Matthieu 17:20 - Mbeti ti Nzapa - Tënë so amu fini

²⁰ Jésus akiri tënë na ala: “Ngbanga ti so mabe ti ala ayeke kete. Biani, mbi tene na ala: tongana konongo ti mabe ti ala alingbi na konongo ti kete kete le ti keke ti mutarde, fade ala yeke tene na hoto so: ‘Londo na ndo so, mo gue kâ.’ Fade hoto ni ayeke hon; ye alingbi ti kara ala oko pepe. [

Matthieu 17:20 Iomraidhean Croise

Matthieu 13:31

Jésus atene na ala mbeni toli, lo tene: “*Kodro-gbia ti yayu ayeke tongana le ti keke ti mutarde so mbeni zo amu si alu na yaka ti lo.

Matthieu 14:29

Jésus atene na lo: “Ga!” Pierre asigigi na ya ti ngo ni si lo tambula na le ti ngu ti gue na mbage ti Jésus.

Matthieu 17:17

Jésus akiri tënë: “Ala azo ti fadeso, ala yeke na mabe pepe, ala yeke azo ti kirikiri! Mbi yeke ngba ti duti na tere ti ala ngbii asi lawa? Mbi yeke ngba ti kanga be ti mbi na ala ngbii asi lawa? Ala ga na mbi molenge ni ge!”

Matthieu 17:19

Na pekoni, adisiple aga nduru na tere ti Jésus si gi ala na lo, ala hunda lo, atene: “Me ti e, e tumba yingo so gbaa ngbanga ti nyen?”

Matthieu 17:9

So ala londo na li ti hoto ni si ala yeke zu, Jésus amu yanga na ala, atene: “Ala tene tënë ti ye so ala baa so na zo oko pepe; ala ku ngbii na ngoi so *Molenge ti Zo ayeke zingo ande na kuâ.”

Matthieu 21:21

Jésus akiri tënë na ala: “Mbi tene na ala taa-tënë: tongana ala yeke na mabe si ala dekite pepe, fade ala yeke sara ye so mbi sara na keke ti fige so. Ala lingbi nga ti tene na hoto so: ‘Londo na ndo so, mo ti na ya ti kota ngu-ingo’, fade ye ni ayeke si alingbi na ni.

Matthieu 8:26

Jésus atene na ala: “Ala azo ti kete mabe, mbeto agbu ala ngbanga ti nyen?” Na pekoni, lo londo, lo suku na pupu nga na amapo ni si ndo ade ngii.

Marc 11:22

Tongaso Jésus atene na adisiple ti lo: “Ayeke nzoni ala ma na be na Nzapa.

Marc 11:23

Mbi tene na ala taa-tënë: tongana zo atene na hoto so, atene: ‘Londo na ndo so, mo ti na ya ti kota ngu-ingo’ si lo dekite na be ti lo pepe, me lo ma na be so ye ni ayeke si, fade ye ni ayeke si biani.

Marc 4:31

Kodro-gbia ti Nzapa ayeke tongana le ti keke so iri ni mutarde si a lu na sese; le ni ayeke kete kete ahon ale ti kobe ti dunia kue.

Marc 9:23

Jésus atene na lo: “Ngbanga ti nyen si mo tene: ‘Tongana mo lingbi ti sara?’ Zo so ama na be, lo lingbi ti sara ye kue!”

Nzoni Tënë so Luc asu na mbeti 1:37

So ti fa atene, ye ti hon ngangu ti Nzapa ayeke daa pepe.”

Nzoni Tënë so Luc asu na mbeti 17:6

Kota Gbia atene na ala: “Tongana konongo ti mabe ti ala alingbi na konongo ti le ti keke ti mutarde, fade ala lingbi ti tene na keke ti sikomor so, atene: ‘Gboto tere ti mo na agunda ti mo kue, mo gue, mo lu tere ti mo na ya ti kota ngu-ingo’, fade keke ni ayeke ma yanga ti ala.”

Nzoni Tënë so Luc asu na mbeti 18:27

Jésus akiri tënë na ala, atene: “Ye so azo alingbi ti sara ni pepe, Nzapa alingbi ti sara ni.”

Jean 11:40

Jésus akiri tënë na lo, atene: “Mbi tene fade na mo, mbi tene: ‘Tongana mo ma na be, fade mo yeke baa gonda ti Nzapa!’ ”

1 Korente 12:9

gi oko Yingo so ayeke mu na mbeni zo matabisi ti mabe; gi oko Yingo so ayeke mu na mbeni zo matabisi ti kaingo kobela;

1 Korente 13:2

Tongana mbi yeke na matabisi ti tenengo peko ti tënë ti yanga ti Nzapa, tongana mbi hinga nda ti aye so kue angba na hondengo ni, tongana mbi hinga ye kue, tongana mbi yeke na mabe ti sara si ahoto alondo ahon si mbi ye amba ti mbi pepe, mbi yeke ye oko pepe.

Ahebro 3:19

Tongaso, e baa so azo ni ali na kodro ni pepe, ngbanga ti so ala ma na be pepe.