul, Saul, mo yeke sara ngangu na mbi ngbanga ti nyen?’

Awatokua 26:14

E kue, e ti na sese si mbi ma mbeni go so ayeke tene tënë na yanga ti *arameen, atene: ‘Saul, Saul, ngbanga ti nyen laa mo yeke sara ngangu na mbi? Mo yeke sara sioni na tere ti mo tongana nyama so akpo tere ti lo na yanga ti keke ti wa ti lo!’

2 Pierre 1:18

Go so alondo na yayu so, e wani, e ma ni na ndembe so, e na Christ, e yeke na li ti hoto so ayeke nde si ayeke nzoni kue.

Awafango-ngbanga 13:20

menga ti wâ alondo na ndö ti gbalaka so a zia sandaga ni daa so ague na nduzu. Ange ti KOTA GBIA ayeke hon na nduzu na ya ti menga ti wâ ni. So Manoa na wali ti lo abaa ye ni tongaso, ala ti akpo li ti ala na sese.

Awafango-ngbanga 13:22

Manoa atene na wali ti lo: “Ti so ni, fade e yeke kui kue, ngbanga ti so e baa Nzapa awe.”