Matthieu 17:27 - Mbeti ti Nzapa - Tënë so amu fini

²⁷ Me e ye titene be ti azo so aso na e pepe. Tongaso mo gue kâ na kota ngu, mo bi yango. Tongana mo gboto kozo susu, mo zi yanga ti lo, fade mo yeke wara le ti nginza daa so alingbi titene mo futa na lapo ti mbi, na ti mo kue.”

Matthieu 17:27 Iomraidhean Croise

Tongo nda ti aye 1:28

Nzapa asara tufa na ndö ti ala si lo tene na ala: “Ala du, ala wu mingi, ala mu ndö ti sese kue, ala sara titene aye ti sese kue aduti na gbe ti ala! Ala sara komandema na ndö ti asusu ti ya ti kota ngu-ingo, na ndö ti andeke ti nduzu, na ndö ti anyama so kue ayeke hara harango na sese!”

1 Agbia 17:4

Fade mo yeke nyon ngu ti Kerit ni. Mbi mu yanga na *akpakpo titene ala gue na mo kobe ti tengo ni.”

Abia (Psaumes) 8:8

anyama ti kodro, akete ni na akota ni nga na anyama ti ngonda,

Jonas 2:10

Ti mbi, fade mbi yeke he bia ti mu singila na mo, KOTA GBIA, mbi yeke mu *sandaga na mo. Ye so mbi deba yanga ti mbi ti sarango ni, fade mbi yeke sara ni. Biani, mo KOTA GBIA laa, mo yeke soo zo na kuâ.”

Matthieu 17:26

Pierre akiri tënë na lo: “Awande.” Jésus atene na lo: “Tongaso, amolenge ti kodro alingbi ti futa ni pepe.

Matthieu 18:6

“Zo so asara si oko ti akete molenge so ama na be na mbi ati na ya ti siokpari, ayeke nzoni a kanga kota têne na go ti lo si a bi lo na gbe ti kota ngu-ingo.

Matthieu 18:8

Tongana maboko ti mo wala gere ti mo ayeke handa mo titene mo ti na ya ti siokpari, mo fâ ni, mo bi yongoro na tere ti mo. Titene mo li na ndo so zo ayeke duti na fini daa na maboko oko wala na gere oko, so laa ayeke nzoni ahon titene mo bata amaboko ti mo use na agere ti mo use kue si a bi mo na ni na ya ti wâ so ayeke gbi lakue lakue.

Matthieu 5:29

Tongana le ti mo ti mbage ti koli ayeke handa mo titene mo ti na ya ti siokpari, mo zi ni, mo bi yongoro na tere ti mo. Titene mo girisa mbeni mbage ti tere ti mo oko, so laa ayeke nzoni ahon titene a bi tere ti mo kue na ndo so wâ ayeke gbi daa lakue.

Matthieu 5:30

Tongana maboko ti mo ti koli ayeke handa mo titene mo ti na ya ti siokpari, mo fâ ni, mo bi yongoro na tere ti mo. Titene mo girisa mbeni mbage ti tere ti mo oko, so laa ayeke nzoni ahon titene tere ti mo kue ague na ndo so wâ ayeke gbi daa lakue.”

Marc 9:42

“Zo so asara si oko ti akete molenge so ama na be ati na ya ti siokpari, ayeke nzoni a kanga kota têne na go ti lo si a bi lo na ya ti kota ngu-ingo.

Marc 9:43

Tongana maboko ti mo laa ayeke handa mo titene mo ti na ya ti siokpari, ayeke nzoni mo fâ ni. Titene mo li na ndo so zo ayeke duti na fini daa na maboko oko, so laa ayeke nzoni ahon titene mo bata maboko ti mo use si mo gue na ni na ndo so wâ ayeke gbi daa si ayeke mingo oko pepe so. [

Nzoni Tënë so Luc asu na mbeti 17:2

Tongana a kanga fade kota têne na go ti lo, a bi lo na ya ti kota ngu-ingo, ka ayeke nzoni ahon titene lo sara si mbeni oko ti akete molenge so ati na ya ti siokpari.

Jean 6:61

Me Jésus ahinga so, adisiple ti lo ayeke kasa lo na gbe ti go ti ala ngbanga ti tënë so. Ndani laa lo hunda ala, lo tene: “Tënë so aso be ti ala?

Rome 14:21

Ye so ayeke nzoni ayeke titene mo te nyama pepe, mo nyon samba pepe, so ti tene mo ke ti sara ye so kue ita ti mo alingbi ti pika gere ti lo daa ti ti na ya ti siokpari.

1 Korente 8:13

Ndani laa, tongana tengo mbeni kobe laa asara si ita ti mbi ati, fade mbi yeke zia lege ti tengo nyama biani biani, tongaso si ita ti mbi ati pepe.

1 Korente 8:9

A mu lege na ala ti sara ye kue, me ala sara hange si ndali ti sarango ye ti ala ni, mbeni zo so mabe ti lo akpengba pepe so ati pepe.

2 Korente 6:3

E ye titene azo awara mbeni sioni tënë ti tene na ndö ti kua ti e pepe, nilaa e sara kue titene mbeni zo ati ndali ti e pepe.

2 Korente 8:9

Biani, ala hinga nzoni be ti Kota Gbia ti e Jésus Christ: lo yeke lani zo ti mosoro, me lo yeda ti ga zo ti mawa ndali ti ala titene na lege ti mawa ti lo, ala ga azo ti mosoro.

1 Tesalonike 5:22

ala kpe ye so kue ayeke ye ti sioni.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!