Matthieu 17:5 - Mbeti ti Nzapa - Tënë so amu fini

⁵ So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 17:5 Iomraidhean Croise

Mbeti ti Job 38:1

*KOTA GBIA akiri tënë na Job na ya ti ngangu pupu, lo tene:

Abia (Psaumes) 81:7

“Mbi zi nengo kungba na ndö ti go ti mo awe, mo zia ti yo nengo sakpa awe.

Sigingo 19:19

Toto ti adidi ni akiri ague guengo na nduzu. So Moïse ayeke tene tënë, Nzapa ayeke kiri tënë na lo na ya ti toto ti bekpa.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 42:21

Ndali ti mbirimbiri ti lo wani, KOTA GBIA aye ti fa so *Ndia ti lo ayeke kota si ayeke pendere mingi.

Matthieu 12:18

“Baa, zo ti kua ti mbi laa, lo so mbi soro lo, lo so mbi ye lo mingi, lo so be ti mbi anzere na lo mingi. Mbi yeke zia Yingo ti mbi na ndö ti lo si lo yeke fa lege ti sarango ye ti mbirimbiri na amara nde.

Matthieu 17:6

So adisiple ama go so, mbeto ahon ndö ti ala, ala ti na sese si ala honde le ti ala.

Matthieu 3:17

Mbeni go alondo na yayu si atene: “So ayeke Molenge ti mbi so mbi ye lo mingi, be ti mbi anzere na lo mingi.”

Marc 1:11

Mbeni go alondo na yayu, atene: “Mo yeke Molenge ti mbi so mbi ye mo mingi; be ti mbi anzere na mo mingi.”

Marc 9:7

Mbeni mbinda aga amu ndö ti ala kue. Na ya ti mbinda ni, mbeni go atene: “So ayeke Molenge ti mbi so mbi ye lo mingi. Ala ma yanga ti lo!”

Nzoni Tënë so Luc asu na mbeti 3:22

Yingo-Vuru azu na ndö ti lo tongana *mbipa. Mbeni go alondo na yayu, atene: “Mo yeke Molenge ti mbi so mbi ye mo mingi, be ti mbi anzere na mo mingi.”

Jean 3:16

Biani, Nzapa aye azo ti dunia so mingi si lo mu gi oko Molenge ti lo titene zo so ama na be na lo alingbi ti kui pepe, me lo yeke na fini so angba lakue lakue.

Jean 3:35

Babâ aye Molenge ni si lo zia ye kue na maboko ti lo.

Jean 5:37

Babâ so atokua mbi ayeke tene nga tënë na ndö ti mbi. Ala de ti ma go ti lo laoko pepe, ala de ti baa nga le ti lo laoko pepe.

Awatokua 1:9

Na peko ti tënë so, lo londo ti gue na yayu, ala ngba ti baa peko ti lo, me mbeni mbinda ahonde lo na le ti ala.

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Efeze 1:6

Ayeke nzoni e sepela gonda ti Nzapa ndali ti anzoni ye so lo mu na e gbani gbani na nzoni be na lege ti molenge ti lo so lo ye lo mingi.

Ndia ti fani use ni 18:15

Fade KOTA GBIA Nzapa ti ala ayeke sara titene mbeni wayanga-Nzapa tongana mbi, abaa gigi na popo ti ala; lo yeke duti mbeni ita ti ala. Fade ala yeke ma yanga ti lo!

Ndia ti fani use ni 18:19

Tongana mbeni zo ake ti ma tënë so wayanga-Nzapa ni ayeke tene na iri ti mbi, fade mbi wani, mbi yeke hunda zo ni ngbanga ti tënë ni.

Ndia ti fani use ni 5:22

So ayeke atënë so KOTA GBIA atene na ala na kota go, na ya ti wâ, na ya ti guru ti wâ nga na ya ti ngbongboro mbinda. Lo tene atënë ni na ala so kue abongbi na gbe ti hoto; lo zia mbeni tënë nde na ndö ni pepe. Na pekoni, lo su atënë ni na le ti akpangbara têne use si lo mu ni na mbi.

Kolose 1:13

Nzapa azi e na gbe ti ngangu ti makonzi ti vukongo ndo si lo zia e na ndo so Molenge ti lo so lo ye lo mingi ayeke gbia daa.

Ahebro 5:9

So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 14:14

Mbi kiri mbi baa ndo, mbi baa mbeni vuru mbinda. Lo so lo duti na ndö ti mbinda ni akpa zo. Lo yu kpoto ti gbia so a sara ni na lôro, lo gbu mbeni nzenze ti fango na ale ti kobe na maboko ti lo; yanga ti nzenze ni aza mingi.