Matthieu 16:25 - Mbeti ti Nzapa - Tënë so amu fini

²⁵ Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi, fade lo yeke kiri ti wara ni.

Matthieu 16:25 Iomraidhean Croise

Esther 4:14

Ataa mo ke ti zi yanga na ndö ti ye so asi na e fadeso, ye ti zingo azuife na ya ti mawa nga na ya ti kuâ ayeke londo ande na mbeni ndo nde. Me ti mo na sewa ti mo kue, fade ala yeke kui. Mbi hinga pepe, ndali ti zingo e na ya ti ye ti ngangu tongaso si mo ga wali ti gbia so!”

Esther 4:16

“Gue mo bongbi azuife so kue ayeke na Suze, mo tene na ala titene ala ke kobe ti sambela ndali ti mbi; bi na lâ na ya ti lango ota, ala te kobe pepe, ala nyon ngu pepe. Mbi nga, mbi na azo ti kua ti mbi ti wali, e yeke sara ande tongaso. Na pekoni, mbi yeke gue na tere ti gbia, ataa so ndia agbanzi lege ni; ti kuâ ni, mbi yeke kui!”

Zo ti bongbingo azo 3:6

Ngoi ti gingo ye ayeke daa, ngoi ti girisango ye ayeke daa; ngoi ti batango ye ayeke daa, ngoi ti bingo ye ayeke daa.

Matthieu 10:39

Zo so aye ti bata fini ti lo, fade lo yeke girisa ni; me zo so agirisa fini ti lo ndali ti mbi, fade lo yeke kiri ti wara ni.”

Matthieu 16:26

Tongana zo awara aye ti dunia so kue si lo girisa fini ti lo, nzoni ye ti nyen laa lo yeke wara na peko ni? Nyen laa zo alingbi ti mu ti vo na fini ti lo?

Marc 8:35

Biani, zo so aye ti soo fini ti lo, fade lo yeke girisa ni; me zo so ayeke girisa fini ti lo ndali ti mbi nga ndali ti Nzoni Tënë, fade lo yeke soo ni.

Nzoni Tënë so Luc asu na mbeti 17:33

Zo so agi lege ti bata fini ti lo, fade lo yeke girisa ni; me zo so agirisa fini ti lo, fade lo yeke bata ni.

Jean 12:25

Zo so aye ti bata fini ti lo ndali ti lo wani, fade lo yeke girisa ni; me zo so ake fini ti lo na ndö ti dunia so, fade lo yeke bata ni ndali ti fini so angba lakue lakue.

Aye so Nzapa afa 12:11

A-ita ti e ni ahon ndö ti lo na lege ti mene ti Molenge ti Taba nga na lege ti taa-tënë so ala fa ni. Ala baa fini ti ala tongana senge ye si ala yeda ti ka tere ti ala na kuâ.