Matthieu 16:19 - Mbeti ti Nzapa - Tënë so amu fini

¹⁹ Mbi yeke mu ande na mo akerere ti yanga ti *Kodro-gbia ti yayu. Ye so kue mo yeke gbanzi lege ni na sese ge, fade Nzapa ayeke gbanzi lege ni na yayu kâ. Ye so kue mo yeke zi lege ni na sese ge, fade Nzapa ayeke zi lege ni na yayu kâ.”

Matthieu 16:19 Iomraidhean Croise

Ésaïe 22:22

Mbi yeke mu na lo kerere ti yanga ti da ti David. Tongana lo zi yanga ti da ni, zo oko ti kanga ni ayeke daa pepe, tongana lo kanga yanga ti da ni, zo oko ti zi ni ayeke daa pepe.

Matthieu 18:18

“Mbi tene na ala taa-tënë: ye so kue ala yeke gbanzi lege ni na sese ge, fade Nzapa ayeke gbanzi lege ni na yayu kâ. Ye so kue ala yeke zi lege ni na sese ge, fade Nzapa ayeke zi lege ni na yayu kâ.

Jean 20:23

Tongana ala zi siokpari na li ti mbeni zo, fade siokpari ti zo ni ayeke hon. Tongana ala zi siokpari na li ti mbeni zo pepe, fade siokpari ayeke ngba na li ti lo.”

Awatokua 15:7

So tënë ni aga ngangu na popo ti ala, Pierre alondo si lo tene: “A-ita ti mbi, ala hinga so, ngbene ye na ya ti akozo lango, Nzapa asoro mbi na popo ti ala ti fa Nzoni Tënë na azo ti amara nde titene ala ma ni si ala ma na be.

2 Korente 2:10

Tongana ala zi tënë na li ti mbeni zo, mbi nga, mbi yeke zi tënë na li ti lo. Tongana mbi zi tënë na li ti zo – tongana ti so mbi wara lege ti sarango ni – mbi zi ni ndali ti ala, na le ti Christ.

1 Tesalonike 4:8

Ndani laa, zo so ake ti sara ye alingbi na atënë so, zo laa lo ke lo pepe, me lo ke Nzapa so ayeke mu Yingo-Vuru ti lo na ala.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

Aye so Nzapa afa 11:6

Ala yeke na ngangu ti kanga le ti nduzu si na ndembe so kue ala yeke tene peko ti tënë ti yanga ti Nzapa, ngu ayeke pika pepe. Ala yeke na ngangu na ndö ti angu kue ti sara si angu ni aga mene. Ala yeke nga na ngangu ti sara aye ti sioni nde nde na sese fani mingi tongana ti so be ti ala aye.

Aye so Nzapa afa 3:7

“Su mbeti so, mo tokua na *ange so ayeke na li ti *Eglize ti gbata ti Filadelfii: “Lo so lo yeke nde si lo yeke nzoni kue, lo so lo yeke tene gi taa-tënë, lo so lo yeke na kerere ti David na maboko ti lo, lo laa lo yeke tene tënë so. Tongana lo zi yanga ti da, mbeni zo alingbi ti kanga ni pepe; tongana lo kanga ni, mbeni zo alingbi ti zi ni pepe.

Aye so Nzapa afa 9:1

Oku *ange ni ahuru tatalita ti lo. Mbi baa mbeni tongoro so alondo na nduzu ati na sese; a mu na lo kerere ti yanga ti *kota du so alinda mingi.