Matthieu 16:27 - Mbeti ti Nzapa - Tënë so amu fini

²⁷ Biani, *Molenge ti Zo ayeke ga ande na *a-ange ti lo na ya ti gonda ti Babâ ti lo. Fade lo yeke futa zo oko oko alingbi na sarango ye ti lo.

Matthieu 16:27 Iomraidhean Croise

Mbeti ti Job 34:11

Me lo yeke futa zo alingbi na ye so zo ni asara; lo yeke sara na zo oko oko alingbi na lege ti dutingo ti lo.

Abia (Psaumes) 62:12

Fani mingi mbi ma Nzapa atene: “Ngangu ayeke ti mbi Nzapa.”

Amato 24:12

Mo lingbi ti tene: “Mbi hinga fade pepe!” Me lo so abaa atënë ti be ti zo, lo yeke hinga ni senge. Lo yeke baa mo, lo hinga ye kue; fade lo yeke futa zo oko oko alingbi na ye so lo sara!

Zo ti bongbingo azo 3:17

Mbi tene na be ti mbi, mbi tene: fade Nzapa ayeke fâ ngbanga ti zo ti mbirimbiri na ti zo ti sioni, ngbanga ti so ye oko oko na kua oko oko ayeke na ngoi ti lo.

Jérémie 17:10

“Mbi, KOTA GBIA, mbi yeke baa be ti zo na atënë ti be ti zo kue. Tongaso, mbi lingbi ti sara ye na zo alingbi na dutingo ti lo nga na asarango ye ti lo.

Jérémie 32:19

Apialo ti mo ayeke kota; na lege ti ngangu ti mo, mo yeke sara si apialo ni abaa gigi. Ye so azo ayeke sara, mo yeke baa ni kpoo. Tongaso, mo yeke sara na zo oko oko alingbi na lege ti dutingo ti lo nga na lengo ti sarango ye ti lo.

Ezekiel 18:20

Zo so asara siokpari, lo laa lo yeke kui. Fade molenge ayeke yo ngbanga ti sioni ti babâ ti lo pepe; babâ ayeke yo ngbanga ti sioni ti amolenge ti lo pepe. Zo ti mbirimbiri ayeke wara futa ti sarango ye ti mbirimbiri ti lo, zo ti sioni ayeke wara futa ti sarango sioni ti lo.”

Ezekiel 7:27

Fade gbia ayeke sara mua, makonzi ayeke duti na kota mawa, maboko ti azo ti kodro ayeke do dongo. Mbi yeke sara ye na ala alingbi na lege ti sarango ye ti ala, mbi yeke fâ ngbanga na li ti ala alingbi na ngbanga so ala fâ na li ti amba ti ala. Tongaso, ala yeke hinga atene, mbi yeke KOTA GBIA.”

Daniel 7:10

Mbeni wâ asigigi na dawa ti mbakoro ni si ayeke sua tongana ngu. Azo saki saki ayeke sara na lo si ambeni kutu mingi aluti na dawa ti lo. Awafango-ngbanga aduti si ala zi abuku.

Zakarii 14:5

Fade ala yeke mu lege ti popo-hoto ti mbi ti kpe ti hon, ngbanga ti so popo-hoto ni ague ngbii asi na Asal. Ala yeke kpe tongana ti so akotara ti ala akpe ando na lango so sese ayingi, na ngoi so Ozias ayeke gbia ti sese ti Juda. Na pekoni, fade KOTA GBIA, Nzapa ti mbi ayeke si, lo na *a-ange ti lo kue.

Matthieu 13:41

fade Molenge ti Zo ayeke tokua a-ange ti lo, ala yeke mu azo so ayeke sara si amba ti ala ayeke ti na ya ti siokpari nga na azo so ayeke sara aye ti sioni, ti sigigi na ala na ya ti *Kodro-gbia ti yayu,

Matthieu 13:49

Na lango ti ndani, fade ye ni ayeke duti ande tongaso: *a-ange ayeke ga ti kangbi popo ti asioni zo na anzoni zo.

Matthieu 24:30

Tongaso, mbeni ye ayeke sigigi na ya ti mbinda na le ti nduzu si ayeke fa na azo tënë ti gango ti *Molenge ti Zo. Amara ti dunia kue ayeke zia maboko na ndö ti go ti ala si ala yeke dema tere, ala yeke baa Molenge ti Zo so ayeke ga na ya ti ambinda na ngangu ti lo kue, na gonda ti lo kue.

Matthieu 25:31

“Na ndembe so *Molenge ti Zo ayeke ga ande na ya ti gonda ti lo na *a-ange ti lo kue na tere ti lo, lo yeke duti na ndö ti mbata ti lo ti gbia so ayeke mbata ti gonda.

Matthieu 26:64

Jésus akiri tënë na lo: “Gi tënë ni laa mo tene awe so. Me mbi tene na ala so fade ala yeke baa *Molenge ti Zo aduti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli. Lo yeke londo na yayu, lo duti na ndö ti ambinda ti ga.”

Matthieu 8:20

Jésus atene na lo: “Anyama ti gbungo kondo ayeke na du so ala yeke lango na ya ni, andeke ti nduzu ayeke na da ti lango ti ala; me *Molenge ti Zo ayeke na mbeni ndo ti ziango li ti lo daa pepe.”

Marc 14:62

Jésus akiri tënë, atene: “Biani, mbi yeke lo. Fade ala yeke baa *Molenge ti Zo aduti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli. Lo yeke londo na yayu ti ga na ya ti ambinda.”

Marc 8:38

Biani, azo ti fadeso ake ti ma yanga ti Nzapa, ala yeke sara gi sioni. Tongana mbeni zo asara kamene ti mbi na ti atënë ti mbi na le ti azo ti fadeso, fade Molenge ti Zo ayeke sara kamene ti zo ni na lango so lo yeke ga na ya ti gonda ti Babâ ti lo, na *a-ange ti lo so ayeke nde si ayeke nzoni kue.”

Nzoni Tënë so Luc asu na mbeti 21:27

Tongaso azo ayeke baa *Molenge ti Zo so ayeke ga na ya ti mbinda na ngangu ti lo kue, na gonda ti lo kue.

Nzoni Tënë so Luc asu na mbeti 22:69

Me ti londo na ndembe so ti gue na ni, fade *Molenge ti Zo ayeke duti na tere ti Nzapa so ngangu ti lo ahon angangu kue; lo yeke duti na mbage ti maboko ti lo ti koli.”

Nzoni Tënë so Luc asu na mbeti 9:26

Tongana mbeni zo asara kamene ti mbi na ti atënë ti mbi, fade Molenge ti Zo ayeke sara nga kamene ti lo na lango so lo yeke ga na ya ti gonda ti lo, gonda ti Babâ ti lo nga na ti *a-ange so ayeke nde si ayeke nzoni kue.

Jean 21:22

Jésus akiri tënë na lo: “Tongana mbi ye titene lo ngba ngbii mbi ga, ti mo daa nyen? Ti mo, mo mu peko ti mbi!”

Jean 21:23

Gi na ndö ti tënë so laa azo ti Christ atene na popo ti ala atene, disiple so ayeke kui ande pepe. Me Jésus atene na disiple ni pepe, atene: “Fade lo yeke kui pepe”. Andaa tënë so Jésus atene ayeke so: “Tongana mbi ye titene lo ngba ngbii mbi ga, ti mo daa nyen?”

Awatokua 1:11

Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”

Rome 14:12

Tongaso fade e oko oko kue, e yeke kiri tënë na Nzapa na ndö ti aye so kue e sara.

Rome 2:6

lo yeke futa zo oko oko alingbi na ye so zo ni asara.

1 Korente 15:23

Me fade zo oko oko ayeke zingo na kuâ tongana ngoi ti lo alingbi: kozo zo so azingo na kuâ ayeke Christ; na pekoni, fade azo ti Christ laa ayeke zingo na kuâ na lango ti gango ti lo.

1 Korente 3:13

Fade a yeke fa kua ti zo oko oko na le ti azo kue na lango ti fango ngbanga. Na lango ni so, fade wâ ayeke tara kua ti zo oko oko ti fa wala kua ni ayeke nzoni wala sioni.

1 Korente 8:8

Kobe laa ayeke sara titene e ga nduru na Nzapa pepe. Ataa e te ni pepe, e yeke girisa ye oko daa pepe, ataa e te ni, e yeke wara ye oko daa pepe.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Efeze 6:8

Ayeke nzoni ala hinga atene, tongana mbeni zo asara nzoni kua, fade Kota Gbia ayeke futa lo, ataa zo ni ayeke ngbaa wala lo yeke ngbaa pepe.

Kolose 3:25

Zo so asara ye ti sioni, fade lo yeke wara futa ti peko ti sioni ti lo, ngbanga ti so Nzapa ayeke mu mbage ti mbeni zo pepe.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Tesalonike 4:16

Fade Nzapa ayeke mu yanga na kota go, azo ayeke ma go ti makonzi ti *a-ange nga na tatalita ti Nzapa. Tongaso, Kota Gbia wani ayeke londo na yayu ti zu. Azo so ama na be na Christ si akui so, ala laa ayeke zingo na kuâ kozo.

Jacques 5:7

A-ita, ala kanga be ti ala ti ku lango ti gango ti *Kota Gbia. Ala baa zo ti fango yaka: lo yeke kanga be ti lo ti ku anzoni kobe ti yaka ti lo, lo yeke ku ngbii akozo ngu-Nzapa na angu ti ndani apika si.

1 Pierre 1:17

Nzapa ayeke fâ ngbanga na li ti zo alingbi na ye so lo sara, lo yeke mu mbage ti mbeni zo pepe. Tongaso, a-ita, tongana ala yeke sambela si ala iri Nzapa atene “Babâ”, ala duti na mbeto ti lo na ngoi so ala yeke na dunia so.

1 Jean 2:28

Tongaso, amolenge ti mbi, ala ngba ti duti oko na Christ, tongaso si na lango ti gango ti lo, be ti e ado pepe, e duti yongoro na lo pepe si kamene agbu e na lango ni so pepe.

Jude 1:14

Henok, lo so lo yeke na molongo mbarambara ti *ahale ti Adam, atene tënë na ndö ti azo so ando, lo tene: “Ala ma tënë so: ‘Kota Gbia ayeke ga na a-ange gbani gbani so ayeke nde si ayeke nzoni kue.

Aye so Nzapa afa 1:7

Ala baa, lo yeke na ya ti mbinda si lo yeke ga! Fade le ti azo kue ayeke baa lo, ataa ala so lani akpo lo. Fade amara ti dunia kue ayeke toto ndali ti aye so a sara na lo. So ayeke taa-tënë! Amen.

Aye so Nzapa afa 2:23

Fade mbi yeke fâ azo so kue ayeke mu peko ti wali ni. Na pekoni, a-Eglize kue ayeke hinga atene, mbi yeke lo so lo hinga tënë so ayeke na ya ti be ti zo nga na nzara ti be ti zo. Fade mbi yeke futa zo oko oko alingbi na ye so lo sara.

Aye so Nzapa afa 20:12

Na pekoni, mbi baa akuâ, akete ni na akota ni, ala yeke luti na dawa ti mbata ti gbia ni. A zi abuku si a zi mbeni buku nde: mbeti so a su iri ti azo so ayeke na taa fini daa. A fâ ngbanga na li ti akuâ alingbi na ye so ala sara tongana ti so a su tënë ni na ya ti abuku ni so.